Yfirlit frétta

Í gær 14. apríl 2021 samþykkti sveitarstjórn Múlaþings Jafnréttisáætlun sveitarfélagsins. Jafnréttisáætlun er mikilvægt verkfæri til að vinna að jafnri stöðu íbúanna á öllum sviðum samfélagsins.

Nafnabreyting hefur verið gerð á þjónustugátt íbúa Múlaþings og heitir núna „Mínar síður“ Á heimasíðu Múlaþings er hægt að nálgast link sem núna heitir „Mínar síður“ (sjá mynd)

Þann 1. maí breytist þannig útivistartíminn og þá verður hægt að vera lengur úti í leikjum í góða veðrinu. Gildir útivistartíminn fyrir fæðingarárið, en ekki fæðingardag, og því gilda sömu reglur fyrir öll börn sem fædd eru á sama ári. Hægt er að lesa ýmsar ástæður fyrir því að takmarka útivist barna og unglinga á heimasíðu Umboðsmanns barna. Þar er að auki áréttað að reglur um útivistartíma segja til um það hvað börn og unglingar mega vera lengi úti á kvöldin, en ekki hvað þau eiga að vera lengi úti.

Frétt inniheldur upplýsingar um innritun í leik- og grunnskóla Múlaþings fyrir skólaárið 2021-2022.

Gangskör var gerð að því af hálfu almannavarnadeildar Ríkislögreglustjóra að útbúa rýmingarskilti í kjölfar aurskriðna á Seyðisfirði í lok árs 2020. Skiltið er nú tilbúið og verður borið í öll hús á Seyðisfirði á næstu dögum. Á skiltinu má finna leiðbeiningar til íbúa um það hvað rétt myndi að taka með komi til rýmingar, að hverju skuli hyggja við rýmingu, hver tekur ákvörðun um rýmingu, afléttingu hennar og fleira. Gert er ráð fyrir að sambærilegum skiltum verði síðar dreift í hús á Eskifirði og í Neskaupstað.

Leikskólakerfið Vala Nú hafa leikskólarnir í Múlaþingi, allir nema leikskóladeild Seyðisfjarðarskóla, byrjað að nota nýtt leikskólakerfi sem heitir Vala. Leikskólakerfi Völu auðveldar og einfaldar alla umsýslu varðandi leikskólann fyrir foreldra, stjórnendur, starfsfólk og sveitarfélagið. Vala býður upp á vefumhverfi og öpp hvort sem er fyrir starfsfólk eða foreldra.

Verðlaunahátíð ungra áhorfenda fer fram 25. apríl í herðubreið, Seyðisfirði Evrópska kvikmynda akademían , Kvikmyndamiðstöð Íslands, MM/Sláturhús og Herðubreið Bíó bjóða öllum börnum á aldrinum 12 – 14 ára að taka þátt í kvikmyndahátíð sem meðlimir í dómnefnd. Kvikmyndahátíðin nefnist Verðlaunahátíð ungra áhorfenda (e. Young Audience Award) og er haldin samtímis víðsvegar um Evrópu eða hátt í 40 löndum þann 25. apríl.

10. fundur Sveitarstjórnar Múlaþings verður haldinn í fjarfundi miðvikudaginn 14. apríl 2021 og hefst klukkan 14:00. Lesa meira fyrir dagskrá fundarins.

Allt frá árinu 2005 hafa Listahátíð í Reykjavík, Byggðastofnun og Icelandair (áður Flugfélag Íslands) staðið saman að Eyrarrósinni; viðurkenningu sem veitt er framúrskarandi menningarverkefni utan höfuðborgarsvæðisins. Fyrirkomulag viðurkenningarinnar hefur verið með svipuðu sniði allt frá upphafi, en við endurnýjun samstarfssamnings í ár var ákveðið að endurskoða skipulagið með það í huga að styrkja Eyrarrósina enn frekar sem raunverulegan bakhjarl lista- og menningarlífs utan höfuðborgarsvæðisins. Samráð var haft við menningarfulltrúa á landsbyggðinni í því ferli.

Sveitarfélagið Múlaþing auglýsir til leigu íbúðarhúsnæði á Borgarfirði. Um er að ræða íbúð í nýbyggðu parhúsi að Lækjarbrún.  Heimastjórn Borgarfjarðar mun útdeila íbúðinni í samræmi við reglur sveitarfélagsins. Umsækjendum íbúða er bent á að skattframtal síðasta árs þarf að fylgja umsókn. Athugið! Umsóknir berist í tölvupósti á jon.thordarson@mulathing.is eða bréfleiðis til Hreppstofu, 720 Borgarfirði eystra, ekki í gegnum þjónustugátt.