Stuðningsfjölskyldur

Að sækja um stuðningsfjölskyldu fyrir fötluð börn

Fjölskyldur fatlaðra barna skulu eiga kost á stuðningsfjölskyldu eftir því sem þörf krefur. Hlutverk hennar er að taka fatlað barn í umsjá sína í skamman tíma í þeim tilgangi að létta álagi af fjölskyldu þess og gefa börnunum möguleika á aukinni félagslegri þátttöku. Samið er um ákveðinn dagafjölda í mánuði, oftast 2-3 sólarhringar og foreldrar eru hafðir með í ráðum um val á fjölskyldu. Þörf fyrir þjónustu er metin í hverju tilfelli fyrir sig út frá fötlun barns og aðstæðum fjölskyldu. Heimilt er í sérstökum tilfellum að veita fjölskyldum einstaklinga eldri en 18 ára þjónustu stuðningsfjölskyldu.

Umsókn um stuðningsfjölskyldu fatlaðs barns

Reglur Múlaþings um stuðningsfjölskyldur

Að gerast stuðningsfjölskylda

Leyfi þarf til að gerast stuðningsfjölskylda og sér Gæða- og eftirlitsstofnun velferðarmála um leyfisveitingar, sjá nánar Leyfi til að gerast stuðningsfjölskylda | Ísland.is (island.is)

Áhugasamir eru hvattir til að kynna sér málið hjá Félagsþjónustu Múlaþings í síma 4 700 700