Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2023 og þriggja ára áætlunar 2024 til 2026 á grundvelli rammaáætlunar sem samþykkt var af sveitarstjórn 29. júní 2022. Einnig var farið yfir tillögu að 10 ára fjárfestingaráætlun er unnið er að hjá umhverfis- og framkvæmdaráði.

Fyrir liggur mat verkefnastjóra framkvæmdamála á þeim valkostum er fram komu í fundargerð byggingarnefndar Menningarhúss á Egilsstöðum, dags. 18.08.22, varðandi braggann innan við Sláturhúsið. Einnig liggur fyrir greinargerð til byggðaráðs varðandi hugmyndir að framtíðarfyrirkomulagi í bragganum frá aðilum er hafa hug á að ráðast í það verkefni.

Eftirfarandi tillaga lögð fram:
Byggðaráð Múlaþings samþykkir að bjóða þeim aðilum er lagt hafa fram hugmyndir að framtíðarfyrirkomulagi í bragganum til fundar með byggðaráði. Sveitarstjóra falið að koma slíkum fundi á.

Samþykkt samhljóða án atkvæðagreiðslu.

Inn á fundinn kom Sóley Valdimarsdóttir ritari á umhverfis- og framkvæmdasviði og fór yfir hugmyndir að gerð reglna um gististaði fyrir Múlaþing.

Í vinnslu.

Fyrir liggja Reglur um úthlutun menningarstyrkja 2023 auk minnisblaðs frá verkefnastjóra menningarmála. Óverulegar breytingar eru á reglunum annað en uppfærsla á dagsetningum og skerpt á orðalagi.

Í vinnslu.

Fyrir liggur fundargerð Ársala bs., dags. 17.10.2022.

Lagt fram til kynningar.

Fyrir liggur fundargerð stjórnar Sambands íslenskra sveitarfélaga, dags. 12.10.2022.

Lagt fram til kynningar.

Fyrir liggur fundargerð stjórnar HEF, dags. 12.10.2022.

Lagt fram til kynningar.

Fyrir liggur styrkbeiðni frá framkvæmdastýru LungA vegna LungA hátíðarinnar ásamt frekari upplýsingum sem óskað hafði verið eftir af hálfu sveitarfélagsins.

í vinnslu.

Fyrir liggja drög að samningi milli Múlaþings og Hammondhátíðar Djúpavogs varðandi tónlistarhátíð á Djúpavogi árin 2023 og 2024.

Eftirfarandi tillaga lögð fram:
Byggðaráð Múlaþings samþykkir að vísa fyrirliggjandi drögum að samningi vegna Hammondhátíðar Djúpavogs til heimastjórnar Djúpavogs til umsagnar. Er umsögn heimastjórnar liggur fyrir verður málið tekið til afgreiðslu í byggðaráði.

Samþykkt samhljóða án atkvæðagreiðslu.

Fyrir liggur minnisblað frá verkefnastjóra menningarmála þar sem fram kemur tillaga að fyrirkomulagi Ormsteitis fyrir árin 2023 og 2024.

Eftirfarandi tillaga lögð fram:
Byggðaráð Múlaþings samþykkir að vísa fyrirliggjandi tillögu að fyrirkomulagi Ormsteitis til heimastjórnar Fljótsdalshéraðs til umsagnar. Er umsögn heimastjórnar liggur fyrir verður málið tekið til afgreiðslu í byggðaráði.

Samþykkt samhljóða án atkvæðagreiðslu.

Sveitarstjóri gerði grein fyrir samskiptum við sérfræðinga Elfu og Veðurstofunnar varðandi mögulega afléttingu kvaðar varðandi endubyggingu Hafnargötu 25, Þórshamars, á Seyðisfirði.


Eftirfarandi tillaga lögð fram:
Að höfðu samráði við sérfræðinga Eflu og Veðurstofu leggur Byggðaráð Múlaþings til að sveitarstjórn samþykki að heimiluð verði endurbygging Hafnargötu 25, Þórshamars, á Seyðisfirði í samræmi við gildandi skipulagsákvæði.

Samþykkt samhljóða án atkvæðagreiðslu.

Fyrir lá boð á aðalfund Heilbrigðiseftirlits Austurlands bs sem haldinn verður í Neskaupstað miðvikudaginn 26. október 2022.Óskað er eftir upplýsingum um hvaða fulltrúi muni sitja aðalfundinn fyrir hönd Múlaþings.

Eftirfarandi tillaga lögð fram:
Byggðaráð Múlaþings samþykkir að Berglind Harpa Svavarsdóttir og Helgi Hlynur Ásgrímsson sitji aðalfund Heilbrigðiseftirlits Austurlands fyrir hönd sveitarfélagsins og fari með atkvæði fyrir hönd Múlaþings.

Samþykkt samhljóða án atkvæðagreiðslu.