Fjárhagsáætlun Múlaþings 2023 - 2026

Fjármálastjóri fór yfir stöðu vinnu við gerð fjárhagsáætlunar fyrir Múlaþing. Unnið er að því að hægt verði að afgreiða tillögu rammaáætlunar fjárhagsáætlunar Múlaþings 2023 og þriggja ára áætlunar 2024 til 2026 í lok júní eða byrjun júlí.

Framkvæmda- og umhverfismálastjóri kynnir drög að rammaáætlun fjárhagsáætlunar Múlaþings 2023 er varðar umhverfis- og framkvæmdamál auk hafnarsjóðs.

Eftirfarandi tillaga lögð fram:
Umhverfis- og framkvæmdaráð staðfestir fyrir sitt leyti fyrirliggjandi drög að rammaáætlun fjárhagsáætlunar Múlaþings. Ráðið leggur þó áherslu á að við áframhaldandi vinnslu fjárhagsáætlunar fari nýtt umhverfis- og framkvæmdaráð vel yfir alla þætti áætlunarinnar. Þá bendir ráðið á að þó gert sé ráð fyrir umtalsverðum fjárfestingum á vegum sveitarfélagsins á komandi árum þá eru mörg brýn verkefni fyrirliggjandi og því mikilvægt að allra leiða verði leitað til að auka svigrúm til fjárfestinga á næstu árum sé þess nokkur kostur.

Samþykkt samhljóða með handauppréttingu.

Rammaáætlun fjárhagsáætlunar Múlaþings 2023-2026 lögð fram til kynningar.

Fjármálastjóri og sveitarstjóri kynntu tillögu að rammaáætlun fjárhagsáætlunar Múlaþings 2023 og þriggja ára áætlunar 2024 til 2026.

Eftirfarandi tillaga lögð fram:
Byggðaráð samþykkir að vísa rammaáætlun eins og hún liggur fyrir fundinum til afgreiðslu í sveitarstjórn 29. júní nk.

Samþykkt samhljóða án atkvæðagreiðslu.

Sveitarstjóri kynnti tillögu að rammaáætlun fjárhagsáætlunar Múlaþings 2023 og þriggja ára áætlunar 2024 til 2026.

Til máls tók: Berglind Harpa Svavarsdóttir

Eftirfarandi tillaga lögð fram:
Sveitarstjórn samþykkir rammaáætlunina eins og hún liggur fyrir fundinum og vísar henni til vinnu við gerð fjárhagsáætlunar á komandi hausti.

Samþykkt samhljóða með handauppréttingu.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022. Einnig kom inn á fundinn, undir þessum lið, atvinnu- og menningarmálastjóri og fór yfir drög að fjárhagsáætlun fyrir atvinnu- og menningarmál.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022. Einnig var farið yfir tillögu að 10 ára fjárfestingaráætlun er unnið er að hjá umhverfis- og framkvæmdaráði.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022. Einnig var farið yfir tillögu að 10 ára fjárfestingaráætlun er unnið er að hjá umhverfis- og framkvæmdaráði. Undir þessum lið komu inn á fundinn umhverfis- og framkvæmdamálastjóri og Atvinnu- og menningarmálastjóri.

Fjármálastjóri og sveitarstjóri fóru yfir og kynntu drög að fjárhagsáætlun Múlaþings 2023-2026.


Eftirfarandi tillaga lögð fram:
Byggðaráð Múlaþings samþykkir að vísa drögum að fjárhagsáætlun Múlaþings fyrir árin 2023-2026 til fyrri umræðu í sveitarstjórn.

Samþykkt samhljóða með 4 atkv og einn sat hjá (Eyþór Stefánsson)

Eyþór Stefánsson lagði fram eftirfarandi bókun fyrir hönd Austurlistans:
Austurlistinn telur óskynsamlegt að lækka álagningarhlutfall fasteignagjalda úr 0,5% í 0,475 %. Áhrif þess eru lækkun tekna sveitarfélagsins af fasteignagjöldum um u.þ.b. 20 milljónir og framlög úr jöfnunarsjóði lækka um 11 milljónir 2023.
Austurlistinn vill að úr því að svigrúm er til lækkunar gjalda eigi að lækka þau með markvissari hætti án þess að það skerði framlög úr jöfnunarsjóði. Þannig er hægt að veita íbúum afslátt á gjöldum allt að 31 milljón t.d með minni hækkunum á leikskólagjöldum, skólamáltíðum eða hækkun tómstundastyrks.

Fyrir fundinum liggur fjárhagsáætlun Múlaþings fyrir árið 2023, ásamt þriggja ára áætlun áranna 2024 - 2026, sem vísað var frá byggðaráði til fyrri umræðu í sveitarstjórn.

Til máls tóku: Björn Ingimarsson, Jónína Brynjólfsdóttir, Eyþór Stefánsson, Hildur Þórisdóttir sem bar upp fyrirspurn, Ásrún Mjöll Stefánsdóttir, Jónína Brynjólfsdóttir sem m.a. svaraði fyrirspurn Hildar, Pétur Heimirsson, Þröstur Jónsson, Ívar Karl Hafliðason, Pétur Heimirsson, Þröstur Jónsson, Eyþór Stefánsson, Pétur Heimirsson með andsvar, Þröstur Jónsson með andsvar, Ásrún Mjöll Stefánsson og Ívar Karl Hafliðason.

Eftirfarandi tillögur lagðar fram:
Sveitarstjórn samþykkir að vísa fjárhagsáætlun 2023, ásamt þriggja ára áætlun, til síðari umræðu í byggðaráði og sveitarstjórn.

Sveitarstjórn Múlaþings samþykkir að álagningarhlutfall útsvars fyrir árið 2023 verði óbreytt, eða 14,52%.

Samþykkt samhljóða með handauppréttingu.

Austurlistinn bar upp eftirfarandi bókun:
Austurlistinn getur ekki samþykkt um það bil 20 milljón króna lækkun fasteignagjalda þar sem því fylgir nærri 11 milljóna króna skerðing á framlagi Jöfnunarsjóðs. Í fjárhagsáætlun þar sem svo til öll gjöld hækka telur Austurlistinn ekki skynsamlegt að lækka einmitt þau gjöld sem skerða framlög úr Jöfnunarsjóði. Austurlistinn vill að það svigrúm sem virðist vera til staðar í A - hluta sé frekar nýtt til að lækka gjöld sem ekki hafa áhrif á framlög sjóðsins öllum íbúum sveitarfélagsins til heilla. Við teljum að íbúum Múlaþings sé sama hvað gjöldin sem þeir greiða heiti. Þannig mætti horfa til þeirra gjalda sem fasteignaeigendur greiða sem skerða ekki framlög jöfnunarsjóðs. Enn fremur myndi Austurlistinn setja í forgang til dæmis hækkun tómstundastyrks, óbreytta gjaldskrá leikskólagjalda og skólamáltíða og hækkun systkinaafsláttar í leikskólum.

Fyrir liggur fjárhagsáætlun 2023, ásamt þriggja ára áætlun, sem sveitarstjórn vísaði til byggðaráðs til síðari umræðu.

Í vinnslu.

Fyrir liggur fjárhagsáætlun 2023, ásamt þriggja ára áætlun, sem sveitarstjórn vísaði til byggðaráðs til síðari umræðu.

Í vinnslu.

Helgi Hlynur Ásgrímsson lagði til eftirfarandi tillögu:
Byggðaráð beinir því til sveitarstjórnar að lækka greiðslur fyrir nefndarformensku og formensku í heimastjórnum úr 7,5% af þingfarakaupi í 5% til samræmis við greiðslur í öðrum sveitarfélögum.

Samþykkt með einu atkvæði (HHÁ),þrír á móti (BHS,VJ,ÍKH) og einn sat hjá (HÞ)

Helgi Hlynur Ásgrímsson lagði fram eftirfarandi bókun:
Nefndakerfi og launakjör kjörinna fulltrúa í Múlaþingi voru tekin nær óbreytt upp eftir kerfi Norðurþings að öðru leiti en því, að Múlaþing tók upp heimastjórnarkerfið. Svo gerðist það án sérstakrar umræðu í undirbúningsnefnd sameiningarinnar að greiðsla fyrir formennsku í nefndum fór úr 5% af þingfararkaupi í 7,5%. Greiðsla til annars nefndarfólks er 3% af þingfararkaupi. Undirritaður hefur engin dæmi fundið um slíkan mun á greiðslum fyrir nefndarformennsku annars vegar og greiðslum til annars nefndarfólks hins vegar. Algengur munur í öðrum sveitarfélögum er 25% til 67% en í Múlaþingi er hann 150%. Fulltrúar meirihlutans fara með formennsku á 12 af 13 föstum mánaðarlegum fundum svo þessi ofrausn skekkir líka óþarflega mikið afkomu kjörinna meiri- og minnihluta fulltrúa. Hvað réttlætir svo mikið hærri greiðslur fyrir formennsku í nefndum og ráðum Múlaþings miðað við önnur sveitarfélög. Slíkar skýringar hafa fulltrúar meirihlutans aldrei lagt fram þó um hafi verið spurt.

Fyrir liggur fjárhagsáætlun 2023, ásamt þriggja ára áætlun, sem sveitarstjórn vísaði til byggðaráðs til síðari umræðu.

Í vinnslu.

Fyrir liggur fjárhagsáætlun 2023, ásamt þriggja ára áætlun, sem sveitarstjórn vísaði til byggðaráðs til síðari umræðu, auk tillagna að gjaldskrám.

Eftirfarandi tillögur lagðar fram:
Byggðaráð Múlaþings samþykkir að vísa fjárhagsáætlun 2023, ásamt þriggja ára áætlun 2024-2026, til síðari umræðu í sveitarstjórn.

Byggðaráð Múlaþings samþykkir tillögur að gjaldskrám fyrir leigu á rýmum í Sláturhúsinu Menningarmiðstöð ásamt gestalistamannaíbúð og vísar þeim til sveitarstjórnar til staðfestingar.

Samþykkt samhljóða með handauppréttingu.

Fyrir liggur fjárhagsáætlun Múlaþings 2023 - 2026. Heimastjórn hafði áður tekið áætlunina á fundi sínum 12. september síðastliðinn og þá án athugasemda.

Varðandi fjárhagsáætlun Múlaþings vill heimastjórn Borgarfjarðar koma eftirfarandi á framfæri:

Erfitt er að sjá sundurgreint niður á byggðakjarna ákveðin verkefni í áætluninni og hvetur heimastjórn til þess að þegar sundurliðun liggur fyrir hjá framkvæmdasviði að heimastjórnir fái kynningu þar um m.a. vegna viðhalds fasteigna og annarra mannvirkja.
Vegna hugmynda um sölu á íbúðum á Borgarfirði getur heimastjórn Borgarfjarðar ekki samþykkt óbreytta 10 ára framkvæmdaáætlun fjárhagsáætlunar nema þar komi inn uppbygging almenns íbúðarhúsnæðis á Borgarfirði m.a. í gegnum Ársali.

Samþykkt samhljóða án atkvæðagreiðslu.

Fyrir liggur fjárhagsáætlun 2023, ásamt þriggja ára áætlun, sem byggðaráð vísar til síðari umræðu í sveitarstjórn.

Helstu niðurstöðutölur eru sem hér segir:

Rekstrartekjur sveitarfélagsins á árinu 2023 nema 8.713 millj. kr. samkvæmt samstæðu fyrir A og B hluta, en þar af nema rekstrartekjur A hluta 7.521 millj. kr.

Rekstrargjöld fyrir fjármagnsliði og afskriftir verða alls 7.342 millj. kr. í samstæðu fyrir A og B hluta, þar af eru rekstrargjöld A hluta áætluð 6.868 millj. kr. Afskriftir ársins í A og B hluta nema 468 millj., þar af 276 millj. í A hluta. Fjármagnsliðir verða neikvæðir um 661 millj. í samanteknum A og B hluta, þar af 515 millj. í A hluta.

Eftir fjármagnsliði, afskriftir, skatta og óreglulega liði er rekstrarafkoma ársins jákvæð um 230 millj. kr. í samanteknum A og B hluta. Afkoma A-hluta er neikvæð og nema rekstrargjöld umfram rekstrartekjur um 137 millj. kr.

Veltufé frá rekstri er jákvætt um 1.259 millj. kr. hjá samstæðu A og B hluta, þar af er veltufé frá rekstri í A hluta jákvætt um 595 millj. kr.
Fjárfestingar ársins 2023 nema nettó 1.749 millj. kr. hjá samstæðu A og B hluta, þar af 500 millj. í A hluta.
Afborganir af lánum og leiguskuldbindingum hjá samstæðu A og B hluta verða 1.057 millj. kr. á árinu 2023, þar af 790 millj. í A hluta.

Heildarskuldir og skuldbindingar eru áætlaðar 12.934 millj. kr. í árslok 2023 fyrir A og B hluta. Þar af nema heildarskuldir og skuldbindingar A hluta 8.960 millj. kr.

Skuldaviðmið samstæðu A og B hluta verður 118% í árslok 2023.

Fjárhagsáætlun 2023-2026 í heild sinni verður að öðru leyti aðgengileg á heimasíðu Múlaþings.

Til máls tók: Berglind Harpa Svavarsdóttir

Eftirfarandi tillaga lögð fram:
Sveitarstjórn samþykkir framlagða fjárhagsáætlun Múlaþings fyrir árið 2023 við seinni umræðu, ásamt þriggja ára áætlun 2024 - 2026. Fyrri umræða um fjárhagsáætlunina fór fram 9. nóvember sl.

Samþykkt samhljóða með handauppréttingu.

Fulltrúar Austurlistans og VG lögðu fram eftirfarandi bókun:
Þrátt fyrir að samþykkja fjárhagsáætlun harma fulltrúar Austurlistans og VG í Múlaþingi þá niðurstöðu að lækka eigi álagningarhlutföll fasteignagjalda og verða af framlögum frá Jöfnunarsjóði sveitarfélaga fyrir vikið. Þar sem svigrúm þykir til lækkunar tekna sveitarfélagsins í A-hluta væri skynsamara að ráðstafa þeim með þeim hætti að framlög jöfnunarsjóðs skertust ekki. Með því móti mætti með árangursríkari hætti lækka álögur fyrir íbúa Múlaþings með áherslu á þá fasteignagjaldagreiðendur þ.e. ungar fjölskyldur, sem mest þurfa á því að halda.

Fjármálastjóri fór yfir áætluð áhrif nýrra kjarasamninga á launakostnað í A hluta og hækkun skatttekna sem og frávik vegna þessa frá samþykktri fjárhagsáætlun fyrir 2023 og kynnti drög að viðauka 1 við fjárhagsáætlun 2023.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að viðauka 1 við fjárhagsáætlun 2023 þar sem gert er ráð fyrir að hækkun launakostnaðar í A hluta, frá samþykktri áætlun, nemi um 229 millj.kr. og hækkun skatttekna nemi um 240 millj.kr.

Samþykkt samhljóða með handauppréttingu.

Fyrir liggur tillaga að viðauka við fjárhagsáætlun 2023 - 2026.

Til máls tóku: Hildur Þórisdóttir og Björn Ingimarsson.

Eftirfarandi tillaga lögð fram:
Sveitarstjórn Múlaþings samþykkir tillögu að viðauka 2 við fjárhagsáætlun 2023 - 2026 vegna hækkunar á heimild til lántöku í Eignasjóði vegna snjóflóðavarna og nemur hækkun lántökuheimildar um 62 millj. kr. Sveitarstjórn Múlaþings samþykkir hér með að taka lán hjá Ofanflóðasjóði kt. 470394-2189 að höfuðstól allt að kr. 110.000.000 kr. í samræmi við skilmála lánasamninga Ofanflóðasjóðs lögum samkvæmt. Lánið er tekið til fjármögnunar á 10% hlut Múlaþings í framkvæmdum við snjóflóðavarnir á Seyðisfirði á árinu 2023. Jafnframt er Birni Ingimarssyni, sveitarstjóra Múlaþings kt. 301254-4079, veitt fullt og ótakmarkað umboð til þess, f.h. Múlaþings, að undirrita lánssamning við Ofanflóðasjóð með fyrirvara um samþykki sjóðsins.

Samþytkkt samhljóða með handauppréttingu.