Heimastjórn Borgarfjarðar

Stefán Aspar Stefánsson, verkefnisstjóri umhverfismála, kom inn á fundinn og fjallaði um vinnu við verklagsreglur vegna ágangs búfjár í heimalöndum.
Lagt fram til kynningar.

Fyrir liggur fundadagatal sveitarstjórnar og fastanefnda Múlaþings júní til desember 2024.
Heimastjórn gerir ekki athugasemdir við fundartímana.
Lagt fram til kynningar.

Fyrir liggur hafnarreglugerð fyrir hafnir Múlaþings.
Heimastjórn gerir ekki athugasemdir við reglugerðina eins og hún liggur fyrir og samþykkir að vísa henni til sveitarstjórnar.

Samþykkt samhljóða án atkvæðagreiðslu.

Fyrir liggur ársskýrsla Náttúrufræðistofnunar 2023.
Í skýrslunni er að finna yfirlit yfir fjölbreytta starfsemi stofnunarinnar og tölulegar rekstrarupplýsingar.

Lagt fram til kynningar.

Í framhaldi af fundi heimastjórnar með Þórhalli Þorsteinssyni hjá Ferðafélagi Fljótsdalshéraðs í apríl um hugmyndir að friðlýsingu Stakkahlíðar í Loðmundarfirði, leitaði heimastjórn frekari upplýsinga hjá Umhverfisstofnun (UST). Inn á fundinn kom Davíð Örvar Hansson hjá UST. M.a. kom fram í máli hans að árið 2022 hafi ráðherra falið UST að hefja vinnu að ferli friðlýsingar Stakkahlíðar.
M.a. kom fram í máli hans að sú vinna hefjist ekki að svo stöddu, nema komi fram vilji heimamanna. Sé vilji til friðlýsingar fyrir hendi, þá fer sú vinna fram með samtali við heimamenn, sveitarfélag og aðra hagsmunaaðila.
Heimastjórn telur mikilvægt að haldinn verði opinn kynningarfundur þar sem farið er ýtarlega yfir þá friðlýsingamöguleika sem koma til greina og hverju hugsanleg friðlýsing gæti skilað svæðinu. Vel færi á að halda fundinn í Loðmundarfirði að áliðnu sumri.
Heimastjórn samþykkir að vísa málinu til sveitarstjórnar. Samþykkt samhljóða án atkvæðagreiðslu.

Stjórn Heilbrigðisstofnunar Austurlands (HSA) kom inn á fundinn og fjallaði um stöðu heilbrigðisþjónustu á Borgarfirði.

Ráðið hefur verið í tímabundið hlutastarf sjúkraliða til að sinna heimaþjónustu. Þá verður ráðinn hjúkrunarfræðingur í hlutastarf sem sinna mun móttöku í heilsugæsluseli sem verður opið einu sinni í viku. Stefnt er að því að auka fjarlækningaþjónustu með ráðningunni.

Heimastjórn þakkar stjórn HSA fyrir komuna á fundinn og gagnlegar umræður.
Lagt fram til kynningar.

Fyrir liggur minnisblað um valkosti um staðsetningu og/eða byggingu líkamsræktaraðstöðu. Heimastjórn telur eingöngu koma til greina að byggt verði við Sparkhöllina.

Lagt fram til kynningar.

Máli frestað til næsta fundar.

Fulltrúi sveitarstjóra fór yfir málefni tengd höfninni. Framkvæmdir við nýja löndunarbryggju eru í gangi. Við ástandsskoðun kom í ljós að gamla löndunarbryggjan er verr farin en talið var og því liggur fyrir þörf er á að endurbyggja hana sem fyrst.

Lagt fram til kynningar.

Næsti fundur heimastjórnar Borgarfjarðar er fyrirhugaður miðvikudaginn 3. júlí. Erindi fyrir fundinn þurfa að berast fyrir kl. 12:00 mánudaginn 1. júlí. Erindi skal senda á netfangið jon.thordarson@mulathing.is, eythor.stefansson@mulathing.is eða bréfleiðis til Hreppsstofu.

Vegagerðin hefur tilkynnt að hún muni ekki framlengja gildandi þjónustusamning við Borgarhöfn ehf. um akstur á leið 95 milli Borgarfjarðar og Egilsstaða. Heimastjórn harmar afstöðu Vegagerðarinnar og telur þetta kaldar kveðjur til Borgfirðinga sem hafa nýtt ferðirnar til að sækja þá þjónustu sem ekki er að fá heima fyrir, s.s. læknisþjónustu og skólaþjónustu og verslun.

Heimastjórn Borgarfjarðar skorar á Vegagerðina að endurskoða þessa ákvörðun og vísar málinu til sveitarstjórnar.
Samþykkt samhljóða án atkvæðagreiðslu.