Umhverfis- og framkvæmdaráð Múlaþings

Verkefnastjóri hafna situr fundinn undir þessum lið.
Fyrir liggur að umsókn í Orkusjóð vegna kaupa á búnaði til upphitunar á þjónustuhúsi við Ferjuleiru á Seyðisfirði var hafnað.

Lagt fram til kynningar.

Verkefnastjóri hafna situr fundinn undir þessum lið.
Farið yfir stöðu verkefnis við nýjan viðlegukant í Djúpavogshöfn en unnið er að kostnaðargreiningu og valkostagreiningu (flot- eða trébryggja).

Lagt fram til kynningar.

Verkefnastjóri hafna situr fundinn undir þessum lið.
Fyrir liggja drög að erindi til Hafnadeildar Vegagerðarinnar þar sem óskað er eftir afstöðu til hugmynda um breytingu á verkefninu Endurbygging löndunarbryggju á Borgarfirði.

Eftirfarandi tillaga lögð fram:
Umhverfis- og framkvæmdaráð samþykkir að fela hafnarstjóra að koma erindinu á framfæri við Hafnadeild Vegagerðarinnar.

Samþykkt samhljóða.

Verkefnastjóri hafna situr fundinn undir þessum lið.
Fyrir liggur fundarboð á hafnasambandsþing Hafnasambands Íslands 2024, sem haldið verður í Hofi á Akureyri, dagana 24. og 25. október n.k.
Ráðið skal tilnefna 7 fulltrúa til setu á þinginu.

Eftirfarandi tillaga lögð fram:
Umhverfis- og framkvæmdaráð felur hafnastjóra að skrá þá fulltrúa sem taka munu þátt í Hafnasambandþingi 2024 fyrir hönd sveitarfélagsins.

Samþykkt samhljóða.

Verkefnastjóri hafna situr fundinn undir þessum lið.
Fundargerðir frá 464. og 465. fundum Hafnasambands Íslands lagðar fram til kynningar.

Lagt fram til kynningar.

Verkefnastjóri hafna og skipulagfulltrúi sitja fundinn undir þessum lið.
Skipulags- og matslýsing vegna fyrirhugaðra breytinga á Aðalskipulagi Djúpavogshrepps 20088-2020 var kynnt 20. mars til og með 20. apríl 2024. Fyrir ráðinu liggja umsagnir sem bárust á kynningartíma auk samantektar á þeim.
Jafnframt liggur fyrir ráðinu minnisblað þar sem bornar eru saman tvær staðsetningar fyrir nýtt athafna-, iðnaðar- og hafnarsvæði; annars vegar við Innri-Gleðivík og hins vegar Sandbrekkuvík.

Eftirfarandi tillaga lögð fram:
Umhverfis- og framkvæmdaráð samþykkir að óska eftir umsögn heimastjórnar Djúpavogs á fyrirliggjandi minnisblaði um samanburð á staðarvali. Málið verður tekið fyrir að nýju þegar hún liggur fyrir.

Samþykkt samhljóða.

Skipulagsfulltrúi situr fundinn undir þessum lið.
Vinnslutillaga vegna breytinga á deiliskipulagi Fljótsdalslínu 3 og 4 í Skriðdal var kynnt 10. júlí með athugasemdafresti til og með 12. ágúst 2024. Fyrir ráðinu liggja umsagnir sem bárust á kynningartíma ásamt samantekt á þeim og viðbrögðum.
Jafnframt er lögð fram tillaga til auglýsingar þar sem brugðist hefur verið við athugasemdum.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og leggur til við heimastjórn Fljótsdalshéraðs að hún verði auglýst í samræmi við 41. gr. skipulagslaga nr. 123/2010.

Samþykkt samhljóða.

Skipulagsfulltrúi situr fundinn undir þessum lið.
Tekin er fyrir að nýju umsókn frá lóðarhafa Úraníu (L213204) á Borgarfirði, um stækkun á lóðinni vegna fyrirhugaðrar byggingar á um 40 fermetra gestahúsi. Jafnframt liggur fyrir umsögn heimastjórnar Borgarfjarðar um málið.

Eftirfarandi tillaga lögð fram:
Umhverfis- og framkvæmdaráð tekur undir heimastjórn Borgarfjarðar og samþykkir að lóðin verði stækkuð til samræmis við svæði B og C á skýringarmynd. Starfsmönnum falið að vinna að málinu í samvinnu við lóðarhafa.

Samþykkt samhljóða.

Fræðslustjóri og verkefnastjóri framkvæmdamála sitja fundinn undir þessum lið og kynna frumathugun vegna stækkunar Seyðisfjarðarskóla.

Eftirfarandi tillaga lögð fram:
Umhverfis- og framkvæmdaráð samþykkir að fela verkefnastjóra framkvæmdamála að ganga til samninga við ASK arkitekta í samræmi við niðurstöðu starfshóps um byggingu nýs Seyðisfjarðarskóla.
Umhverfis- og framkvæmdaráð gerir ekki athugasemd við fyrirliggjandi frumathugun.

Samþykkt samhljóða.

Fulltrúi M-lista (BWV) leggur fram eftirfarandi bókun:
Undirritaður er mjög sáttur við fyrirliggjandi hugmyndir að útfærslu á nýjum Seyðisfjarðaskóla. Eftirfarandi ábendingum er komið á framfæri:
Hvatt er til að nýta teikningar hússins í Múlaþingi, er kemur að frekari byggingaframkvæmdum í skólabyggingum í sveitarfélaginu.
Lagt er til að skoðað verði með „rampa“ milli gamla skólans og Herðubreiðar.
Gott er að bókasafni verði fundinn staður utan skólabygginganna.

Fræðslustjóri situr fundinn undir þessum lið.
Fyrir liggur bókun frá 111. fundi fjölskylduráðs þar sem samþykkt var að sótt yrði um styrk í fiskeldissjóð fyrir viðbyggingu við leikskólann Bjarkatún á Djúpavogi. Jafnframt var óskað eftir því að starfsfólk umhverfis- og framkvæmdasviðs hæfist strax handa við þarfagreiningu og hönnun á fyrirhugaðri viðbyggingu.

Eftirfarandi tillaga lögð fram:
Umhverfis- og framkvæmdaráð samþykkir að fela framkvæmda- og umhverfismálastjóra að vinna málið áfram í samræmi við bókun fjölskylduráðs. Samhliða þeirri vinnu verði unnið að undirbúningi umsóknar í Fiskeldissjóð.
Ráðið vísar málinu til kynningar í heimastjórn Djúpavogs og felur starfsmanni að fylgja því eftir.

Samþykkt samhljóða.

Fundargerð frá 29. afgreiðslufundi byggingarfulltrúa lögð fram til kynningar.

Fundargerð frá 8. afgreiðslufundi skipulagsfulltrúa lögð fram til kynningar.