Sveitarstjórn Múlaþings

Til umfjöllunar eru fyrirhuguð Fjarðarheiðargöng.

Til máls tóku: Jónína Brynjólfsdóttir, Hildur Þórisdóttir, Berglind Harpa Svavarsdóttir, Pétur Heimisson og Þröstur Jónsson sem lagði fram bókun, Eyþór Stefánsson og Þröstur Jónsson.

Eftirfarandi tillaga lögð fram:
Sveitarstjórn Múlaþings tekur undir eftirfarandi ályktun heimastjórnar Seyðisfjarðar:

Heimastjórn Seyðisfjarðar og sveitarstjórn Múlaþings fara þess á leit við innviða- og fjármála- og efnahagsráðherra að þeir heimili Vegagerðinni að hefja undirbúning útboðs vegna Fjarðarheiðarganga. Lagasetning um jarðgangaframkvæmdir bíður niðurstöðu verkefnastofu um gjaldtöku í jarðgöng á Íslandi, ljóst má vera að að henni er stefnt. Niðurstöður verkefnastofunnar munu liggja fyrir á komandi mánuðum en þá tekur við a.m.k. þriggja mánaða ferli lagasetningar á Alþingi um nýtt tekjumódel vegna jarðganga. Því er afar brýnt að vinna þessi mál samhliða og Vegagerðin fái nú þegar heimild til að hefja útboðsferli vegna Fjarðarheiðarganga sem áætlað er að taki allt að 12 mánuði. Fjarðarheiðargöng eru næstu göng og tilbúin til framkvæmda en biðröðin eftir jarðgöngum um land allt er löng. Nauðsynlegt er að stjórnvöld sýni að það er raunverulegur vilji að leysa þann brýna samgönguvanda og taka nú þegar ákvarðanir sem binda endi á það alvarlega ástand sem ríkt hefur í samgönguúrbótum vegna rofs í jarðgangagerð undanfarin ár.
Heimastjórn Seyðisfjarðar ítrekar að í Svæðisskipulagi Austurlands 2022-2044 er lögð áhersla á að byggja Fjarðaheiðargöng og í framhaldi Seyðisfjarðargöng og Mjóafjarðargöng með það að markmiði að hringtengja miðsvæði Austurlands.
Fjarðarheiðargöng eru eitt brýnasta samfélags- og samgönguverkefnið sem framundan er á Austurlandi. Samgöngubætur m.a. með tilkomu Fjarðarheiðarganga er helsta forsenda þess að Múlaþing sem nýtt fjölkjarnasveitarfélag, geti vaxið og dafnað.
Heimastjórn leggur til að sveitarstjórn fundi með ofantöldum ráðherrum auk forsætisráðherra um málið og að auki verði málið tekið upp við þingmenn kjördæmisins.

Sveitarstjórn lýsir yfir vonbrigðum með að ekki skuli hafa verið brugðist við ósk sveitarfélagsins um fund með ráðherrum vegna málsins. Sveitarstjóra falið að koma bókun heimastjórnar og sveitarstjórnar á framfæri við viðkomandi ráherra og þingmanna kjördæmisins.

Samþykkt samhljóða með handauppréttingu.

Þröstur Jónsson lagði fram eftirfarandi bókun:
Ég ámynni stjórnvöld um að þeim ber að þjóna íslenskri þjóð fremur en að þjóna umdeildum heimsmálum.
Alls ekki er þeim falið að drottna yfir þjóðinni.
Ég gagnrýni harðlega að stjórnvöld nota almannafé á altari vafasamra skurðgoða svo sem stríðsrekstur í fjarlægu landi, loftslagsmál, stjórnlausan innflutning hælisleitenda og kynjafræða-rugls sem stangast á við allt kristilegt siðferði og sjálfsmynd.
Stjórnvöldum ber að nýta almannafé til þjónustu við þá sem greiða í sameiginlega sjóði, þ.e. þjóðina og þar ekki síst í uppbyggingu innviða svo sem samgangna þar með talið jarðgangna.
Ef þetta er ekki kýrskírt fyrir þeim sem á Alþingi og í ríkisstjórn sitja, þá biðla ég til þess að þau hin sömu lesi Markúsarguðspjall 10:42-45 á hverjum einasta morgni sér til uppbyggingar

Fyrir liggur bókun frá fundi heimastjórnar Djúpavogs, dags. 05.09.2024, varðandi snjóhreinsun á Öxi.

Til máls tóku: Þröstur Jónsson, Hildur Þórisdóttir, Berglind Harpa Svavarsdóttir og Jónína Brynjólfsdóttir

Eftirfarandi tillaga lögð fram:
Sveitarstjórn Múlaþings tekur undir með heimastjórn Djúpavogs varðandi mikilvægi þess að vetrarþjónustu og almennu viðhaldi á Axarvegi verði betur sinnt. Skrifstofustjóra falið að koma afgreiðslu sveitarstjórnar á framfæri við Vegagerðina.

Samykkt samhljóða með handauppréttingu.

Fyrir liggur bókun frá 123. fundi umhverfis- og framkvæmdaráðs varðandi gjaldskrá hafna Múlaþings.

Til máls tóku: Ásrún Mjöll Stefánsdóttir, Jónína Brynjólfsdóttir og Hildur Þórisdóttir.

Eftirfarandi tillaga lögð fram:
Sveitarstjórn Múlaþings staðfestir fyrirliggjandi tillögu að breyttri gjaldskrá hafna Múlaþings er samþykkt var af umhverfis- og framkvæmdaráði 19.08.2024. Skrifstofustjóra falið að sjá til þess að gjaldskráin verði birt á á heimasíðu hafna Múlaþings.

Samþykkt samhljóða með handauppréttingu.

Fyrir liggur bókun frá 125. fundi umhverfis- og framkvæmdaráðs, dags. 02.09.2024, varðandi útboð á hirðu úrgangs við heimili í Múlaþingi.

Til máls tóku: Þröstur Jónsson, Jónína Brynjólfsdóttir og Hildur Þórisdóttir.

Eftirfarandi tillaga lögð fram:
Sveitarstjórn Múlaþings staðfestir samþykkt umhverfis- og framkvæmdaráðs um að gengið verði til samninga við lægstbjóðanda gildra tilboða í samræmi við niðurstöðu útboðs á úrgangsþjónustu Múlaþings og Fljótsdalshrepps 2024-2028.

Samþykkt samhljóða með handauppréttingu.

Fyrir liggur bókun frá 125. fundi umhverfis- og framkvæmdaráðs, dags. 02.09.2024, varðandi skipulagstillögu breytinga á Aðalskipulagi Fljótsdalshéraðs 2008-2028 vegna frístundasvæðis við Eiða. Tillagan var auglýst í samræmi við 31. gr. skipulagslaga nr. 123/2010 með athugasemdafresti til og með 2. ágúst 2024.

Til máls tók:Ásrún Mjöll Stefánsdóttir

Eftirfarandi tillaga lögð fram:
Sveitarstjórn Múlaþings staðfestir fyrirliggjandi tillögu um breytingu á Aðalskipulagi Fljótsdalshéraðs 2008-2028 vegna frístundasvæðis við Eiða, í samræmi við 32. gr. skipulagsslaga. Jafnframt samþykkir sveitarstjórn fyrirliggjandi drög að umsögnum um athugasemdir sem bárust á auglýsingatíma tillögunnar og felur skipulagsfulltrúa að koma þeim á framfæri.

Samþykkt með 7 atkvæðum, einn sat hjá(ES ) og þrír á móti (HÞ,ÁMS,PH)

Fyrir liggur erindi frá Öldu Marín Kristinsdóttur þar sem hún óskar eftir því að verða leyst frá störfum í heimastjórn Borgarfjarðar þar sem hún er að hefja störf hjá sveitarfélaginu sem fulltrúi sveitarstjóra á Borgarfirði.

Til máls tóku: Þröstur Jónsson sem bara upp fyrirspurn, Eyþór Stefánsson sem kom til svara og Hildur Þórisdóttir.

Eftirfarandi tillaga lögð fram:
Sveitarstjórn Múlaþings samþykkir að verða við ósk Öldu Marínar Kristinsdóttur um að verða leyst frá störfum í heimastjórn Borgarfjarðar. Í stað Öldu Marínar mun Ragna Óskarsdóttir taka sæti aðalfulltrúa í heimastjórn Borgarfjarðar og Jón Sigmar Sigmarsson mun taka sæti annars varafulltrúa í heimastjórninni.

Samþykkt samhljóða með handauppréttingu.

Fyrir liggur bókun frá fundi fjölskylduráðs, dags. 27.08.2024, varðandi reglur um sérstakan húsnæðisstuðning.

Eftirfarandi tillaga lögð fram:
Sveitarstjórn Múlaþings staðfestir uppfærðar reglur um sérstakan húsnæðisstuðning hjá Múlaþingi sem voru samþykktar á fundi fjölskylduráðs, dags. 27.08.2024. Félagsmálastjóra falið að sjá til þess að uppfærðar reglur verði virkjaðar.

Samþykkt samhljóða með handauppréttingu.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tók vegna liðar 14, Pétur Heimisson, Ásrún Mjöll Stefánsdóttir, Berglind Harpa Svavarsdóttir, Pétur Heimisson, Hildur Þórisdóttir, Einar Freyr Guðmundsson, Ásrún Mjöll Stefánsdóttir með andsvar, Þröstur Jónsson, Eyþór Stefánsson, Ívar Karl Hafliðason og Hildur Þórisdóttir

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tók: Vegna liðar 6, Ívar Karl Hafliðason

Lagt fram til kynningar.

Lagt fram til kynningar.

Lagt fram til kynningar.

Til máls tók. Vegna liðar 2 Ívar Karl Hafliðason.

Lagt fram til kynningar.

Lagt fram til kynningar.

Til máls tóku: Vegna liðar 6, Þröstur Jónsson sem bar upp fyrirspurn, Jónína Brynjólfsdóttir sem kom til svara, Ívar Karl Hafliðason og Þröstur Jónsson.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.