Félagsleg úrræði

Félagsleg ráðgjöf

Í félagslegri ráðgjöf felst m.a. að veittar eru upplýsingar um ýmis réttindamál, persónulegur stuðningur, samræming þjónustu og lausnamiðuð stuðningsviðtöl. Ráðgjöfinni skal ætíð beitt í eðlilegu samhengi við aðra þjónustu og aðstoð sem til boða stendur.

Haft er að leiðarljósi að styðja einstaklinginn eða fjölskylduna til sjálfshjálpar þannig að hver einstaklingur geti sem best notið sín í samfélaginu.

Ráðgjöf vegna barna

Stuðningur og ráðgjöf við barnafjölskyldur felst m.a. í uppeldisráðgjöf, fræðslu og námskeiðum.

Í sérstökum tilfellum er börnum sem búa við erfiðar aðstæður s.s. félagslega einangrun veitt þjónusta í formi persónulegs ráðgjafa.

Foreldrar fatlaðra barna geta fengið aðstoð við að halda utan um málefni barna sinna varðandi samræmingu á þjónustu, ráðgjafi getur tekið þátt í teymisfundum foreldra og þjónustuaðila ef óskað er og veitt ráðgjöf til þeirra aðila sem veita börnunum þjónustu.

Einnig er foreldrum veitt aðstoð við umsókn um fjárhagslega aðstoð til Tryggingarstofnunar . Þörf fyrir fjárhagsaðstoð er metin með tilliti til umönnunarþarfa viðkomandi barns og fötlunar þess og er aðstoðin ætluð til þess að mæta ýmsum kostnaði vegna þjónustu við barnið.

Fjárhagsaðstoð og ráðgjöf

Annars vegar er um að ræða framfærslustyrk sem veita má einstaklingum sem ekki geta séð sér farborða með öðrum hætti, hins vegar er heimilt að veita einstaklingum og fjölskyldum aðstoð vegna sérstakra aðstæðna og til að koma til móts við þarfir barna vegna þátttöku í þroskavænlegu félagsstarfi.

Fjárhagsaðstoðin skal miða að því að styrkja einstaklinginn til sjálfshjálpar og þar með að vinna bug á fjárhagslegum erfiðleikum til frambúðar. Einnig er boðið uppá ráðgjöf um meðferð fjármuna og aðstoð við skipulagningu fjármála. Starfsmaður er tengiliður við ráðgjafastofu um fjármál heimilanna.

Reglur um fjárhagsaðstoð

Umsókn um fjárhagsaðstoð

Félagsleg heimaþjónusta

Með félagslegri heimaþjónustu skal stefnt að því að efla viðkomandi til sjálfsbjargar og gera honum kleift að búa sem lengst í heimahúsum við sem eðlilegastar aðstæður. Með félagslegri heimaþjónustu er átt við hvers konar aðstoð við heimilishald, persónulega umhirðu, félagslegan stuðning, gæslu og umönnun barna og unglinga.

Sjá má nánar um fyrirkomulag þjónustunnar í reglum um stuðningsþjónustu. Með umsókn um þjónustuna skal fylgja staðfest afrit af skattskýrslu. Að auki skal fylgja læknisvottorð eða hjúkrunarbréf ef sótt er um þjónustu þar sem geta er skert vegna veikinda. Fyrir félagslega heimaþjónustu skal greitt samkvæmt gjaldskrá og miðast greiðslur við tekjur og handbært fé notanda.

Reglur um stuðningsþjónustu

Umsókn um stuðningsþjónustu

Heimsending matar

Heimsending matar er veitt samkvæmt reglum um félagslega heimaþjónustu. Þjónustan er niðurgreidd af sveitarfélagi og er þörf metin í hverju tilfelli fyrir sig. 

Reglur um stuðningsþjónustu

Umsókn um stuðningsþjónustu  

Félagslegar leiguíbúðir

Félagslegum leiguíbúðum í eigu sveitarfélagsins er úthlutað samkvæmt reglum um félagslegt húsnæði. 

Reglur um félagslegt húsnæði í Múlaþingi

Umsókn um félagslegt leiguhúsnæði  

Húsnæðisstuðningur

Húsnæðisbætur eru veittar samkvæmt lögum númer 75/2016. Sótt er um húsnæðisbætur á vef Húsnæðis- og mannvirkjastofnunar

Sérstakur húsnæðisstuðningur

Stuðningurinn er ætlaður einstaklingum og fjölskyldum sem þurfa félagslega aðstoð til að sjá sér fyrir húsnæði sökum lágra launa, þungrar framfærslubyrðar og- /eða annarra félagslegra erfiðleika. Úthlutað er samkvæmt reglum um sérstakan húsnæðisstuðning. Sótt er um sérstakan húsnæðisstuðning á þar til gerðum umsóknum.

Reglur um sérstakan húsnæðisstuðning

Umsókn um sérstakan húsnæðisstuðning

Sérstakur húsnæðisstuðningur vegna 15 - 17 ára barna

Húsnæðisstuðningur til foreldra eða forsjáraðila 15 - 17 ára barna sem leigja herbergi á heimavist eða námsgörðum vegna náms fjarri lögheimili er veittur án tillits til húsnæðisbóta og án þess að fram fari mat á tekjum og eignum. Úthlutað er samkvæmt reglum um sérstakan húsnæðisstuðning. Hér má finna umsókn um húsnæðisstuðning vegna 15 - 17

Umsókn um sérstakan húsnæðisstuðning fyrir 15 - 17 ára barn

Mann- og geðrækt - Ásheimar

Ásheimar eru með aðstöðu í Hlymsdölum á Egilsstöðum, sem er athvarf fyrir fólk sem telur sig félagslega einangrað. Starfsemi Ásheima mótast að miklu leyti af óskum og þörfum notenda hverju sinni.

Markmiðið er að vinna gegn félagslegri einangrun og skapa aðstæður fyrir fólk til að byggja sig upp andlega. 

Opnunartímar er klukkan 13 - 16 alla virka daga.

Facebooksíða Ásheima

Gagnlegir tenglar

Rauði krossinn á Íslandi (raudikrossinn.is)

Samtök um kvennaathvarf – Kvennaathvarfið

Stígamót

ÖBÍ - ÖBI (obi.is)

Geðhjálp

Stjórnarráðið | Félags- og vinnumarkaðsráðuneytið (stjornarradid.is)

Tryggingastofnun ríkisins

Vinnumálastofnun

Umboðsmaður skuldara

Húsnæðisbætur | Húsnæðis- og mannvirkjastofnun