Beiðni um nýtingu Hlymsdala fyrir hádegisverð eldri borgara

Fjölskylduráð fagnar framtaki félags eldri borgara um að ætla að hittast og borða saman í aðstöðu félagsstarfsins í Hlymsdölum.

Öldungarráð leggur fram eftirfarandi tillögu: Öldungaráð styður beiðni Félags eldri borgara um nýtingu Hlymsdala fyrir hádegisverð eldri borgara og beinir því til fjölskylduráðs að vinna málið áfram með starfsmanni félagsþjónustu. Einnig að kannað verði hvernig hægt er að veita sömu þjónustu í öllum byggðarkjörnum. Samþykkt samhljóða.

Fjölskylduráð hefur fjallað um það mál sem hér er til umfjöllunar og fagnað framtaki félags eldri borgara um að ætla að borða saman mat í Hlymsdölum og auka þar með samveru og nýtingu á aðstöðunni í Hlymsdölum. Sú bókun er hér endurtekin. Fjölskylduráð fagnar því eindregið ef önnur félög eldri borgara myndu gera slíkt hið sama.