Yfirlit frétta

Kynningin á Seyðisfirði verður í Herðubreið þann 11. júlí klukkan 14:00 og á Egilsstöðum þann 13. júlí klukkan 14:00 í Ný-ung.

Sveitarstjórn Múlaþings samþykkti á fundi sínum þann 9.júní 2021 að auglýsa breytingu á Aðalskipulagi Seyðisfjarðar 2010-2030. Breytingin er auglýst í samræmi við 31.gr. skipulagslaga nr. 123/2010 og felur í sér breytingu á landnotkun á lóð Vesturvegar 4, úr íbúðarsvæði með hverfisvernd yfir í blandaða landnotkun íbúðarbyggðar og verslunar og þjónustu með hverfisvernd.

Gagnlegt er að rifja upp útivistarreglur samkvæmt barnaverndarlögum en á sumrin mega 12 ára og yngri ekki vera úti eftir klukkan 22 og 13-16 börn ekki eftir klukkan 24. Njótum sumarsins í Múlaþingi saman.

Fjölskyldusvið Múlaþings auglýsir starf forstöðuaðila félagsmiðstöðvarinnar Lindarinnar á Seyðisfirði. Um er að ræða 100% starf sem ráðið er í frá ágúst 2021. Forstöðuaðili Lindarinnar sér um skipulagningu og framkvæmd félagsmiðstöðvastarfs á Seyðisfirði fyrir börn og ungmenni á aldrinum 10-16 ára. Viðkomandi vinnur í teymi með öðru starfsfólki á sviði íþrótta- og æskulýðsmála og tekur þátt í stefnumótun í félagsmiðstöðvamálum sveitarfélagsins Múlaþings.

Umhverfis- og framkvæmdasvið Múlaþings óskar eftir að ráða garðyrkjustjóra til starfa hjá sveitarfélaginu. Garðyrkjustjórinn sér meðal annars um að sinna öllum gróðri í almenningsgörðum, á opnum svæðum og stofnanalóðum sveitarfélagsins ásamt því að hafa yfirumsjón með vinnuskóla Múlaþings. Um fullt starf er að ræða.

Í Múlaþingi er margt um að vera í sumar fyrir yngri íbúa sveitarfélagsins. Til að mynda ýmis námskeið ætluð börnum og ungmennum auk sérstakra viðburða og vinnusmiðja fyrir þennan hóp.

Djúpavogsskóli er samrekinn grunn- og tónlistarskóli sem óskar annars vegar eftir umsjónarmanni yfir lengdri viðveru og hins vegar stuðningsfulltrúa á unglingastigi. Um hlutastörf er að ræða en möguleiki er á að sameina störfin í heilt stöðugildi.

Markmið samkeppninnar er að auka útsýnis- og náttúruupplifun svæðisins ásamt því að tryggja öryggi gesta á svæðinu. Ekki síður er markmiðið að gera svæðið að eftirsóknarverðum ferðamannastað á Austurlandi, enda svæðið talinn líklegur segull ferðamanna í Áfangastaðaáætlun Austurlands og uppbygging þar því mikilvæg. Verkefnið fékk styrk frá Framkvæmdasjóði ferðamannastaða.

Listaverkið Frelsi verður afhjúpað næstu helgi við Löngubúð

Fyrstu nemendurnir í Vinnuskóla Múlaþings hófu störf 9. júní síðastliðinn. Starfstöðvar vinnuskólans í sumar verða þrjár, á Djúpavogi, Egilsstöðum/Fellabæ og Seyðisfirði en í sumar verða engir nemendur í Vinnuskóla Múlaþings á Borgarfirði.