Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fyrir liggur fundargerð matsnefndar, dags. 04.07.2024, varðandi umsókn Múlaþings um stofnframlag vegna Selbrúnar 5 í Fellabæ.

Eftirfarandi tillaga lögð fram:
Byggðaráð Múlaþings samþykkir tillögu matsnefndar um að sótt verði um stofnframlag vegna fyrirhugaðrar uppbyggingar í Selbrún 5 í Fellabæ í samræmi við fyrirliggjandi drög að umsókn. Á móti komi söluhagnaður á þegar seldum íbúðum. Verði umsóknin samþykkt af HMS þá verði unninn viðauki við gildandi fjárhagsáætlun vegna ársins 2024.Fjármálastjóra falin framkvæmd málsins.

Samþykkt samhljóða með handauppréttingu.

Fyrir liggur bókun frá 121. fundi umhverfis- og framkvæmdaráðs varðandi vinnu við gerð aðalskipulags Múlaþings 2025-2045 þar sem því er beint til byggðaráðs að hraðað verði vinnu við gerð atvinnustefnu Múlaþings eins og kostur er svo stefnan geti nýst við stefnumótun aðalskipulags.

Eftirfarandi tillaga lögð fram:
Byggðaráð Múlaþings samþykkir að bjóða Dagmar Ýr Stefánsdóttur til fundar með byggðaráði í ágúst þar sem farið verði yfir vinnu og samtal sem hefur farið fram af hálfu SSA við atvinnulíf á Austurlandi. Einnig verði atvinnu- og menningarmálastjóri Múlaþings boðuð á fundinn.

Samþykkt samhljóða með handauppréttingu.

Fyrir liggur bókun frá 121. fundi umhverfis- og framkvæmdaráðs varðandi skipulagstillögu vegna breytinga á Aðalskipulagi Seyðisfjarðarkaupstaðar 2010-2030. Tillagan var auglýst í samræmi við 2. mgr. 30. gr. skipulagslaga nr. 123/2010 með athugasemdafresti til og með 16. apríl sl.

Eftirfarandi tillaga lögð fram:
Að tillögu umhverfis- og framkvæmdaráðs samþykkir byggðaráð Múlaþings að fyrirliggjandi tillaga að breytingu á Aðalskipulagi Seyðisfjarðarkaupstaðar 2010-2030 vegna stækkunar á hafnarsvæði Seyðisfjarðar og nýju safnasvæði verði auglýst í samræmi við 31. gr. skipulagslaga nr. 123/2010. Byggðaráð felur skipulagsfulltrúa framkvæmd málsins.

Samþykkt samhljóða með handauppréttingu.

Fyrir liggur bókun frá 122. fundi umhverfis- og framkvæmdaráðs, dags. 08.07.2024 þar sem hafnarreglugerð Múlaþings er vísað til byggðaráðs til staðfestingar.

Eftir farandi tillaga lögð fram:
Byggðaráð Múlaþings samþykkir fyrirliggjandi hafnarreglugerð Múlaþings og felur sveitarstjóra að vísa henni til innviðaráðuneytis til staðfestingar.

Samþykkt samhljóða með handauppréttingu.

Atvinnu- og menningarmálasvið og Umhverfis- og framkvæmdasvið leggja hér með fram tillögu að framkvæmdaáætlun til 5 ára er varðar uppbyggingu áfangastaða í sveitarfélaginu til umræðu og afgreiðslu. Hugrún Hjálmarsdóttir, framkvæmda- og umhverfismálastjóri kom inn á fundinn undir þessum lið.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögur að uppbyggingu áfangastaða í sveitarfélaginu og felur framkvæmda- og umhverfismálastjóra og atvinnu- og menningarmálastjóra að sjá til þess að unnið verði samkvæmt fyrirliggjandi tillögum.

Samþykkt samhljóða með handauppréttingu.

Til umfjöllunar er mótun eigendastefnu fyrir HEF veitur.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að boða fulltrúa HEF veitna til samtals um gerð eigendastefnu á fund byggðaráðs 20.ágúst nk.

Samþykkt samhljóða með handauppréttingu.

Fyrir liggur að afgreiða þarf endurkjör forseta og varaforseta sveitarstjórnar auk byggðaráðs Múlaþings.

Eftirfarandi tillaga lögð fram:
Jónína Brynjólfsdóttir verði kjörin forseti sveitarstjórnar, Berglind Harpa Svavarsdóttir, fyrsti varaforseti og Hildur Þórisdóttir annar varaforseti. Jafnframt verði í byggðaráði kjörnir eftirtaldir fulltrúar: Berglind Harpa Svavarsdóttir, D-lista (formaður), Vilhjálmur Jónsson, B-lista (varaformaður), Ívar Karl Hafliðason, D-lista, Hildur Þórisdóttir, L-lista, Helgi Hlynur Ásgrímsson, V-lista, og Þröstur Jónsson, M-lista (áheyrnarfulltrúi).

Samþykkt samhljóða með handauppréttingu.

Fyrir liggur erindi frá Háskóla-, iðnaðar- og nýsköpunarráðuneyti varðandi tilboð um styrk til að ljúka lagningu ljósleiðara til heimila utan markaðssvæða í þéttbýli.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að óska eftir tillögum að viðbrögðum frá HEF-veitum við fyrirliggjandi erindi ráðuneytis varðandi mögulega styrkveitingu vegna ljósleiðaralagna. Erindið verði tekið til afgreiðslu á fundi byggðaráðs 7. ágúst nk.

Samþykkt samhljóða með handauppréttingu.

Fyrir liggur bókun frá 122. fundi umhverfis- og framkvæmdaráðs, dags. 08.07.2024, varðandi reglur um skipulögð geymslusvæði í Múlaþingi.

Eftir farandi tillaga lögð fram:
Byggðaráð Múlaþings staðfestir fyrirliggjandi drög að reglum um geymslusvæði í Múlaþingi og form leigusamnings. Framkvæmda- og umhverfismálastjóra falið að sjá til þess að unnið verði samkvæmt þessu.

Samþykkt samhljóða með handauppréttingu.

Fyrir liggur bókun frá 122. fundi umhverfis- og framkvæmdaráðs, dags. 08.07.2024, varðandi viljayfirlýsingu um fjölgun íbúða og eflingu stafrænnar stjórnsýslu í Múlaþingi.

Eftir farandi tillaga lögð fram:
Byggðaráð Múlaþings samþykkir þann hluta yfirlýsingarinnar er snýr að stafrænni stjórnsýslu og úthlutun lóða við Selbrún og Bláargerði. Byggðaráð tekur undir með umhverfis- og framkvæmdaráði að í yfirlýsingunni komi fram að markmiðið verði að tryggja húsnæðisuppbyggingu í öllum byggðakjörnum sveitarfélagsins þó svo að á þessu stigi sé horft til fyrsta áfanga uppbyggingar á Egilsstöðum og í Fellabæ. Sveitarstjóra falin undirritun uppfærðrar yfirlýsingar fyrir hönd sveitarfélagsins.

Samþykkt samhljóða með handauppréttingu.

Fyrir liggur ósk um samþykki sveitarfélagsins fyrir uppsetningu auglýsingaborða á Egilsstöðum í tengslum við flughátíðina Flug og Fáka sem verður haldin á Egilsstaðaflugvelli sunnudaginn 28. júlí nk.

Eftirfarandi tillaga lögð fram:
Byggðaráð Múlaþings gerir ekki athugasemd við að settur verði upp auglýsingarborði í tengslum við flughátíðina Flug og Fáka á lóð sveitarfélagsins fyrir framan Hótel Hérað við þjóðveg 1 dagana 26. - 28.07.

Samþykkt samhljóða með handauppréttingu.

Fyrir liggur bókun frá 122. fundi umhverfis- og framkvæmdaráðs, dags. 08.07.2024, varðandi gjaldskrár Múlaþings.

Eftirfarandi tillaga lögð fram:
Byggðaráð Múlaþings staðfestir afgreiðslu umhverfis- og framkvæmdaráðs um að ekki verði innheimt gjald vegna endurnýjunar lóðaleigusamninga samkvæmt gildandi gjaldskrá frá og með 08.07.2024.

Samþykkt samhljóða með handauppréttingu.

Fyrir liggja fundargerðir stjórnar Sambands íslenskra sveitarfélaga, dags. 13.06.2024 og 21.06.2024.

Lagt fram til kynningar.

Fyrir liggur fundargerðir stjórnar SSA, dags. 23.05.2024 og 21.06.2024.

Lagt fram til kynningar.

Fyrir liggur fundargerð aðalfundar SSA, dags. 23.05.2024.

Lagt fram til kynningar.

Fyrir liggur fundargerð ársfundar Austurbrúar, dags. 23.05.2024.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.