Gjaldtaka í Hafnarhólma

Fuglavernd hefur skilað uppkasti að samningi um skiptingu tekna vegna fyrirhugaðrar innheimtu gjalds í Hafnarhólma.

Heimastórn samþykkir drögin fyrir sitt leyti og beinir því til byggðaráðs að vinna málið áfram.

Fyrir lá bókun heimastjórnar Borgarfjarðar þar sem drögum að samningi við Fuglavernd varðandi skiptingu tekna af fyrirhugaðri innheimtu gjalds í Hafnarhólma er beint til byggðaráðs Múlaþings til afgreiðslu.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að ganga frá og undirrita samning við Fuglavernd varðandi skiptingu tekna af fyrirhugaðri innheimtu gjalds í Hafnarhólma. Samningurinn skal grundavallast á fyrirliggjandi samningsdrögum.

Samþykkt samhljóða án atkvæðagreiðslu.

Unnið hefur verið að undirbúningi gjaldtöku fyrir heimsóknir í Hafnarhólma. Gunnar Valur Steindórsson mætti á fundinn og kynnti fyir heimastjórn tillögu að tæknilegri lausn gjaldtökunnar.

Heimastjórn leggur til að gjaldtaka verði valkvæð í sumar og sumarið verði notað til að koma reynslu á tæknilausnina.

Heimastjórn leggur til að gjald verði 400 kr. á hvern einstakling eldri en 14 ára sumarið 2021 en verði endurskoðað fyrir næsta ár.

Tekjum gjaldtökunnar er ætlað að standa undir viðhaldi, rekstri, landvörslu og upplýsingagjöf á svæðinu.

Fyrir lá tillaga heimastjórnar Borgarfjarðar, dags. 05.07.2021, að gjaldskrá vegna gjaldtöku í Hafnarhólma.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að gjaldskrá vegna gjaldtöku í Hafnarhólma og felur fulltrúa sveitarstjóra á Borgarfirði að koma henni í kynningu og framkvæmd.

Samþykkt samhljóða.

Heimastjórn Borgarfjarðar leggur áherslu á að gjaldtaka hefjist í Hafnarhólma í sumar. Sú tæknilausn sem kynnt hefur verið hentar ekki sem skyldi að mati heimastjórnar.

Heimastjórn felur fulltrúa sveitarstjóra á Borgarfirði að vinna málið áfram í samræmi við umræður á fundinum.

Samþykkt samhljóða án atkvæðagreiðslu.

Undir þessum lið sat Olgeir Pétursson frá Glaze og kynnti greiðslukerfi sem er til skoðunar að taka upp hjá Múlaþingi. 

Heimastjórn lýst vel á greiðslukerfi Glaze og leggur til að gengið verði til samninga við fyrirtækið á grundvelli þess sem fram kom á fundinum. 

Heimastjórn vísar því til atvinnu - og menningarsviðs Múlaþings að fara að undirbúa skiltagerð og aðra þá verkþætti sem ráðast þarf í. Markmiðið er að hefja gjaldtöku sumarið 2023 en fyrst um sinn verði um frjáls framlög að ræða. Tilgangur með gjaldtökunni er uppbygging áfangastaðarins Hafnarhólma og rannsóknir og verndun lífríkis á svæðinu.

Samþykkt samhljóða án atkvæðagreiðslu.

Upp er komið kerfi þar sem gestum Hafnarhólma gefst færi á að greiða frjáls framlög til styrktar svæðinu.

Markmiðið er að koma upp fleiri skiltum m.a. meðfram varnargarðinum sem liggur milli Hafnarhúss og Hólmans þar sem gestir geta á rafrænan hátt greitt framlag og fræðst um svæðið. Þar verði jafnframt máluð lína meðfram garðinum til að aðskilja umferð gangandi vegfarenda og hafnarstarfsemi.

Lagt fram til kynningar.

Inn á fund heimastjórnar kom framkvæmdastjóri Fuglaverndar, Hólmfríður Arnardóttir ásamt tveimur stjórnarmönnum, þeim Snæþóri Aðalsteinssyni og Trausta Gunnarssyni.

Rædd voru málefni Hafnarhólma og þá sérstaklega fyrirkomulag innheimtu framlaga sem sett var á síðastliðið sumar og lofar góðu. Fram komu ýmsar tillögur um hvernig megi bæta núverandi fyrirkomulag með samstarfi Fuglaverndar og sveitarfélagsins.

Lagt fram til kynningar.

Fyrir liggur minnisblað varðandi gjaldtöku og gestakomur í Hafnarhólmann á Borgarfirði.

Lagt fram til kynningar.

Fyrir liggja drög að skiltum frá Elínu Elísabetu Einarsdóttur og Rán Flygenring sem koma á upp á Hafnarsvæði fyrir vorið.

Vinnu haldið áfram og lagt fram til kynningar.

Til umfjöllunar eru málefni Hafnarhólma og gjaldtaka.
Inn á fundinn undir þessum lið mætti Aðalheiður Borgþórsdóttir, atvinnu- og menningarmálastjóri.

Heimastjórn Borgarfjarðar leggur til að hafinn verði undirbúningur gjaldtöku í Hafnarhólma. Starfsmanni falið að vinna að útfærslu gjaldtökunnar sem lögð verði fyrir heimastjórn í haust. Starfsmanni jafnframt falið að huga að viðhaldsþörf fyrir næsta ár og uppbyggingu sýningar á efstu hæð Hafnarhúss.

Samþykkt samhljóða með handauppréttingu.

Fyrir liggur bókun frá 49. fundi heimastjórnar Borgarfjarðar varðandi gjaldtöku í Hafnarhólma.

Eftirfarandi tillaga lögð fram:
Byggðaráð Múlaþings samþykkir tillögu heimastjórnar Borgarfjarðar að hafinn verði undirbúningur gjaldtöku í Hafnarhólma og að fulltrúa sveitarstjóra á Borgarfirði verði falið að vinna að útfærslu gjaldtökunnar.

Samþykkt samhljóða án atkvæðagreiðslu.

Heimastjórn gerir ekki athugasemdir við endurnýjun samnings um leigu dúnnytja í Hafnarhólma og vísar honum til samþykkis í byggðaráði.

Varðandi samning um skiptingu tekna og kostnaðar vegna Hafnarhólma telur heimastjórn eðlilegt að horft sé til töluvert lengri tíma en þriggja ára vegna fyrirhugaðra fjárfestinga og viðhalds í og við Hólmann. Starfsmanni falið að koma sjónarmiðum heimastjórnar á framfæri við Fuglavernd og í kjölfarið vísa málinu til byggðaráðs.

Starfsmaður heimastjórnar fór yfir stöðu mála varðandi fyrirhugaða gjaldtöku í Hafnarhólma. Eftir ítarlega yfirlegu kosta, er lagt til að hefja innheimtu þjónustugjalda við bílastæði. Heimastjórn samþykkir fyrir sitt leyti að hefja innheimtu þjónustugjalds við bílastæði af gestum Hafnarhólma og að gjaldið taki mið af stærð farartækis. Mun gjaldtaka hefjast í sumar og kynnt nánar þegar nær dregur. Starfsmanni, í samvinnu við formann, falið að vinna að verðskrá og útfærslu og í kjölfarið vísa málinu til byggðaráðs.

Samþykkt samhljóða án atkvæðagreiðslu.

Eftirfarandi tillaga lögð fram:
Byggðaráð samþykkir fyrirliggjandi samning um dúnnytjar í Hafnarhólma og tillögu að gjaldtöku í Hafnarhólma. Sveitarstjóra falið að fylgja málinu eftir.

Samþykkt samhljóða án atkvæðagreiðslu.

Undirbúningur er í fullum gangi og gengur vel. Notast verður við innheimtukerfi Checkit og mun gjaldtaka hefjast með vorinu. Heimastjórn fagnar því að nú loksins hyllir undir að þetta mikilvæga málefni verði að veruleika og uppbygging Hafnarhólma sem sjálfbærs áfangastaðar sé tryggð.

Lagt fram til kynningar.

Eftirfarandi tillaga lögð fram:
Byggðaráð samþykkir fyrirliggjandi samningsdrög milli Fuglaverndar og Múlaþings varðandi skiptingu tekna og kostnaðar vegna Hafnarhólma á Borgarfirði. Sveitastjóra falið að fylgja málinu eftir.

Samþykkt samhljóða án atkvæðagreiðslu.