Heimastjórn Borgarfjarðar

Rætt var um aðgangsstýringu að húsinu og rekstur ræktarinnar. Aðilar voru sammála um að rétt væri að innheimta hóflega leigu af UMFB til að standa undir kostnaði við ræstingar í aðstöðunni.

Starfsmanni falið að ljúka málinu í samstarfi við formann UMFB.
Samþykkt samhljóða án atkvæðagreiðslu.

Undirbúningur er í fullum gangi og gengur vel. Notast verður við innheimtukerfi Checkit og mun gjaldtaka hefjast með vorinu. Heimastjórn fagnar því að nú loksins hyllir undir að þetta mikilvæga málefni verði að veruleika og uppbygging Hafnarhólma sem sjálfbærs áfangastaðar sé tryggð.

Lagt fram til kynningar.

Starfsmanni heimastjórnar falið að óska eftir umsögn Örnefnanefndar um mögulega nafnabreytingu þar sem eingöngu verði notast við heitið Borgarfjörður eystra.

Málið í vinnslu.

Inn á fund heimastjórnar kom Valgerður G. Benediktsdóttir, verkefnisstjóri samgönguáætlunar og almenningssamgangna hjá Innviðaráðuneytinu og ræddi þá stöðu sem upp er komin.

Farið var yfir málavöxtu og sammælst um að funda aftur innan tíðar. Starfsmanni falið að vera í sambandi við Innviðaráðuneyti um framhald málsins.

Málið í vinnslu.

Heimastjórn þakkar Glúmi Björnssyni jarðfræðingi HEF veitna fyrir komuna á fundinn en hann ræddi möguleika á jarðhitaleit á Borgarfirði og umsókn í ofangreint verkefni. Heimastjórn hvetur stjórn HEF veitna og sveitarstjórn til að tryggja að boraðar verði hitastigulsholur til könnunar á jarðhita og um leið tryggja vatnsgæði á Borgarfirði.

Heimastjórn samþykkir að vísa málinu til stjórnar HEF veitna og sveitarstjórnar.
Samþykkt samhljóða án atkvæðagreiðslu.

Íbúar athugið!
Lundanefnd heimastjórnar áætlar að lundinn mæti í Hólmann á morgun, 4. apríl upp úr kl. 17.30 en tekið verður á móti lundanum með hefðbundnum hætti sumardaginn fyrsta, 24. apríl kl. 20:00.

Heimastjórn stefnir á að halda íbúafund miðvikudaginn 7. maí næstkomandi kl. 17. Nánar auglýst síðar.