Yfirlit frétta

Tveir eru enn í einangrun á Austurlandi frá því á mánudag í síðustu viku. Báðir eru við ágæta heilsu og standa vonir til að þeir ná fullri heilsu fljótlega. Bólusetningar ganga vel og framboð á bóluefni er gott. Aðgerðastjórn hvetur fólk til að nýta sér það og mæta þegar það fær boð um bólusetningu. Með bólusetningu tryggjum við eigið öryggi en verjum líka okkar nánustu og stuðlum að hinu eftirsótta hjarðónæmi í samfélaginu.

Í sumar verður boðið upp á Sumarfrístund fyrir börn fædd 2012 – 2014 (sem voru að ljúka 1.-3. bekk) á Djúpavogi. Starfið verður yfir 3 vikna tímabil sem hefst mánudaginn 14. júní og lýkur föstudaginn 2. júlí og verður alla virka daga klukkan 09:00- 12:30.

Stefán Bragason lét af störfum hjá Múlaþingi um síðustu mánaðarmót eftir 42 ára starf hjá sveitarfélaginu. Mest allan tímann starfaði hann á skrifstofu þess að Lyngási 12 á Egilsstöðum, sem skrifstofustjóri og bæjarritari, eða í 39 ár, en í þrjú ár starfaði Stefán sem leiðbeinandi við Brúarásskóla sem þá var í Hlíðarhreppi.

Búið er að úthluta leikskólaplássum í leikskólum Múlaþings.

Vegna aukinna vinsælda smáhýsa er ástæða til að draga saman og kynna þær reglur er varða slíkar byggingar. Smáhýsi er samkvæmt byggingarreglugerð „Skýli sem almennt er ætlað til geymslu garðáhalda o.þ.h. og er ekki ætlað til íveru. Smáhýsi er ekki upphitað. Hámarksstærð þess er 15 m²“

Jarðarvætturinn Molda er gerð úr rekavið frá Síberíu að við teljum sem stóð í hlöðu í Eyjafirði í 15 ár áður en hún fékk íslenskar rætur af föllnum trjám á Djúpavogi og í Eyjafirði á vordögum 2021.

13. fundur Sveitarstjórnar Múlaþings verður haldinn á Hótel Framtíð, 9. júní 2021 og hefst klukkan 14:00

Í sumar verður starfrækt sumarfrístund á Egilsstöðum en því miður hefur enn ekki náðst að manna sumarfrístund á Djúpavogi og Seyðisfirði.

Málun götunnar er dæmi um vel heppnað samfélagsverkefni sem hófst árið 2016 og hefur haldið sér síðan þá. Regnbogastræti, eða Norðurgata, er eitt helsta kennileiti Seyðisfjarðar og eitt vinsælasta myndefni Austurlands.

Þétting byggðar á Egilsstöðum og Fellabæ, óskað eftir tillögum.