Umhverfis- og framkvæmdaráð Múlaþings

Fjármálastjóri, Guðlaugur Sæbjörnsson, situr fundinn undir þessum lið.
Fyrir umhverfis- og framkvæmdaráði liggja drög að fjárhagsáætlun umhverfis- og framkvæmdasviðs 2025.

Málið er áfram í vinnslu.

Fyrir umhverfis- og framkvæmdaráði liggur bókun frá 103. fundi fjölskylduráðs þar sem því er vísað til ráðsins að skoða hvort ný heimilisfræðistofa fyrir Djúpavogsskóla rúmist innan fjárhagsramma ársins og hægt væri að hefja framkvæmdir í sumar.

Umhverfis- og framkvæmdaráð felur framkvæmda- og umhverfismálastjóra að skoða hvort framkvæmdin rúmist innan framkvæmdaráætlun ársins. Málið verður tekið fyrir að nýju.

Fyrir umhverfis- og framkvæmdaráði liggur bókun frá 103. fundi fjölskylduráðs þar sem minnisblaði frá starfshópi um húsnæðismál Fellaskóla er vísað til ráðsins til úrvinnslu. Starfshópurinn leggur til að sviðsmynd 4 í minnisblaði verði valin.

Eftirfarandi tillaga lögð fram:
Umhverfis- og framkvæmdaráð samþykkir tillögu starfshópsins sem felur í sér að endurnýja og stækka heimilisfræðistofu í Fellaskóla, færa framreiðslueldhús innar í byggingu og bæta loftræstingu í tónmenntastofu. Ráðið felur framkvæmda- og umhverfismálastjóra að koma henni í framkvæmd og verður tekið af liðunum "Fellaskóli verkgreinastofur" og "Annað óskilgreint".

Samþykkt samhljóða.

Lögð eru fram til kynningar svarbréf vegna umsókna Múlaþings í Fiskeldissjóð 2024.

Eftirfarandi tillaga lögð fram:
Umhverfis- og framkvæmdaráð felur framkvæmda- og umhverfsmálastjóra að leggja fram tillögu að framkvæmdum við slökkvistöðina á Djúpavogi og leggja fyrir ráðið að nýju.

Samþykkt samhljóða.

Fyrir umhverfis- og framkvæmdaráði liggur umsókn um byggingarleyfi fyrir íbúðarhúsi á lóðinni Austurvegur 24 (L154896) á Seyðisfirði.
Áformin eru í samræmi við Aðalskipulag Seyðisfjarðarkaupstaðar 2010-2030 en ekkert deiliskipulag er í gildi af svæðinu. Fyrir ráðinu liggur að taka afstöðu til grenndarkynningar í samræmi við 1. mgr. 44. gr. skipulagslaga nr. 123/2010.

Eftirfarandi tillaga lögð fram:
Umhverfis- og framkvæmdaráð samþykkir að áformin verði grenndarkynnt í samræmi við 44. gr. skipulagslaga nr. 123/2010. Grenndarkynning nái til fasteignaeigenda við Austurveg 22, 29 og 30 auk Miðtúns 2 og 4.

Samþykkt samhljóða.

Garðyrkjustjóri, Jón Kristófer Arnarson, kynnir fyrirkomulag vegna vinnuskólans 2024.

Eftirfarandi tillaga lögð fram:
Umsóknarfrestur í vinnuskólann er liðinn og liggur fjöldi umsækjanda fyrir. Gert er ráð fyrir að allir sem sóttu um fái vinnu.
Frestur á Djúpavogi hefur verið framlengdur til 20. maí vegna fárra umsókna.

Jafnframt samþykkir ráðið eftirfarandi tímakaup fyrir hvern árgang:
Nemendur fæddir 2011: 798 kr./klst. 3 klst/dag u.þ.b. 6 vikur
Nemendur fæddir 2010: 1.197 kr./klst. 3 klst/dag u.þ.b. 7 vikur
Nemendur fæddir 2009: 1.463 kr./klst. 6 klst/dag u.þ.b. 10 vikur
Nemendur fæddir 2008: 1.729 kr./klst. 6 klst/dag u.þ.b. 10 vikur

Samþykkt samhljóða.

Fyrir umhverfis- og framkvæmdaráði liggur að skipa nýjan fulltrúa í vatnasvæðanefnd í samræmi við lög nr. 36/2011 og reglugerð nr. 935/2011 um stjórn vatnamála.

Eftirfarandi tillaga lögð fram:
Umhverfis- og framkvæmdaráð samþykkir að skipa Þórhall Borgarsson (D-lista) í stað Ásrúnar Mjallar Stefánsdóttur (V-lista) í vatnasvæðanefnd fyrir hönd sveitarfélagsins.

Samþykkt samhljóða.

Framkvæmda- og umhverfismálastjóri fer yfir stöðu verkefna á sviði skipulags- og byggingarmála.

Lagt fram til kynningar.

Lögð er fram til kynningar ársskýrsla Náttúrustofu Austurlands fyrir árið 2023.

Þórhallur Borgarsson (D-lista) leggur fram eftirfarandi tillögu:
Gerðar eru alvarlegar athugasemdir við það verklag hjá Náttúrustofu Austurlands að þegar auglýst eru störf hjá stofnuninni sé aðeins auglýst eftir húsnæði fyrir starfsmanninn á einum stað á starfssvæðinu en ekki á öllu starfssvæðinu.
Umhverfis- og framkvæmdaráð beinir því til formanns stjórnar að þessu atriði verði breytt í framtíðinni.

Samþykkt með 6 atkvæðum, 1 situr hjá (JB).