Umhverfis- og framkvæmdaráð Múlaþings

Hafnarstjóri, Björn Ingimarsson, situr fundinn undir þessum lið og leggur fram tillögu að breytingu á gjaldskrá hafna Múlaþings.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi tillögu að gjaldskrá og vísar henni til staðfestingar hjá sveitarstjórn.

Samþykkt samhljóða.

Fyrir umhverfis- og framkvæmdaráði liggur umsókn um byggingaráform fyrir viðbyggingu við vöruhús Eimskips á lóðinni Miðás 19-21 (L157903) á Egilsstöðum.
Áformin eru í samræmi við Aðalskipulag Fljótsdalshéraðs 2008-2028 en ekki er í gildi deiliskipulag. Fyrir ráðinu liggur að taka afstöðu til grenndarkynningar í samræmi við 1. mgr. 44. gr. skipulagslaga nr. 123/2010.

Eftirfarandi tillaga lögð fram:
Með vísan til 3. mgr. 44. gr. skipulagslaga nr. 123/2010 og með hliðsjón af því ekki er líklegt að áformin hafi veruleg grenndaráhrif samþykkir umhverfis- og framkvæmdaráð að falla frá grenndarkynningu og vísar málinu til afgreiðslu byggingarfulltrúa.

Samþykkt samhljóða.

Grenndarkynningu byggingaráforma á lóðinni Austurvegur 24 (L154896) á Seyðisfirði lauk þann 14. júní sl. Athugasemdir bárust sem málsaðili hefur brugðist við og liggja fyrir breyttir aðaluppdrættir ásamt skuggavarpsteikningum.

Eftirfarandi tillaga lögð fram:
Umhverfis- og framkvæmdaráð samþykkir að nýjar teikningar verði grenndarkynntar að nýju í samræmi við 1. mgr. 44. gr. skipulagslaga nr. 123/2010. Grenndarkynning nái sem fyrr til fasteignaeigenda við Austurveg 22, 29 og 30 auk Miðtúns 2 og 4.

Samþykkt samhljóða.

Fyrir liggur umsókn um stækkun lóðarinnar Loftskjól (L159256) á Djúpavogi.

Máli frestað til næsta fundar.

Fyrir liggja lóðablöð fjögurra lóða við Selbrún í fellabæ og liggur fyrir ráðinu að ákvaða um úthlutun lóðanna samkvæmt reglum um úthlutun lóða hjá Múlaþingi.

Eftirfarandi tillaga lögð fram:
Umhverfis- og framkvæmdaráð samþykkir að um úthlutun lóða við Selbrún nr. 2, 4, 6 og 8 fari samkvæmt lið b) í 3. gr. reglna um úthlutun lóða hjá Múlaþingi. Verkefnastjóra skipulagsfulltrúa falin framkvæmd málsins.
Jafnframt samþykkir ráðið að úthluta Selbrún 5 til Búðinga ehf. í tengslum við samning við Brák hses. um uppbyggingu 10 íbúða, á grundvelli lið c) í 3. gr. ofangreindra reglna.

Samþykkt samhljóða.

Fyrir liggur erindi frá fráfarandi verkefnastjóra brothættra byggða á Borgarfirði, Eyþóri Stefánssyni, varðandi ráðstöfun á styrk í tengslum við verkefnið "Fjarðarborg samfélagsmiðstöð".

Eftirfarandi tillaga lögð fram:
Umhverfis- og framkvæmdaráð samþykkir að styrknum verði ráðstafað til kaupa á skrifstofubúnaði og felur skrifstofustjóra að vinna að málinu í samráði við fulltrúa sveitarstjóra á Borgarfirði.

Samþykkt samhljóða.

Fyrir liggur bókun frá fundi heimastjórnar Borgarfjarðar, dags. 8. ágúst 2024, þar sem því er beint til umhverfis- og framkvæmdaráðs að brugðist verði við skemmdum í kjallara undir sviði Fjarðarborgar.

Eftirfarandi tillaga lögð fram:
Umhverfis- og framkvæmdamálastjóri upplýsti um að unnið hafi verið að viðgerðum í sumar og verður þeim áframhaldið eins og þörf er á.

Samþykkt samhljóða.

Fyrir liggur erindi frá forstöðukonu Herðubreiðar, Sesselju Jónasdóttur, og atvinnu- og menningarmálastjóra, Aðalheiði Borgþórsdóttur, varðandi tillögur að endurbótum á félagsheimilinu fyrir árin 2025 og 2026.

Eftirfarandi tillaga lögð fram:
Umhverfis- og framkvæmdaráð vísar erindinu til verkefnastjóra framkvæmdamála til skoðunar vegna þeirra framkvæmda sem eru í gangi og við gerð viðhaldsáætlunar næstu ára.

Samþykkt samhljóða.

Verkefnastjóri umhverfismála, Stefán Aspar Stefánsson, sat fundinn undir þessum lið.
Fyrir liggur erindi frá landeigendum jarðarinnar Lindarbrekku í Berufirði þar sem óskað er eftir því að sveitafélagið styrki innviði fyrir ferðamenn á plani við Sveinstekksfoss. Annarsvegar með tæmingu á kömrum sem landeigendur hafa sett upp á svæðinu og hins vegar með því að koma upp sorplosunaraðstöðu.

Eftirfarandi tillaga lögð fram:
Umhverfis- og framkvæmdaráð getur ekki fallist á að verða við fyrirliggjandi erindi. Sveitarfélagið sér almennt ekki um rekstur salerna í dreifbýli eða sorphirðu á ferðamannastöðum.

Samþykkt samhljóða.

Lögð er fram bókun byggðaráðs um 5 ára framkvæmdaáætlun er varðar uppbyggingu áfangastaða í sveitarfélaginu.

Eftirfarandi tillaga lögð fram:
Umhverfis- og framkvæmdaráð samþykkir að horft verði til fyrirliggjandi áætlunar við gerð fjárfestingaráætlunar 2025. Jafnframt er lagt til að framkvæmdaáætlunin verði lögð fyrir heimastjórnir til kynningar og umræðu.

Samþykkt samhljóða.

Framkvæmda- og umhverfismálastjóri fer yfir stöðu verkefna á sviðinu.