Heimastjórn Borgarfjarðar

Fyrir liggja til kynningar og umræðu 5 ára framkvæmdaáætlun er varðar uppbyggingu áfangastaða í sveitarfélaginu sem umhverfis- og framkvæmdaráð samþykkti á fundi sínum 19.8.2024 að horft yrði til við gerð fjárfestingaráætlunar 2025.

Heimastjórn Borgarfjarðar óskar eftir því að fá að rýna framkvæmdaáætlunina betur þar sem aðeins eitt verkefni á Borgarfirði kemur fram í henni. Málið verður aftur tekið fyrir á næsta fundi.

Samþykkt samhljóða með handauppréttingu.

Til umræðu eru málefni Stakkahlíðar í Loðmundarfirði og fyrirhugaður kynningarfundur um friðlýsingarmál.

Á fundinn undir þessum lið mætti Davíð Örvar Hansson frá Umhverfisstofnun.

Heimastjórn Borgarfjarðar samþykkir að kynningarfundur um hugmyndir um friðlýsingu Stakkahlíðar í Loðmundarfirði verði haldinn laugardaginn 28. september 2024 kl. 13.00. Fundurinn verði haldinn í Klyppsstað ef veður og færð leyfir, að öðrum kosti á Borgarfirði á sama tíma.

Samþykkt samhljóða með handauppréttingu.

Fyrir liggur bréf frá Bryndísi Snjólfsdóttur og Elísabetu Sveinsdóttur sem barst 10.07.2024 um umgengni og ruslasöfnun íbúa í Bakkagerði og er óskað eftir að farið verið í úrbætur auk þess sem gerðar eru tillögur um staðsetningu gámasvæðis.
Málið var tekið fyrir á síðasta fundi heimastjórnar.

Á fundinn undir þessum lið mætti Hugrún Hjálmarsdóttir, framkvæmda- og umhverfismálastjóri.

Elísabet Sveinsdóttir ræddi mögulegt vanhæfi sitt. Það borið upp og fellt samhljóða.

Heimastjórn Borgarfjarðar þakkar Hugrúnu fyrir komuna á fundinn og góðar umræður og upplýsingar. Gert er ráð fyrir að málið verði aftur tekið upp á fundi heimastjórnar í haust með fulltrúum frá umhverfis- og framkvæmdasviði.

Samþykkt samhljóða með handauppréttingu.

Fyrir liggja til umfjöllunar niðurstöður íbúafunda sem haldnir voru 28. og 29. ágúst og 2. september á Borgarfirði eystra, Djúpavogi og Seyðisfirði, en fundirnir voru liður í mótun stefnu fyrir komandi ár og næstu þrjú ár þar á eftir um það þjónustustig sem sveitarfélagið hyggst halda uppi í byggðum og byggðarlögum fjarri stærsta byggðarkjarna Múlaþings.

Heimastjórn Borgarfjarðar þakkar íbúum Borgarfjarðar kærlega fyrir þátttökuna í íbúafundinum. Verkefni sveitarfélagsins eru yfirgripsmikil og krefjast þess að heimastjórnin rýni þau betur á sérstökum vinnufundi. Málið verður tekið fyrir aftur á næsta fundi.

Samþykkt samhljóða með handauppréttingu.

Til umfjöllunar voru málefni Fjarðarborgar.

Inn á fundinn undir þessum lið mætti Hugrún Hjálmarsdóttir, framkvæmda- og umhverfismálastjóri.

Heimastjórn Borgarfjarðar fagnar því að búið sé að bregðast við leka í kjallara undir sviði með því að fjarlægja þaðan timburverk, en leggur áherslu á að skoðað verði með vatnsleka í forstofu við sviðið og hvað orsaki hann.

Samþykkt samhljóða með handauppréttingu.

Til umfjöllunar er ráðstöfun fasteignarinnar Þórshamar.

Heimastjórn Borgarfjarðar óskar eftir að sveitarstjóri mæti á næsta fund heimastjórnar til að ræða mögulega ráðstöfun söluandvirðis Þórshamars, ef af sölu yrði.

Samþykkt samhljóða með handauppréttingu.

Fyrir liggur umsókn frá lóðarhafa Úraníu (L213204) á Borgarfirði, um stækkun á lóðinni vegna fyrirhugaðrar byggingar á um 40 fermetra gestahúsi.
Umhverfis- og framkvæmdaráð tók erindið fyrir á 125. fundi sínum og óskaði eftir umsögn heimastjórnar.

Heimastjórn Borgarfjarðar gerir ekki athugasemd við stækkun lóðarinnar við Úraníu vegna byggingar á um 40 fermetra gestahúsi, en mælir með að svæði B og C á mynd verði frekar valið.

Samþykkt samhljóða með handauppréttingu.