Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fjármálastjóri fór yfir fyrirliggjandi tillögur að viðaukum við samþykkta fjárhagsáætlun Múlaþings sem eru til komnar vegna breyttra forsendna í rekstri.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að viðauka 1 sem felur í sér eftirfarandi breytingar á viðkomandi málaflokkum í A-hluta:

Nr. Málaflokkur/sjóður Viðaukar (þús.kr.)

00 Skatttekjur 48.207
02 Félagsþjónusta (154.809)
04 Fræðslu- og uppeldismál (39.722)
06 Æskulýðs- og íþróttamál (54.621)
28 Fjármagnstekjur og -gjöld (6.114)
31 Eignasjóður (56.994)

A-hluti samtals (264.053) til hækkunar á útgjöldum nettó

Fjárfestingahreyfingar:
Stofnframlag Bláargerði 7 6,1 millj.kr.
Stofnframlag Bláargerði 5 5,8 millj.kr.
Kaupvangur 10 46 millj.kr.

Fjármögnunarhreyfingar:
Lántaka A hluti 250 millj.kr.

Samþykkt samhljóða án atkvæðagreiðslu.

Fjármálastjóri og sveitarstjóri kynntu drög að tillögu að rammaáætlun fjárhagsáætlunar Múlaþings fyrir 2025.

Lagt fram til kynningar.

Fyrir liggur skýrsla sem unnin var af Austurbrú eftir málþingið Hoppsa bomm sem var haldið um skíðasvæðin á Austurlandi.

Eftirfarandi tillaga lögð fram:
Með vísan til afgreiðslu sveitarstjórnar Múlaþings, dags. 08.05.2024, þar sem fjölskylduráði er falin umfjöllun málefna skíðasvæða í Múlaþingi er fyrirliggjandi skýrsla um framtíð skíðasvæðanna á Austurlandi lögð fram til kynningar í byggðaráði.

Samþykkt samhljóða án atkvæðagreiðslu.

Við upphaf þessara liðar vakti Þröstur Jónsson á mögulegu vanhæfi sínu. Formaður bar upp vanhæfistillöguna og var hún felld samhljóða.


Fyrir liggur kynning á Starfamessu Austurlands sem verður haldin 19. september 2024 í Íþróttahúsinu á Egilsstöðum. Markmiðið er m.a. að kynna störf og starfsgreinar í heimabyggð fyrir ungu fólki á skólatíma.

Lagt fram til kynningar.

Fyrir liggur svar frá Framkvæmdasýslunni - Ríkiseignum við fyrirspurn frá sveitarfélaginu varðandi mögulegar endurbætur og uppbyggingu húsakosts á Unaósi.

Eftirfarandi tillaga lögð fram:
Byggðaráð Múlaþings ítrekar þá áherslu er fram hefur komið í fyrri afgreiðslum byggðaráðs og heimastjórnar Fljótsdalshéraðs um mikilvægi þess að landeigandi bregðist við með jákvæðum hætti við óskum um endurbætur og uppbyggingu húsakosts á Unaósi. Varðandi svör við fyrirliggjandi spurningum landeiganda þá er umhverfis- og framkvæmdaráði falið að bregðast við þeim fyrir hönd sveitarfélagsins.

Samþykkt samhljóða án atkvæðagreiðslu.

Fyrir liggur tillaga að breyttum reglum Múlaþings um gististaði er byggja á breytingu á lögum nr. 85/2007 um veitingastaði, gististaði og skemmtanahald er samþykkt hefur verið á Alþingi.

Eftirfarandi tillaga lögð fram:
Byggðaráð Múlaþings samþykkir fyrirliggjandi reglur Múlaþings um gististaði innan sveitarfélagsins og felur skrifstofustjóra að sjá til þess að þær verði virkjaðar og kynntar.

Samþykkt samhljóða án atkvæðagreiðslu.

Inn á fundinn tengdust undir þessum lið þeir Óðinn Gunnar Óðinsson, skrifstofustjóri, og Stefán Aspar Stefánsson, verkefnisstjóri umhverfismála, og fóru yfir mögulegt verklag varðandi viðbrögð við ágangi búfjár á heimalöndum.

Lagt fram til kynningar.

Fyrir liggur tillaga að auglýsingu um umferð á Seyðisfirði er varðar tímabundnar takmarkanir á akstri inn Ferjuleiru.

Eftirfarandi tillaga lögð fram:
Samkvæmt heimild í 84.gr. umferðarlaga nr. 77/2019 með síðari breytingum samþykkir Byggðaráð Múlaþings fyrirliggjandi tillögu að auglýsingu um umferð á Seyðisfirði og felur skrifstofustjóra að sjá til þess að hún verði birt.

Samþykkt samhljóða án atkvæðagreiðslu.

Fyrir liggur fundargerð stjórnar Tækniminjasafns Austurland, dags. 30.04.2024, ásamt minnisblaði um rekstrarform Tækniminjasafnsins.

Lagt fram til kynningar.

Fyrir liggur fundargerð stjórnar Samtaka sveitarfélaga á köldum svæðum, dags. 16.05.2024.

Lagt fram til kynningar

Inn á fundinn undir þessum lið tengdist Eyjólfur Þorkelsson, yfirlæknir heilsugæslu HSA í Fjarðabyggð, og fór yfir sína sýn á hvernig tryggja megi sem best faglega læknisþjónustu í dreifbýli á Íslandi.

Lagt fram til kynningar.

Fyrir liggur erindi frá Egilsstaðakirkju varðandi styrk frá sveitarfélaginu í tilefni 50 ára afmælis kirkjunnar.

Málið áfram í vinnslu.