Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2025 og þriggja ára áætlunar 2026 til 2028 á grundvelli rammaáætlunar sem samþykkt var af sveitarstjórn 12. júní 2024. Inn á fundinn undir þessum lið komu Aðalheiður Borgþórsdóttir, atvinnu- og menningarmálastjóri og fór yfir helstu áherslur á sviði atvinnu- og menningarmála sem gert er ráð fyrir í fyrirliggjandi drögum að fjárhagsáætlun og Óðinn Gunnar Óðinsson, skrifstofustjóri, sem fór yfir helstu áherslur á sviði stjórnsýslu.

Í vinnslu.

Fyrir liggur minnisblað frá Aðalheiði Borgþórsdóttur atvinnu- og menningarmálastjóra, Hugrúnu Hjálmarsdóttur umhverfis- og framkvæmdastjóra og Kolbrúnu Erlu Pétursdóttur forstöðukonu Bókasafns Héraðsbúa, um bókasafn Seyðisfjarðar. Einnig liggur fyrir greinargerð frá 15.2.2024 um skóla- og almenningsbókasöfn Múlaþings. Aðalheiður Borgþórsdóttir kom inn á fundinn undir þessum lið og gerði grein fyrir niðurstöðum hópsins.

Eftirfarandi tillaga lögð fram:
Byggðaráð Múlaþings samþykkir að vísa tillögum starfshóps að nýrri staðsetningu bókasafns á Seyðisfirði til umsagnar í heimastjórn Seyðisfjarðar.

Í vinnslu.

Fyrir liggja tillögur að seinni úthlutun menningarstyrkja 2024. Elsa Guðný Björgvinsdóttir, verkefnastjóri menningarmála, kom inn á fundinn undir þessum lið og gerðir grein fyrir málinu.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að úthlutun menningarstyrkja, samtals að fjárhæð kr. 1.950.000, og felur verkefnastjóra menningarmála að koma úthlutunum í framkvæmd.

Samþykkt samhljóða án atkvæðagreiðslu.

Fyrir liggja drög í vinnslu að stefnu um þjónustustig í byggðum Múlaþings; á Borgarfirði eystra, Djúpavogi og Seyðisfirði, þar sem fram koma áherslur frá íbúafundum og heimastjórnum. Óðinn Gunnar Óðinsson, skrifstofustjóri, fór yfir stöðu málsins.

Í vinnslu.

Fyrir liggja drög að reglum um tölvupóst- og netnotkun starfsfólks Múlaþings og reglum um tölvupóst kjörinna fulltrúa. Óðinn Gunnar Óðinsson, skrifstofustjóri, gerði grein fyrir málinu.

Eftirfarandi tillaga lögð fram:
Byggðaráð Múlaþings samþykkir fyrirliggjandi reglur um tölvupóst kjörinna fulltrúa og starfsmanna Múlaþings og felur skrifstofustjóra að koma þeim í framkvæmd.

Samþykkt samhljóða án atkvæðagreiðslu.

Til umfjöllunar var fyrirhuguð framkvæmd í Bláargerði á Egilsstöðum sem vænta má stofnframlagsumsóknar vegna.

Í vinnslu.

Til umfjöllunar var hugmynd að leikskólabyggingu á suðursvæði á Egilsstöðum.

Í vinnslu.

Fyrir liggur til aðildarsveitarfélaga Samtaka sjávarútvegssveitarfélaga fundarboð vegna aðalfundar Samtaka sjávarútvegssveitarfélaga sem haldinn verður á Hilton Reykjavík Nordica, miðvikudaginn 9. október kl. 11:30.

Eftirfarandi tillaga lögð fram:
Byggðaráð Múlaþings samþykkir að Björn Ingimarsson og Jónína Brynjólfsdóttir til vara, fari með atkvæði Múlaþings á fundi Samtaka sjávarútvegssveitarfélaga sem haldinn verður 9. október 2024.

Samþykkt samhljóða án atkvæðagreiðslu.

Hannes Karl Hilmarsson yfirgaf fundinn meðan á þessum lið stóð.

Fyrir liggur fundarboð á aðalfund Samtaka sveitarfélaga á köldum svæðum sem fram fer þann 9. október 2024 kl. 8.30-9.30 á Hilton Reykjavík Nordica.

Eftirfarandi tillaga lögð fram:
Byggðaráð Múlaþings samþykkir að Björn Ingimarsson og Jónína Brynjólfsdóttir til vara, fari með atkvæði Múlaþings á fundi Samtaka sveitarfélaga á köldum svæðum sem haldinn verður 9. október 2024.

Samþykkt samhljóða án atkvæðagreiðslu.

Fyrir liggur fundargerð stjórnar Tækniminjasafns Austurlands frá 12. september 2024.

Lagt fram til kynningar.

Fyrir liggur fundargerð 76. fundar stjórnar Samtaka orkusveitarfélaga.

Lagt fram til kynningar.

Fyrir liggur fundargerð 952. fundar stjórnar Sambands íslenskra sveitarfélaga.

Lagt fram til kynningar.

Fyrir liggur fundargerð 76. fundar Samtaka sveitarfélaga á köldum svæðum.

Lagt fram til kynningar.

Fyrir liggur fundargerð 81. fundar stjórnar Samtaka sjávarútvegssveitarfélaga.

Lagt fram til kynningar.

Fyrir liggur til umsagnar frá atvinnuveganefnd Alþingis tillaga til þingsályktunar um sjávarútvegsstefnu til ársins 2040, 233. mál.

Lagt fram til kynningar.

Fyrir liggur erindi frá formanni stjórnar Héraðsskjalasafns Austfirðinga, dagsett 30.9.2024, þar sem óskað er eftir viðbótarframlagi frá aðildarsveitarfélögunum vegna viðbótarrekstrarkostnaðar á árinu sem ekki var gert ráð fyrir og hins vegar vegna uppsafnaðs hallarekstrar.

Eftirfarandi tillaga lögð fram:
Byggðaráð Múlaþings samþykkir að veita viðbótarframlag til reksturs Héraðsskjalasafns Austfirðinga á árinu 2024 sem nemur beiðni, kr. 500.000,-. Hvað varðar viðbótarframlag næsta árs er því vísað til fjárhagsáætlunargerðar.

Samþykkt samhljóða án atkvæðagreiðslu.

Fyrir liggur í samráðsgátt frumvarp til laga um breytingu á lögum um skipulag haf- og strandsvæða (skipan svæðisráða o.fl.).

Eftirfarandi tillaga lögð fram:
Byggðaráð Múlaþings ítrekar fyrri ályktanir sveitarfélagsins varðandi mikilvægi þess að skipulagsvaldið, hvað varðar haf- og strandsvæði, sé hjá sveitarfélögum og verði unnið samhliða svæðisskipulagi.
Verði sú breyting ekki gerð leggur byggðaráð Múlaþings til að í stað skipunar átta fulltrúa í svæðisráð verði skipaðir sjö. Þrjá samkvæmt tilnefningu ráðherra og þrjá samkvæmt tilnefningum aðliggjandi sveitarfélaga og einn samkvæmt tilnefningu Sambands íslenskra sveitarfélaga sem jafnframt gegni formennsku í ráðinu.

Samþykkt með fjórum atkvæðum en einn á móti (HHÁ).