Umhverfis- og framkvæmdaráð Múlaþings

Slökkviliðsstjóri Múlaþings, Haraldur Geir Eðvaldsson, sat fundinn undir þessum lið og fór yfir nýlegan bruna við Miðás 12 og húsnæðismál slökkviliðs á Djúpavogi.

Lagt fram til kynningar.

Staðgengill hafnarstjóra, Eiður Ragnarsson, sat fundinn undir þessum lið og fór yfir helstu framkvæmdir hjá höfnum Múlaþings.

Lagt fram til kynningar.

Yfirhafnarvörður, Rúnar Gunnarsson, sat fundinn undir þessum lið og kynnti drög að hafnarreglugerð Múlaþings.

Eftirfarandi tillaga lögð fram:
Umhverfis- og framkvæmdaráð samþykkir að vísa drögum að hafnarreglugerð til heimastjórna Borgarfjarðar, Seyðisfjarðar og Djúpavogs til umsagnar.

Samþykkt samhljóða.

Yfirhafnarvörður, Rúnar Gunnarsson, og staðgengill hafnarstjóra, Eiður Ragnarsson, sátu fundinn undir þessum lið.
Fyrir umhverfis- og framkvæmdaráði liggur erindi, dags. 9. apríl 2024, frá Fiskeldi Austfjarða sem heimastjórn Djúpavogs vísaði til ráðsins á 49. fundi sínum. Í erindinu eru lagðar fram hugmyndir um viðlegukant í Djúpavogshöfn.

Málið er áfram í vinnslu hjá starfsfólki hafnarinnar.

Fundargerðir frá 462. og 463. fundum Hafnasambands Íslands lagðar fram til kynningar.

Verkefnastjóri framkvæmdamála, Steingrímur Jónsson, sat fundinn undir þessum lið.
Fyrir umhverfis- og framkvæmdaráði liggur erindi, dagsett 17. maí 2024, frá ýmsum aðilum er vilja koma á framfæri áhyggjum sínum af fyrirhuguðum framkvæmdum á ytra byrði Herðubreiðar.

Eftirfarandi tillaga lögð fram:
Umhverfis- og framkvæmdaráð getur að mörgu leyti tekið undir þau sjónarmið bréfritara sem fram koma í erindinu. Á undanförnum árum hefur verið reynt að fá verktaka til þess að fara í múrviðgerðir á Herðubreið, en ekki tekist. Nú er staðan sú að ástand hússins er talið það alvarlegt að ekki sé unnt að bíða lengur með aðgerðir. Því var ákveðið að fara í að klæða húsið að utan. Það er ljóst að þessi aðgerð er ekki fyrsta val, en ráðið styður þá ákvörðun heimastjórnar að láta klæða húsið.

Samþykkt með 6 atkvæðum, 1 (ÁMS) situr hjá.

Fulltrúi V-lista (ÁMS) leggur fram eftirfarandi bókun:
Ég get tekið heilshugar undir erindið og harma það að þetta fallega hús í hjarta bæjarins fái ekki viðgerð í takt við upprunalegt útlit hússins. Það er synd að þetta mál hafi farið eins og raun ber vitni og ástandið á húsinu sé orðið það alvarlegt að ekki sé unnt að gera aðra tilraun til að fá verktaka í slíka viðgerð.

Auglýsingu tillögu vegna breytinga á Aðalskipulagi Fljótsdalshéraðs 2008-2028 fyrir frístundabyggð við Úlfsstaðaholt í landi Úlfsstaða lauk 25. janúar sl.
Fyrir ráðinu liggja umsagnir sem bárust við auglýsta tillögu en þær kölluðu ekki á neinar breytingar á skipulagsgögnum.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og vísar henni til sveitarstjórnar til staðfestingar í samræmi við 32. gr. skipulagslaga nr. 123/2010.

Samþykkt samhljóða.

Auglýsingu tillögu deiliskipulags fyrir frístundabyggð við Úlfsstaðaholt í landi Úlfsstaða lauk 25. janúar sl. Fyrir ráðinu liggja umsagnir sem bárust við auglýsta tillögu auk minnisblaðs með viðbrögðum við þeim.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu þar sem brugðist hefur verið við ábendingum og vísar henni til staðfestingar hjá heimastjórn Fljótsdalshéraðs í samræmi við 41. gr. skipulagslaga nr. 123/2010.

Samþykkt samhljóða.

Fyrir umhverfis- og framkvæmdaráði liggur tillaga að breytingu á deiliskipulagi frístundabyggðar í landi Úlfsstaða. Breytingin er á afmörkuðu svæði, víkur ekki frá notkun þess og er í samræmi við þá byggð sem fyrir er.
Fyrir ráðinu liggur að taka afstöðu til málsmeðferðar og grenndarkynningar.

Eftirfarandi tillaga lögð fram:
Umhverfis- og framkvæmdaráð samþykkir að gerð verði óveruleg breyting á deiliskipulagi frístundabyggðar í landi Úlfsstaða í samræmi við 2. mgr. 43. gr. skipulagslaga nr. 123/2010. Jafnframt samþykkir ráðið, með vísan til gr. 5.9.3. í skipulagsreglugerð, að fallið verði frá grenndarkynningu breytinganna.

Samþykkt samhljóða.

Fyrir umhverfis- og framkvæmdaráði liggur skipulagstillaga til auglýsingar vegna breytinga á deiliskipulagi Unalækjar, í samræmi við bókun ráðsins á 113. fundi. Breytingin er sett fram í greinargerð og á uppdrætti.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og leggur til við heimastjórn Fljótsdalshéraðs að hún verði auglýst í samræmi við 41. gr. skipulagslaga nr. 123/2010.

Samþykkt samhljóða.

Í upphafi máls vakti Eiður Gísli Guðmundsson athygli á mögulegu vanhæfi sínu og var tillaga þess efnis samþykkt samhljóða. Eiður vék af fundi við umræðu og afgreiðslu málsins.

Fyrir umhverfis- og framkvæmdaráði liggur umsókn um byggingarleyfi fyrir íbúðarhúsi á jörðinni Lindarbrekka (L159117). Áformin eru í samræmi við Aðalskipulag Djúpavogshrepps 2008-2020 en ekkert deiliskipulag er í gildi af svæðinu. Fyrir ráðinu liggur að taka afstöðu til grenndarkynningar í samræmi við 1. mgr. 44. gr. skipulagslaga nr. 123/2010.

Eftirfarandi tillaga lögð fram:
Með vísan til 3. mgr. 44. gr. skipulagslaga nr. 123/2010 og með hliðsjón af því ekki er líklegt að áformin hafi veruleg grenndaráhrif samþykkir umhverfis- og framkvæmdaráð að falla frá grenndarkynningu og vísar málinu til afgreiðslu byggingarfulltrúa.

Samþykkt samhljóða.

Grenndarkynningu byggingaráforma við Tungu lauk þann 16. maí 2024 án athugasemda.

Eftirfarandi tillaga lögð fram:
Umhverfis- og framkvæmdaráð staðfestir að grenndarkynningu fyrirhugaðra byggingaráforma við Tungu sé lokið án athugasemda.

Samþykkt samhljóða.

Grenndarkynningu vegna stofnunar nýrra lóðar á Kaupfélagsreit á Borgarfirði lauk 16. maí 2024 án athugasemda.

Eftirfarandi tillaga lögð fram:
Umhverfis- og framkvæmdaráð staðfestir að grenndarkynningu sé lokið og felur skipulagsfulltrúa að stofna lóðina og úthluta til málsaðila.

Samþykkt samhljóða.

Fyrir umhverfis- og framkvæmdaráði liggur umsókn frá Vegagerðinni um skráningu nýrra landeigna í fasteignaskrá. Stofna á lóð úr landi Hleinagarðs (L158097) sem fær heitið Hleinagarður, vegstæði.

Eftirfarandi tillaga lögð fram:
Umhverfis- og framkvæmdaráð samþykkir umsóknina og felur skipulagsfulltrúa að vinna málið áfram.

Samþykkt samhljóða.

Lögð er fram til kynningar fundargerð frá 1. fundi stjórnar Náttúrustofu Austurlands sem haldinn var 26. apríl 2024.

Lagðar eru fram til kynningar fundargerðir frá 124. og 125. fundum svæðisráðs austursvæðis Vatnajökulsþjóðgarðs.

Að beiðni áheyrnarfulltrúa í ráðinu er tekin til umræðu staða mála við byggingu nýrrar brúar yfir Jökulsá á Fjöllum.

Máli frestað til næsta fundar.