Heimastjórn Borgarfjarðar

Fyrir liggur erindi frá rekstraraðilum Já sæll ehf. í Fjarðarborg þar sem óskað er eftir að fyrirtækið fái niðurfellda leigu fyrir sumarið 2024, í ljósi ástands hússins það sumar. Fyrirtækið lagði í umtalsverðan kostnað, bæði við frágang eldhúss og alþrif á húsinu svo rekstur gæti hafist. Forsvarsmenn lögðu fram reikninga því til staðfestingar. Einnig ákveðið að endurskoða núgildandi leigusamning um Fjarðarborg sem er frá 2011.

Heimastjórn felur starfsmanni að leggja drög að nýjum leigusamningi í samræmi við umræður á fundinum og leggur til við byggðaráð að vinnuframlag og kostnaður Já sæll ehf. vegna framkvæmda og þrifa sumarið 2024 komi til frádráttar frá leigugreiðslum þess árs. Starfsmanni falið að taka saman gögn varðandi málið.

Samþykkt samhljóða án atkvæðagreiðslu.

Heimastjórn tekur undir þær ábendingar sem koma fram í skýrslunni, s.s. um varasöm gatnamót þar sem Hólalandsvegur mætir Borgarfjarðarvegi, þörf á þrengingum/veghliðum við aðkomu í þorpið, hraðahindrunum og gangbrautamerkingum. Heimastjórn vill jafnframt benda á að helsta öryggisógn gangandi vegfarenda á Borgarfirði stafar af ónýtum gangstéttum og ónægri götulýsingu. Einnig er lagt til að hámarkshraði verði lækkaður innan þéttbýlisins, sem nú er 40 km/klst, niður í 30 km/klst.

Samþykkt samhljóða án atkvæðagreiðslu.

Heimastjórn tekur undir með íbúum að efla megi upplýsingagjöf um snjómokstur, hálkuvarnir og sorphirðu. Að öðru leyti lagt fram til kynningar.

Í þriðja lið fundargerðarinnar er fjallað um hvernig hægt væri að skipta markaðnum með tilliti til hækkandi orkuverðs, sem hækkað hefur um 10-20%. Landsvirkjun hafi þegar hafið vinnu við tvískiptingu gjaldskrár til að tryggja jafnræði í orkuskiptingu.

Heimastjórn lýsir yfir áhyggjum sínum af hækkandi verði raforku og dreifingarkostnaðar og telur fulla þörf á að setja hámark á verð raforku til heimila, minni fyrirtækja og stofnana. Jafnframt verði haldið áfram að greiða niður orkusparandi aðgerðir á köldum svæðum.

Heimastjórn samþykkir að vísa málinu til byggðaráðs.
Samþykkt samhljóða án atkvæðagreiðslu.

Drögin liggja frammi á skrifstofu sveitarfélagsins í Fjarðarborg.

Lagt fram til kynningar.

Starfsmaður heimastjórnar kynnti drög að nýjum reglum og verðskrá Fjarðarborgar. Málið áfram í vinnslu.

Næsti fundur heimastjórnar Borgarfjarðar er fyrirhugaður fimmtudaginn 6. febrúar 2025. Erindi fyrir fundinn þurfa að berast fyrir kl. 12:00 mánudaginn 3. febrúar. Erindi skal senda á netfangið alda.kristinsdottir@mulathing.is eða bréfleiðis til skrifstofu.