Fjölskylduráð Múlaþings

Fyrir liggja skóladagatöl grunnskóla í Múlaþingi fyrir skólaárið 2024-2025. Eftirfarandi skólastjórar kynntu skóladagatölin:

Anna Birna Einarsdóttir, skólastjóri Fellaskóla, kynnti tillögu að skóladagatali Fellaskóla fyrir skólaárið 2024-2025. Skóladagatalið hefur verið samþykkt hjá starfsfólki og skólaráði. Skóladagatal fyrir grunn- og leikskólann á Borgarfirði eystri verður tekið fyrir á næsta fjölskylduráðsfundi.
Ásgrímur Ingi Arngrímsson, skólastjóri Brúarásskóla, kynnti tillögu að skóladagatali Brúarásskóla fyrir skólaárið 2024-2025. Skóladagatalið hefur verið samþykkt hjá starfsfólki og skólaráði.
Kristín Guðlaug Magnúsdóttir, skólastjóri Egilsstaðaskóla, kynnti tillögu að skóladagatali Egilsstaðaskóla fyrir skólaárið 2024-2025. Skóladagatalið hefur verið samþykkt hjá starfsfólki og skólaráði.
Þorbjörg Sandholt, skólastjóri Djúpavogsskóla, kynnti tillögu að skóladagatali Djúpavogsskóla fyrir skólaárið 2024-2025. Skóladagatalið hefur verið samþykkt hjá starfsfólki og skólaráði.
Þórunn Hrund Óladóttir, skólastjóri Seyðisfjarðarskóla, kynnti tillögu að skóladagatali Seyðisfjarðarskóla fyrir skólaárið 2024-2025. Skóladagatalið hefur verið samþykkt hjá starfsfólki og fer fyrir skólaráð í næstu viku.

Fjölskylduráð samþykkir skóladagatölin með fyrirvara um samþykki skólaráða Seyðisfjarðarskóla og smávægilegri breytingu á skóladagatali Brúarásskóla.

Samþykkt samhljóða með handauppréttingu.

Fyrir liggur minnisblað frá starfshópi sem skipaður var með erindisbréfi á fundi fjölskylduráðs 5. mars 2024.

Starfshópurinn leggur til að heimilisfræðistofan í Fellaskóla verði endurnýjuð og stækkuð og framreiðslueldhús verði fært til. Loftræsting í tónmenntastofu verði bætt og allt list- og verknám verði fært undir sama þak í Fellaskóla. Jafnframt óskar starfshópurinn eftir að fjölskylduráð flýti eða í það minnsta standi vörð um framkvæmdir við Fellaskóla í forgangsröðun á 10 ára fjárfestingaáætlun.

Fjölskylduráð þakkar starfshópnum fyrir góða vinnu og samþykkir fyrir sitt leyti tillögu starfshópsins. Fjölskylduráð vísar málinu til umhverfis- og framkvæmdaráðs.

Samþykkt samhljóða með handauppréttingu.

Stefanía Malen Stefánsdóttir grunnskólafulltrúi kynnti fyrirhugaða Starfamessu Austurlands sem haldin verður 19. sept. haustið 2024.

Lagt fram til kynningar.

Þorbjörg Sandholt, skólastjóri Djúpavogsskóla, gerði grein fyrir fundargerð skólaráðs frá 17. apríl 2024.

Fjölskylduráð þakkar fyrir kynningu á fundargerðinni. Ánægjulegt að sjá hvernig nemendalýðræðið er nýtt í árshátíðarundirbúningi.

Lagt fram til kynningar.

Fyrir liggur erindi frá Þorbjörgu Sandholt, skólastjóra Djúpavogsskóla varðandi aðstöðu til heimilisfræðikennslu.

Fjölskylduráð tekur undir með skólastjóra að aðstaða til heimilisfræðikennslu sé ekki góð. Fjölskylduráð óskar eftir að umhverfis- og framkvæmdaráð skoði hvort ný heimilisfræðistofa fyrir Djúpavogsskóla rúmist innan fjárhagsramma sviðsins og hægt sé að fara í framkvæmdir strax í sumar.

Samþykkt samhljóða með handauppréttingu.

Fyrir liggja skóladagatöl leikskóla í Múlaþingi, fyrir skólaárið 2024-2025.

Guðmunda Vala Jónasdóttir, leikskólastjóri Hádegishöfða, kynnti fyrirliggjandi tillögu að leikaskóladagatali fyrir Hádegishöfða. Skóladagatalið hefur verið kynnt fyrir starfsfólki og foreldraráði.
Guðrún Sigurðardóttir, leikskólastjóri Bjarkatúni, kynnti fyrirliggjandi tillögur að leikskóladagatali fyrir Bjarkatún. Skóladagatalið hefur verið kynnt fyrir starfsfólki og foreldraráði.
Heiðdís Ragnarsdóttir, aðstoðarleikskólastjóri Tjarnarskógar, kynnti fyrirliggjandi tillögu að leikskóladagatali fyrir Tjarnarskóg. Skóladagatalið hefur verið kynnt fyrir starfsfólki og foreldraráði.

Leikskólinn í Brúarási fylgir skóladagatali Brúarásskóla.

Fjölskylduráð samþykkir fyrir sitt leyti fyrirliggjandi tillögur að leikskóladagatölum 2024-2025.

Samþykkt samhljóða með handauppréttingu.

Fyrir liggja tillögur um fyrirkomulag á Betri vinnutíma skólaárið 2024 - 2025. Tillögurnar voru unnar af vinnuhópi sem átti að finna leiðir til að bæta vinnutíma starfsfólks í leikskólum í Múlaþingi.

Vinnuhópurinn leggur til að fyrirkomulag vinnustyttingar verði óbreytt þar til niðurstöður kjarasamninga liggi fyrir.
Vinnuhópurinn leggur til að auka sveigjanleika í kringum gjaldfrjálsu dagana sem nú þegar eru skilgreindir, eða daga í kringum jól, vetrarfrí og dymbilviku.
Vinnuhópurinn leggur til að fyrirkomulag vinnuhléa verði áfram með þeim hætti og verið hefur á skólaárinu.
Vinnuhópurinn leggur til að vistunartími yngstu barnanna verði kl. 8:00 ? 15:00 með möguleikanum á að bæta við 15 mínútum í lok dags eða til kl. 15:15.
Niðurstaða vinnuhópsins er að skólarnir ákveði hvenær hentugast er fyrir þá að hafa starfsmannafundina út frá aðstæðum hvers skóla.
Vinnuhópurinn leggur til að lokað verði í 5 vikur en foreldrar geti óskað eftir því að börn þeirra geti mætt í síðustu viku lokunnar. Einnig leggur vinnuhópurinn til að sumarlokun verði alltaf á sama tíma, þ. e. lokað í fimm vikur og fram yfir verslunarmannahelgi. Vinnuhópurinn leggur því til að viðmið verði 5 börn í hverjum skóla en í Tjarnarskógi verði miðað við 5 börn í álmu, þ. e. 5 börn í yngstu álmu, 5 börn í eldri álmu og 5 börn á Tjarnarlandi. Með þessu móti ættu börnin sem mæta að þekkja starfsfólk og önnur börn sem verða þessa daga í skólanum.

Fjölskylduráð þakkar vinnuhópnum fyrir gott starf. Fjölskylduráð samþykkir tillögur vinnuhópsins.

Samþykkt samhljóða með handauppréttingu.

Fyrir liggur niðurstaða á skráningu barna í leikskóla Múlaþings í fimmtu viku sumarlokunnar 2024.

Lagt fram til kynningar.

Fyrir liggur minnisblað um stöðu mála í leikskólanum Bjarkatúni á næsta skólaári. Börnum er að fjölga í Bjarkatúni og því komast ekki öll börn fyrir í leikskólanum.

Fjölskylduráð leggur til að foreldrum barna sem ekki fá vistun verði greitt daggæsluframlag skv. reglum Múlaþings um daggæsluframlag meðan unnið er að viðunandi lausn. Fjölskylduráð felur fræðslustjóra að útbúa drög að erindisbréfi fyrir starfshóp sem kemur með tillögur að lausnum.

Samþykkt samhljóða með handauppréttingu.

Málinu frestað til næsta fundar.

Málinu frestað.

Málinu frestað til næsta fundar.

Fyrir liggja umsóknir um íþrótta- og tómstundastyrki fjölskylduráðs sem auglýstir voru til umsóknar með umsóknarfrest til og með 15. mars 2024.

Fjölskylduráð leggur til að eftirfarandi verkefni verði styrkt:

- Náttúruskólinn:Aukum sjálfbærni með reynslunámi barna, umsækjandi Ingibjörg Jónsdóttir, kr. 100.000
- Frisbígolfvöllur í Selskógi, umsækjandi Glúmur Björnsson, kr. 350.000
- Undirbúningur og þátttaka í alþjóðlegum stórmótum í hópfimleikum umsækjandi Hjalti Bergmar Axelsson, kr. 200.000
- Sjónrænt skipulag í fimleikasalnum, umsækjandi Fimleikadeild Hattar, kr.150.000
- Inniaðstaða GFH fyrir Pútt og Vipp, umsækjandi Friðrik Bjartur Magnússon, kr. 200.000

Samþykkt samhljóða með handauppréttingu.

Lagt fram til kynningar.