Sveitarstjórnarbekkurinn

Farið yfir erindin sem bárust á sveitarstjórnarbekkinn, sem haldinn var á Jólakettinum 10. desember sl., og þeim vísað til viðkomandi ráða, stofnana og starfsfólks til afgreiðslu eftir því sem við á.

Í vinnslu.

Farið yfir erindin sem bárust á sveitarstjórnarbekkinn, sem haldinn var á Jólakettinum 16. desember sl., og þeim vísað til viðkomandi ráða, stofnana og starfsfólks til afgreiðslu eftir því sem við á.

Samþykkt samhljóða án atkvæðagreiðslu.

Fyrir umhverfis- og framkvæmdaráði liggur samantekt á fyrirspurnum og ábendingum sem bárust til kjörinna fulltrúa á Sveitarstjórnarbekknum í desember síðast liðinn.

Frestað til næsta fundar.

Fyrir liggja fjórar ábendingar og athugasemdir er fram komu á sveitarstjórnarbekknum 16. desember 2023 og beint var til byggðaráðs til umfjöllunar og afgreiðslu.

Eftirfarandi tillaga lögð fram:
Byggðaráð Múlaþings mun taka þær athugasemdir er fram komu varðandi heilbrigðisþjónustu upp á fundi með fulltrúum HSA. Ábendingu varðandi lögreglusamþykkt sveitarfélagsins verði komið á framfæri við lögreglustjóra Austurlands og haldið verði áfram samtali við HMS varðandi mikilvægi þess að bregðast við húsnæðisþörf í sveitarfélaginu. Sveitarstjóra falið að sjá til þess að þeim er lögðu fram þau erindi er bárust byggðaráði verði svarað.

Samþykkt samhljóða án atkvæðagreiðslu.

Fyrir umhverfis- og framkvæmdaráði liggur samantekt á fyrirspurnum og ábendingum sem bárust til kjörinna fulltrúa á Sveitarstjórnarbekknum í desember síðast liðinn.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi viðbrögð við þeim fyrirspurnum sem bárust kjörnum fulltrúum og felur framkvæmda- og umhverfismálastjóra að koma þeim á framfæri.

Samþykkt samhljóða með handauppréttingu.

Fyrir fjölskylduráð liggur samantekt á fyrirspurnum og ábendingum sem bárust til kjörinna fulltrúa á sveitarstjórnarbekknum 16. desember síðastliðinn.

Ábending barst um að loka ekki sundlauginni á Egilsstöðum kl. 17:00 um helgar.

Því miður sér fjölskylduráð sér ekki fært að hafa opnunartímann lengri en nú er gert, fræðslustjóra er falið að svara erindinu.

Samþykkt samhljóða með handauppréttingu.

Fjölskylduráð leggur áherslu á heilsueflingu eldra fólks í Múlaþingi og hefur á umliðnu ári fjölgað úrræðum hvað varðar hreyfingu. Ráðið vill benda á að unnið er að fjölskyldustefnu sveitarfélagins sem og að verkefnið Gott að eldast er til skoðunar varðandi framtíðar þjónustu við eldra fólk. Fjölskylduráð vísar erindi félags eldri borgara til umfjöllunar hjá öldungaráði.

Samþykkt samhljóða.

Eftirfarandi tillaga er lögð fram: Ráðið tekur undir það að mikilvægt er að stuðla að heilsueflingu eldra fólks í Múlaþingi og telur að Janusarverkefnið væri kjörin leið til þess og vísar í bókun sína í máli nr. 5 á fundinum. Málinu er vísað til fjölskylduráðs.
Samþykkt samhljóða.

Þann 15. febrúar 2024 fjallaði fjölskylduráð um ábendingar frá einstaklingum er borist höfðu sveitarstjórnarbekknum í desember 2023 og bókaði þá; "Fjölskylduráð leggur áherslu á heilsueflingu eldra fólks í Múlaþingi og hefur á umliðnu ári fjölgað úrræðum hvað varðar hreyfingu. Ráðið vill benda á að unnið er að fjölskyldustefnu sveitarfélagins sem og að verkefnið Gott að eldast er til skoðunar varðandi framtíðar þjónustu við eldra fólk. Fjölskylduráð vísar erindi félags eldri borgara til umfjöllunar hjá öldungaráði".

Öldungaráð fjallaði um málið og bókaði eftirfarandi; "Eftirfarandi tillaga er lögð fram: Ráðið tekur undir það að mikilvægt er að stuðla að heilsueflingu eldra fólks í Múlaþingi og telur að Janusarverkefnið væri kjörin leið til þess og vísar í bókun sína í máli nr. 5 á fundinum. Málinu er vísað til fjölskylduráðs".

Þar sem Öldungaráð vísar í bókun í máli nr. 5 á sama fundi er svar fjölskylduráðs vegna málsins fært til bókar í máli nr. 7 á þessum fundi.