Dýrahald

Í Múlaþingi er tiltekið dýrahald leyfilegt að uppfylltum skilyrðum sem kveðið er á um í viðkomandi samþykktum. Sækja þarf sérstaklega um leyfi til að halda dýr sem falla undir samþykktirnar.

Hundar og kettir eru skráningarskyldir frá 3 mánaða aldri, en auk þess þarf að skrá dýr innan mánaðar eftir að það kemur á nýtt heimili. Þá þarf að tilkynna afskráningu innan mánaðar ef hundur eða köttur skiptir um heimili eða deyr.

Fiðurfénaður er leyfisskyldur og því óheimilt að halda slíka fugla án leyfis. Þá þarf jafnframt að tilkynna afskráningu ef fuglahaldi er hætt. Byggingarleyfi fyrir fuglakofa er háð gildandi ákvæðum byggingarreglugerðar á hverjum tíma. Almennt gildir að ef fuglakofi er undir 15m² og fleira tengt hæð og ekki nær lóðamörkum eða húsi en 3m þá er það ekki leyfisskylt. Sjá nánar framkvæmdir undanþegnar byggingarleyfi og leiðbeiningar HMS um smáhýsi.

Leyfisgjöld

Greitt er fyrir leyfi til hunda- og kattahalds samkvæmt gjaldskrá, en árlegt leyfisgjald er sent út í greiðsluseðli. Innifalið í leyfisgjaldinu er meðal annars:

• ormahreinsun
• trygging gagnvart þriðja aðila
• hluti dýraeftirlitskostnaðar

Til viðbótar bætist við leyfisgjöld hunda:

• hluti kostnaðar vegna ruslastampa
• rekstur hundasvæða

Umsýsla vegna dýrahalds

• Boðun um ormahreinsun er send út árlega, að hausti. Skylt að mæta með hunda - og ketti í hana.
• Sveitarfélagið sér um handsömun hunda í lausagöngu og villikatta.

• Athugasemdir vegna ónæðis, óþrifnaðar eða lausagöngu gælu- eða húsdýra innan girðinga þéttbýlis skal tilkynna til sveitarfélagsins. Ábendingar og kvartanir eru metnar í hverju tilfelli fyrir sig og er lögð áhersla á að bregðast við í samræmi við það.

Verkefnastjóri umhverfismála hefur umsjón með skráningu og umsýslu gæludýrahalds.

Ýmsar upplýsingar og eyðublöð

Gjaldskrá fyrir hunda- og kattahald
Samþykkt um hunda- og kattahald og annað gæludýrahald í Múlaþingi

Umsókn um leyfi til hundahalds
Umsókn um leyfi til kattahalds
Umsókn um leyfi til að halda fiðurfénað

Umsókn um afslátt af hundaleyfisgjöldum 
Umsókn um afslátt af kattaleyfisgjöldum 

Uppsögn á leyfi til dýrahalds