Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022.

Inn á fundinn tengdist forstjóri Síldarvinnslunnar, Gunnþór Ingvason, og fór yfir stöðu mála og framtíðarsýn varðandi starfsemi Síldarvinnslunnar á Seyðisfirði.

Í gildandi málefnasamningi B- og D-lista kemur fram að vinna skuli menningarstefnu fyrir Múlaþing og skoða skuli möguleika þess að vinna sameiginlega menningarstefnu fyrir Austurland.

Eftirfarandi tillaga lögð fram:
Byggðaráð Múlaþings samþykkir að fela atvinnu- og menningarmálastjóra að setja af stað vinnu við mótun menningarstefnu fyrir Múlaþing. Höfð verði til hliðsjónar m.a. menningarstefna fyrir Fljótsdalshérað er tók gildi 2019. Byggðaráð Múlaþings samþykkir einnig að beina því til umfjöllunar á haustþingi SSA að tekin verði til skoðunar möguleiki þess að vinna sameiginlega menningarstefnu fyrir Austurland.

Samþykkt samhljóða án atkvæðagreiðslu.

Heimastjórn Djúpavogs vill beina því til Byggðarráðs að í fjárhagsáætlun fyrir árið 2023 verði tryggðir verulegir fjármunir til úrbóta í öryggismálum gangandi vegfarenda á Djúpavogi. Margítrekað hefur verið að nauðsyn sé að bæta úr öryggi gangandi vegfarenda. Víða eru engar gangstéttir og ástand þeirra misjafnt þar sem þær eru, gangbrautir vantar og merkingum er ábótavant.

Eftirfarandi tillaga lögð fram:
Byggðaráð Múlaþings samþykkir að beina ábendingum heimastjórnar Djúpavogs varðandi aðbúnað gangandi vegfarenda á Djúpavogi til framkvæmda- og umhverfismálastjóra til vinnslu.

Samþykkt samhljóða án atkvæðagreiðslu.

Fyrir liggja fundargerðir stjórnar Sigfúsarstofu, dags. 23.08.2021, 18.08.2022 og 30.08.2022. Jafnframt liggur fyrir erindi frá stjórn varðandi fjárhagsáætlun Sigfúsarstofu 2023 og framlag Múlaþings.

Eftirfarandi tillaga lögð fram:
Byggðaráð samþykkir að vísa erindi varðandi fjárhagsáætlun Sigfúsarstofu 2023 til atvinnu- og menningarstjóra til úrvinnslu í tengslum við vinnu við gerð fjárhagsáætlunar fyrir árið 2023 - 2026.

Samþykkt samhljóða án atkvæðagreiðslu.

Fyrir liggur fundargerð stjórnar Sambands íslenskra sveitarfélaga, dags. 26.08.2022.

Lagt fram til kynningar.

Fyrir liggur fundargerð stjórnar Minjasafns Austurlands, dags. 01.09.2022.

Eftirfarandi tillaga lögð fram:
Byggðaráð samþykkir að vísa fjárhagsáætlun Minjasafns Austurlands fyrir árið 2023 til atvinnu- og menningarstjóra til úrvinnslu í tengslum við vinnu við gerð fjárhagsáætlunar fyrir árið 2023 - 2026.

Samþykkt samhljóða án atkvæðagreiðslu.