Heimastjórn Djúpavogs

Heimastjórn líst vel á þær hugmyndir sem koma fram um að skoðaðar verið aðstæður í Sandbrekkuvík og leggur til að hugmyndin verði skoðuð áfram í tengslum við Aðalskipulagsgerð, en leggur áherslu á að framkvæmdir við Gleðivík haldi áfram samkvæmt áætlun. Sjóvarnarhuti framkvæmda í Gleðivík sé nauðsynlegur til að bæta aðstöðu og gera hana betri með tilliti til ölduhreyfinga.

Einnig telur heimastjórn mikilvægt að veglínur séu skoðaðar vandlega, til að tryggja sem besta tengingu við þjóðveg 1 og sem besta nýtingu á svæðinu vestan við Gleðivík.

Heimastjórn tekur undir niðurstöðu starfshóps um leikskólamál á Djúpavogi og Fjölskylduráðs, að farið verði í strax í viðbyggingu á næsta ári. (Sviðsmynd 7)

Gert er ráð fyrir því að viðbygging verði tilbúin til notkunar haustið 2027

Heimastjórn líst vel á framkomnar hugmyndir frá Ars Longa um ljóðastíg.

Heimastjórn telur mikilvægt að áður en frekari fjárframlög frá sveitarfélaginu komi til verkefna á vegum Ars Longa sé gerð grein fyrir stöðu mála á fyrri verkefnum (endurbótum á Vogshúsi sem er í niðurníðslu og hættulegt umhverfi sínu).

Erindið verður tekið fyrir að nýju á næsta fundi þegar upplýsingar um framgang í Vogshúsi liggja fyrir.

Erindi frá forsvarsmönnum Goðaborgar ehf sem er leigutaki Faktorshús á Djúpavogi, um mögulegar breytingar á samningi og hugsanlega sölu á Faktorshúsi.

Heimastjórn leggur til að það verði skoðað að auglýsa Faktorshúsið til sölu og að andvirði sölunnar verði nýtt til verkefna í gamla Djúpavogshreppi í samráði við heimastjórn.

Áætlað er að halda íbúafund heimastjórnar Djúpavogs mánudaginn 4. nóvember kl 17:00. Gert er ráð fyrir að boða sviðsstjóra og kjörna fulltrúa á fundinn.

Lagðar fram til kynningar fundargerðir 16 og 17 frá samráðshópi um Cittaslow.

Heimastjórn felur starfsmanni að koma athugasemdum við fjárfestingaáætlun 2025 á framfæri í samræmi við umræður á fundinum.

Umhverfisþing fer fram í Hörpu. 5. nóvember og stendur frá kl. 13-16. Umfjöllunarefni þingsins eru náttúruvernd, loftslagsmál og aðlögun að loftslagsbreytingum.
Þingið er öllum opið á meðan að húsrúm leyfir. Einnig verður hægt að fylgjast með þinginu í opnu streymi.
Heimastjórn samþykkir að senda fulltrúa á þingið.

Heimastjórn hefur ítrekað auglýst eftir samstarfsaðilum um nýtingu gömlu kirkjunnar án árangurs.
Heimastjórn leggur því til að skoðað verði að selja húsið því það getur ekki staðið lengur autt. Nauðsynlegt er að finna húsinu hlutverk til framtíðar.

Verði húsið selt leggur heimastjórn áherslu á að að söluandvirðinu verði ráðstafað til verkefna í gamla Djúpavogshreppi.

Málið verður tekið fyrir aftur á næsta fundi.

Lokun isavia á umferð bíla um flugbraut:

Flugvöllurinn á Djúpavogi hefur í gegnum tíðina verið notaður til að komast út að söndum. Nú hefur Ísavia lokað á umferð um flugvöllinn sem gerir það að verkum að illfært er fyrir fólk að komast keyrandi að þessari útivistarperlu.

Heimastjórn telur mikilvægt að gott aðgengi sé að þessu svæði svo fólk geti notið þess að heimsækja sandana. Huga þarf tafarlaust að lausnum, gera þarf veg og bílastæði að svæðinu. Framkvæmd þessi fellur vel að áherslum Framkvæmdasjóðs ferðamannastaða og vill heimastjórn að sótt verði um styrk fyrir framkvæmdinni.

Vegagerðinni barst fyrirspurn frá flugfélaginu Mýflug með ósk um breytingar á núverandi flugáætlun. Það hefur þau áhrif á almenningssamgöngur að leið 94 frá Djúpavogi yfir á Höfn getur ekki ekið um morguninn til að ná morgunfluginu því akstur yrði á undan vetrarþjónustu á þjóðveginum. Rekstraraðili leiðar 94 hefur lagt til að breyta akstrinum yfir í kvöldferð verði tillaga um nýja flugáætlun samþykkt. Akstur yrði fyrir seinna flugið á þeim dögum sem tvö flug er í boði.

Heimastjórn gerir ekki athugasemdir við mögulegar breytingar á flugáætlun og akstursáætlun. Heimstjórn telur þó mikilvægt að tryggja að almenningssamgöngur séu með besta móti til og frá byggðarlaginu. Einnig ætti að endurskoða mögulegar breytingar komi í ljós að nýtingin verði verri.

Fram hafa komið athugasemdir frá foreldrum á Djúpavogi varðandi kostnað við aðgang að líkamsræktaraðstöðu fyrir unglinga.

Heimastjórn leggur til að frítt verði í líkamsræktaraðstöðuna í Íþróttamiðstöð Djúpavogs með sama hætti og í sundlaugina fyrir unglinga og hefur því þegar verið komið á framfæri við starfsfólk fjölskyldusviðs sem mun taka málið upp á næsta fundi Fjölskylduráðs.

Ekki sé rétt að mismuna unglingum eftir því hvort þeir velji sund eða líkamsrækt sér til heilsubótar innan íþróttamiðstöðvarinnar.

Vatnsveita: Lagning lagnar frá vatnsbóli að gömlu lögninni að Teigum langt komin. Búið að panta dælubúnað.

Djúpavogshöfn: Þekja langt komin, búið að tengja vatnslagnir og leggja háspennukapal að spennistöð.

Borgarland: Byrjað að keyra í götuna og næst liggur fyrir að leggja lagnir og grófjafna götuna.

Malbik: Malbik verður lagt næsta mánudag eða þriðjudag (14 eða 15) á Vogalandið og í kringum höfnina.

Upplýsingaskilti fyrir Djúpavog: Eru tilbúin og munu verða sett upp fyrir næsta sumar. Yfirlitskort og göngleiðarkort að Æðarsteinsvita.

Hitaveita: Til stendur að fara í borun á annari holu fljótlega.

Næsti reglulegi fundur heimastjórnar Djúpavogs verður haldin fimmtudaginn 7. nóvember nk kl 10:00. Erindi fyrir fundinn þurfa að berast starfsmanni heimastjórnar fyrir kl 16:00 föstudaginn 1. nóvember á netfangið eidur.ragnarsson@mulathing.is