Fjölskylduráð Múlaþings

Fjölskylduráð samþykkir framlagða fjárhagsáætlun ársins 2025 fyrir fræðslumál og vísar áætlun til afgreiðslu sveitarstjórnar.

Samþykkt samhljóða.

Fjölskylduráð samþykkir framlagða fjárhagsáætlun ársins 2025 fyrir æskulýðs- og íþróttamál með viðbót upp á 3.500.000 kr á lykill 06822. Áætluninni er vísað til afgreiðslu sveitarstjórnar.

Samþykkt samhljóða.

Fjölskylduráð samþykkir framlagða fjárhagsáætlun ársins 2025 fyrir félagsþjónustu og vísar áætlun til afgreiðslu sveitarstjórnar.

Samþykkt samhljóða.

Fjölskylduráð samþykkir framlagðar breytingar á gjaldskrám hjá félagsþjónustu er varða stuðningsþjónustu og akstursþjónustu fyrir fatlað fólk og vísar málinu til áframhaldandi meðferðar sveitarstjórnar.

Samþykkt samhljóða.

Þann 15. febrúar 2024 fjallaði fjölskylduráð um ábendingar frá einstaklingum er borist höfðu sveitarstjórnarbekknum í desember 2023 og bókaði þá; "Fjölskylduráð leggur áherslu á heilsueflingu eldra fólks í Múlaþingi og hefur á umliðnu ári fjölgað úrræðum hvað varðar hreyfingu. Ráðið vill benda á að unnið er að fjölskyldustefnu sveitarfélagins sem og að verkefnið Gott að eldast er til skoðunar varðandi framtíðar þjónustu við eldra fólk. Fjölskylduráð vísar erindi félags eldri borgara til umfjöllunar hjá öldungaráði".

Öldungaráð fjallaði um málið og bókaði eftirfarandi; "Eftirfarandi tillaga er lögð fram: Ráðið tekur undir það að mikilvægt er að stuðla að heilsueflingu eldra fólks í Múlaþingi og telur að Janusarverkefnið væri kjörin leið til þess og vísar í bókun sína í máli nr. 5 á fundinum. Málinu er vísað til fjölskylduráðs".

Þar sem Öldungaráð vísar í bókun í máli nr. 5 á sama fundi er svar fjölskylduráðs vegna málsins fært til bókar í máli nr. 7 á þessum fundi.

Fjölskylduráð hefur fjallað um það mál sem hér er til umfjöllunar og fagnað framtaki félags eldri borgara um að ætla að borða saman mat í Hlymsdölum og auka þar með samveru og nýtingu á aðstöðunni í Hlymsdölum. Sú bókun er hér endurtekin. Fjölskylduráð fagnar því eindregið ef önnur félög eldri borgara myndu gera slíkt hið sama.

Á fundi öldungaráðs þann 30. maí 2024 bókaði ráðið að það hefði ekki heimild eða fjármagn til að gera þær kannanir sem fjölskylduráð hafði beðið um að gerðar væru til að fjölskylduráð gæti tekið formlega ákvörðun um það hvort taka ætti þátt í Janusarverkefninu af hálfu sveitarfélagsins. Öldungaráð fól fjölskylduráði að vinna málið áfram og gera ráð fyrir Janusarverkefninu í fjárhagsáætlun ársins 2025.

Fjölskylduráð bendir á að hreyfiúrræðum fyrir eldra fólk í Múlaþingi hefur fjölgað verulega á umliðnu ári, í öllum byggðarkjörnum öðrum en á Borgarfirði eystri. Ráðið vill auk þess enn benda á að unnið er að betri þjónustu við eldra fólk í sveitarfélaginu í samstarfi við HSA og viðkomandi ráðuneyti í gegnum verkefnið Gott að eldast. Fjölskylduráð vill sjá hverjar niðurstöður þeirrar vinnu verða, áður en ákvarðanir eru teknar um frekari hreyfiúrræði eins og Janusarverkefnið, þar sem möguleikar á samstarfi við heilbrigðisstarfsfólk HSA um heilsueflingu eldra fólks gætu leitt til hagstæðari úrræða heldur en það sem öldungaráð vill koma á fót. Ráðið vill einnig benda á að félag eldri borgara getur sjálft gengið til samninga við Janus um þjónustu við félagsmenn, telji þeir að nægur fjöldi þátttakenda fengist til að standa undir kostnaði.

Samþykkt samhljóða.

Fyrir liggur bókun öldungaráðs þar sem því er beint til fjölskylduráðs og sveitarstjórnar að leiðrétt verði sú mismunun sem felst í því að ekki sé greitt fyrir fundarsetu allra ráða í Múlaþingi.
Fjölskylduráð vísar til bókunar Sveitarstjórnar frá 16. október sl. þar sem fram kemur að í erindisbréfi öldungaráðs er ekki um fastanefnd á vegum sveitarfélagsins að ræða, heldur samráðsvettvang sem skipað er til á grundvelli laga nr. 40/1991 um félagsþjónustu sveitarfélaga. Seta í ráðinu er því ekki launuð.

Samþykkt: SG, GBH, ÞBJ og GLG. Sátu hjá: ÁMS, ES og JHÞ.

Varðandi bókun öldungaráðs á fundi þann 30. maí 2024, þar sem því var vísað til fjölskylduráðs að gera þyrfti greiningu á húsnæðisþörf fyrir félags- og tómstundastarf eldri borgara í hverjum byggðarkjarna er því til að svara að viðraðar hafa verið óánægjuraddir með aðstöðu félaganna á Djúpavogi og á Seyðisfirði. Fjölskylduráð vill skipuleggja heimsóknir til stjórna félags eldri borgara, skoða aðstöðuna sem þau búa við og heyra sjónarmið notenda.

Samþykkt samhljóða.

Frestað til næsta fundar.

Lagt fram til kynningar.

Lagt fram til kynningar.

Tekin er fyrir beiðni Samtaka um kvennaathvarf um rekstrarstyrk fyrir árið 2025. Fjölskylduráð samþykkir að veita samtökunum árlegan styrk að upphæð 200.000,- kr. Tekið af lið 9160.

Tekin er fyrir beiðni frá samtökunum Okkar heimur um fjárstuðning til starfsemi samtakanna á Norður- og Austurlandi. Fjölskylduráð sér sér ekki fært að styrkja samtökin að þessu sinni og óskar þeim góðs gengis í störfum sínum.

Samþykkt samhljóða.

Lagt fram til kynningar.

Lagt fram til kynningar.

Félagsmálastjóri reifar þau mál er helst eru til meðferðar á sviðinu.