Heimastjórn Djúpavogs

Vinnslutillaga að aðalskipulagi er langt komin og gert er ráð fyrir að hún fari í kynningu í byrjun næsta árs. Haldnir verða íbúafundir í öllum byggðarkjörnum um vinnslutillöguna og þar fá íbúar og aðrir tækifæri til að koma með ábendingar og athugasemdir.

Heimastjórn kom ýmsum ábendingum á framfæri.

Heimastjórn kom á framfæri athugasemdum um vanmat á uppsafnaðri húsnæðisþörf og ofmat á íbúðum í byggingu í húsnæðisáætlun fyrir Djúpavog.

Samþykkt samhljóða.

Heimastjórn leggur á það áherslu að liðurinn "Snyrtilegt og fallegt býli eða jörð" verði áfram inni í reglunum um umhverfisviðurkenningar.

Samþykkt samhljóða.

Eftirtalin verkefni telur heimastjórn Djúpavogs mikilvægt að sækja um styrki í (í stafrófsröð):

Fráveita, framhald á fyrri framkvæmdum, fækka útrásum og bæta hreinsun.
Gatnaframkvæmdir vegna nýrra lóða og hverfa.
Grunnskóli viðbygging.
Hafnarsvæði bætt aðstaða við Djúpavoginn, flotbryggjur/trébryggjur.
Kostnaður við aðalskipulags og deiliskipulagsvinnu.
Leikskóli viðbygging.
Malbik og bætt aðstaða og aðkoma að hafnarsvæði.
Matarsmiðja og nýsöpunarsetur, fullvinnsla afurða úr héraði.
Uppbygging á íþrótta- og leiksvæði í Blánni.
Viðbygging / líkamsrækt við íþróttamiðstöð Djúpavogs.
Yfirbygging yfir sparkvöll við íþróttamiðstöð.
Þjónustumiðstöð / hafnarhús.

Að mati heimastjórnar ætti að sækja um að lágmarki 4-5 verkefni á hverju ári. Nauðsynlegt er að fara að vinna í þeim umsóknum sem fyrst til að tryggja að umsóknir séu vandaðar og skilvirkar.

Samþykkt samhljóða.

Heimastjórn vill árétta fyrri bókanir um nauðsyn þess að að vetrarþjónusta á Axarvegi sé aukin og að vegurinn fái fasta ruðningsdaga inni í áætlun Vegagerðarinnar um vetrarþjónustu.

Benda má á að á þriðja tug ungmenna frá Djúpavogi stunda nám á Egilsstöðum og íbúar sæki einnig mikilvæga þjónustu til Egilstaða og því sé mikilvægt að bæta vetrarþjónustu.

Samþykkt samhljóða.

Borgarland: Framkvæmdum í nýjum part af Borgarlandi er lokið, stefnt er á að malbika þann part götunar á næsta ári.

Slökkvistöð: Samningur hefur verið undirritaður við verktaka um endurbætur, gert er ráð fyrir að vinnan hefjist í janúar.

Vatnsveita: Enn er beðið eftir dælubúnaði, seinkanir í afhendingu frá birgja munu tefja verklok eitthvað.

Ljósleiðari: Starfsmenn Austurljós hafa verið að skoða lagnaleiðir í þorpinu undanfarið ásamt því að ræða við íbúa um framkvæmd ljósleiðaravæðingar. Beðið er með framkvæmdir vegna óhagstæðra veðurskilyrða.

Lýsing við Gleðivík: Vegagerðin er búin að samþykkja að gera úrbætur á kaflanum frá bræðslu að Hvarfi, efni til að vinna verkið er komið á staðinn og allt klárt til framkvæmda.

Bóndavarðan: Jólablaðið kom út eins og venja er til og var einstaklega veglegt og skemmtilegt.