Umhverfis- og framkvæmdaráð Múlaþings

Sveitarstjóri, fráfarandi hafnarstjóri, verkefnastjóri hafna sitja fundinn undir þessum lið.
Fiskeldissjóður hefur auglýst eftir umsóknum í sjóðinn fyrir árið 2025. Til úthlutunar eru kr. 456.100.000 en umsóknarfrestur er til 10. mars næst komandi.

Þjónustufulltrúi á umhverfis- og framkvæmdasviði situr fundinn undir þessum lið.
Fallið hefur verið frá gerð reglna um stöðu lausafjármuna í Múlaþingi en tekið verður á þeim atriðum sem þær ávörpuðu í nýjum reglum um leyfisveitingar Múlaþings sem landeiganda, sem fjallað er um undir 3. lið fundarins.

Þjónustufulltrúi á umhverfis- og framkvæmdasviði situr fundinn undir þessum lið.
Lagðar eru fyrir að nýju drög að reglum um leyfisveitingar Múlaþings í tengslum við útgáfu stöðuleyfa lausafjármuna (áður reglur um matar- og söluvagna). Reglurnar hafa tekið þónokkrum breytingum, bæði hvað varðar heiti þeirra og innihald, sem eru tilkomnar vegna áherslubreytinga m.a. með vísan í viðeigandi lög og reglugerðir.
Markmið reglanna eins og þær liggja fyrir nú er að skerpa á afgreiðsluferli í tengslum við staðsetningu lausafjármuna á umráðalandi sveitarfélagsins.
Jafnframt liggja fyrir umsagnir heimastjórna við fyrstu drög reglanna.

Fyrir liggja drög að uppfærðri umferðaröryggisáætlun Múlaþings ásamt lista yfir forgangsverkefni í tengslum við hana.
Jafnframt liggja fyrir umsagnir frá heimastjórnum og ráðum sveitarfélagsins. Brugðist hefur verið við ábendingum eftir atvikum og öðrum ábendingum komið í réttan farveg eftir efni þeirra, til að mynda hvað varðar hámarkshraða, gangstéttar og gönguþveranir.

Fyrir liggja umsagnir heimastjórna Múlaþings um fyrirliggjandi tillögur að breytingum á hámarkshraða í þéttbýliskjörnum. Verkefnið er hluti af Auglýsingu um umferð í Múlaþingi.

Fyrir liggur bókun frá heimastjórn Fljótsdalshéraðs þar sem því er beint til umhverfis- og framkvæmdaráðs að vinna að lagfæringum á vegkafla meðfram Sænautavatni í samvinnu við Vegagerðina.

Framkvæmda- og umhverfismálastjóri fer yfir stöðu verkefna á sviðinu.