Heimastjórn Seyðisfjarðar

Undir þessum lið mættu Hugrún Hjálmarsdóttir og Rúnar Matthíasson hjá umhverfis- og framkvæmdasviði og Sigurbjörg Hvönn Kristjánsdóttir, fræðslustjóri. Þau kynntu frumathugun vegna stækkunar Seyðisfjarðarskóla. Heimastjórn þakkar fyrir góða kynningu og líst vel á frumathugunina. Til stendur að kynna hana fyrir íbúum á næsta íbúafundi heimastjórnar.

Samþykkt samhljóða með handauppréttingu.

Hugrún Hjálmarsdóttir, framkvæmda- og umhverfismálastjóri, mætti undir þessum lið að ræða tillögur að endurbótum á Regnbogagötunni.

Lagt fram til kynningar.

Hugrún Hjálmarsdóttir kynnti fyrir heimastjórn frumhönnun á göngustíg upp að Gufufossi. Heimastjórn gerir ekki athugasemdir við framkomin drög önnur en þau sem rædd voru á fundinum.

Lagt fram til kynningar.

Hugrún Hjálmarsdóttir kynnti fjárfestingaráætlun sveitarfélagsins. Heimastjórn gerir ekki athugasemdir við framkomna fjárfestingaráætlun og þakkar góða kynningu.

Samþykkt samhljóða með handauppréttingu.

Fyrir liggja ályktanir aðalfundar Náttúruverndarsamtaka Austurlands sem var haldinn 7. september 2024.

Lagt fram til kynningar.

Snorri Emilsson leggur fram eftirfarandi bókun:
Ég tek heilshugar undir ályktun NAUST er varðar laxeldi í Seyðisfirði og hvet sveitarstjórn Múlaþings til að nota tækifærið og standi með íbúum á Seyðisfirði, í samræmi við skoðanakönnun sem hún sjálf stóð fyrir, og lýsi því opinberlega yfir að verði af laxeldi í Seyðisfirði sé það, að öðrum annmörkum ótöldum, í óþökk og andstöðu við meirhluta íbúa Seyðisfjarðar og þar með í óþökk og andstöðu sveitarstjórnar Múlaþings, sem virðir vilja nærsamfélagsins á hverjum stað innan Múlaþings.
Það er aldrei of seint að koma athugasemdum og skoðunum á framfæri meðan ekki er komin endanleg afgreiðsla.
Það fer ekki gegn lögum að lýsa yfir afstöðu þótt afgreiðsla mála séu ekki á eigin hendi.

Fyrir liggur tölvupóstur frá umhverfis-, orku- og loftslagsráðuneytinu, dagsettur 27.9.2024, þar sem vakin er athygli á IIIX. Umhverfisþingi sem fer fram í Hörpu. 5. nóvember.

Fulltrúar stefna á að mæta á fjar- eða staðfund.

Lagt fram til kynningar.

Formanni og starfsmanni falið að skipuleggja fund með íbúum Seyðisfjarðar.

Samþykkt samhljóða með handauppréttingu.