Framkvæmdasjóður ferðamannastaða - framkvæmdaáætlun

Atvinnu- og menningarmálasvið og Umhverfis- og framkvæmdasvið leggja hér með fram tillögu að framkvæmdaáætlun til 5 ára er varðar uppbyggingu áfangastaða í sveitarfélaginu til umræðu og afgreiðslu. Hugrún Hjálmarsdóttir, framkvæmda- og umhverfismálastjóri kom inn á fundinn undir þessum lið.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögur að uppbyggingu áfangastaða í sveitarfélaginu og felur framkvæmda- og umhverfismálastjóra og atvinnu- og menningarmálastjóra að sjá til þess að unnið verði samkvæmt fyrirliggjandi tillögum.

Samþykkt samhljóða með handauppréttingu.

Lögð er fram bókun byggðaráðs um 5 ára framkvæmdaáætlun er varðar uppbyggingu áfangastaða í sveitarfélaginu.

Eftirfarandi tillaga lögð fram:
Umhverfis- og framkvæmdaráð samþykkir að horft verði til fyrirliggjandi áætlunar við gerð fjárfestingaráætlunar 2025. Jafnframt er lagt til að framkvæmdaáætlunin verði lögð fyrir heimastjórnir til kynningar og umræðu.

Samþykkt samhljóða.

Fyrir liggja til kynningar og umræðu 5 ára framkvæmdaáætlun er varðar uppbyggingu áfangastaða í sveitarfélaginu sem umhverfis- og framkvæmdaráð samþykkti á fundi sínum 19.8.2024 að horft yrði til við gerð fjárfestingaráætlunar 2025.

Heimastjórn Borgarfjarðar óskar eftir því að fá að rýna framkvæmdaáætlunina betur þar sem aðeins eitt verkefni á Borgarfirði kemur fram í henni. Málið verður aftur tekið fyrir á næsta fundi.

Samþykkt samhljóða með handauppréttingu.

Að mati heimastjórnar ættu heimastjórnir að koma að áætlanagerðum sem þessum strax í upphafi ferilsins, en ekki í lokin þegar í raun er orðið of seint að gera athugasemdir. Eins telur heimastjórn að tækifæri séu til að sækja um styrki í fleiri verkefni en gert er ráð fyrir í þessari áætlun.

Á fundi sínum 2. maí sl. lagði heimastjórn Djúpavogs fram sínar áherslur og lagði til að sótt yrði um í Framkvæmdasjóð ferðamannastaða í þau verkefni. Engin þeirra eru inn á þessari áætlun í ár.

Starfsmanni falið að fylgja málinu eftir.

Fyrir liggja til kynningar og umræðu 5 ára framkvæmdaáætlun er varðar uppbyggingu áfangastaða í sveitarfélaginu sem umhverfis- og framkvæmdaráð samþykkti á fundi sínum 19.8.2024 að horft yrði til við gerð fjárfestingaráætlunar 2025.

Heimastjórn Fljótsdalshéraðs gerir ekki athugasemdir við áætlunina.

Samþykkt samhljóða með handuppréttingu.

Fyrir liggja til kynningar og umræðu 5 ára framkvæmdaáætlun er varðar uppbyggingu áfangastaða í sveitarfélaginu sem umhverfis- og framkvæmdaráð samþykkti á fundi sínum 19.8.2024 að horft yrði til við gerð fjárfestingaráætlunar 2025.

Fulltrúi sveitarstjóra falið að koma ábendingu á framfæri í samræmi við umræður á fundinum.

Fyrir liggja til kynningar og umræðu 5 ára framkvæmdaáætlun er varðar uppbyggingu áfangastaða í sveitarfélaginu sem umhverfis- og framkvæmdaráð samþykkti á fundi sínum 19.8.2024 að horft yrði til við gerð fjárfestingaráætlunar 2025. Heimastjórn ákvað á fundi sínum 5. september 2024 að rýna framkvæmdaáætlunina betur þar sem aðeins eitt verkefni á Borgarfirði kom fram í henni.

Starfsmanni falið að setja saman minnisblað með hugmyndum í samræmi við umræður á fundinum.