Öldugata 14 Seyðisfirði

Fyrir liggur erindi frá Skaftfelli Myndlistarmiðstöð á Austurlandi varðandi mögulega framtíðarnýtingu Skaftfells á húsnæði í eigu sveitarfélagsins að Öldugötu 14 á Seyðisfirði.

Eftirfarandi tillaga lögð fram:
Byggðaráð felur sveitarstjóra að skoða, ásamt eignasviði, nánar þá valkosti er ræddir voru á fundinum og verður málið tekið fyrir á ný er niðurstöður úr þeirri vinnu liggja fyrir.

Samþykkt samhljóða án atkvæðagreiðslu.

Fyrir liggur erindi frá Skaftfelli Myndlistamiðstöð á Austurlandi varðandi mögulega framtíðarnýtingu Skaftfells á húsnæði í eigu sveitarfélagsins að Öldugötu 14 á Seyðisfirði. Einnig liggur fyrir niðurstaða verkefnastjóra framkvæmda varðandi Öldugötu 14 og mögulega nýtingu húseigna sveitarfélagsins að Hafnargötu 42B og 44B.

Eftirfarandi tillaga lögð fram:
Byggðaráð Múlaþings er samþykkt því, er fram kemur í tillögu verkefnastjóra framkvæmda, að skynsamlegt sé að sveitarfélagið selji Öldugötu 14 og er sveitarstjóra falið að setja það mál í ferli. Einnig styður byggðaráð að skoðað verði frekar hvort það að fara í nauðsynlegar breytingar á Hafnargötu 42B og 44B, svo þær eignir uppfylli kröfur vegna atvinnuhúsnæðis, séu raunhæfar. Sveitarstjóra falið að láta vinna málið áfram í samráði við fulltrúa Skaftfells og verður málið tekið fyrir að nýju er niðurstaða þeirrar vinnu liggur fyrir.

Samþykkt með fjórum atkvæðum, einn sat hjá (Á.M.S)

Sveitarstjóri gerði grein fyrir þeim valkostum er verið hafa til skoðunar að hálfu sveitarfélagsins í samráði við fulltrúa Skaftfells.

Eftirfarandi tillaga lögð fram:
Byggðaráð Múlaþings samþykkir að Öldugata 14 á Seyðisfirði verði ekki sett í söluferli þar sem mögulega er ástæða til að skoða aðrar leiðir varðandi framtíðarnýtingu húsnæðisins. Stefnt er að því að taka málið fyrir á ný er fulltrúar byggðaráðs hafa haft tök á að kynna sér betur þá starfsemi er fram fer í húsnæðinu í dag.

Samþykkt samhljóða með handauppréttingu.

Í vinnslu.

Í samræmi við bókun byggðaráðs Múlaþings, dags. 06.12.2022, var farið í heimsókn í Öldugötu 14 á Seyðisfirði þar sem Pari Stave, framkvæmdastjóri Skaftfells Listamiðstöðvar, tók á móti byggðaráði og starfsfólki sveitarfélagsins og gerði grein fyrir starfseminni og þeim hugmyndum er þau hjá Skaftfelli hafa varðandi framtíðarstarfsemi þar.

Í vinnslu.

Farið var í heimsókn í Öldugötu 14 á Seyðisfirði þar sem Pari Stave, forstöðukona Skaftfells og Linus Lohmann tóku á móti heimastjórn og kynntu starfsemina og þeim hugmyndum er þau hjá Skaftfelli hafa varðandi framtíðarstarfsemi.

Heimastjórn þakkar Pari og Linus fyrir góða kynningu.

Til umræðu voru valkostir varðandi framtíðarnýtingu húsnæðis sveitarfélagsins að Öldugötu 14 á Seyðisfirði.

Í vinnslu.

Til umræðu voru valkostir varðandi framtíðarnýtingu húsnæðis sveitarfélagsins að Öldugötu 14 á Seyðisfirði.

Í vinnslu.

Jónína Brynjólfsdóttir, safnstjóri Tækniminjasafnsins, mætti á fundinn í fjarfundarbúnaði fór yfir næstu skref Tækniminjasafnsins með tilliti til starfsemi prentsmiðjunnar eins og hún var fyrir skriðuföllin í desember 2020.

Formaður kynnti valkosti, fengna frá sveitarstjóra, um framtíðarnýtingu húsnæðis sveitarfélagsins að Öldugötu 14 á Seyðisfirði sem hafa verið til umræðu hjá byggðarráði. Heimastjórn vísar í fyrri umsögn sína, dags. 27. október 2022, um leiguíbúðir í eigu Múlaþings, þar á meðal Öldugötu 14 og tekur aftur undir þau sjónarmið sem upphaflega komu fram í minnisblaði frá byggðaráði um tillögur varðandi leigu, sölu og kaup íbúða í eigu Múlaþings á Seyðisfirði.

Samþykkt samhljóða með handauppréttingu.

Fyrir liggja valkostir varðandi framtíðarnýtingu húsnæðis sveitarfélagsins að Öldugötu 14 á Seyðisfirði.

Eftirfarandi tillaga lögð fram:
Byggðaráð Múlaþings samþykkir að eignin verði seld er lausn hefur fundist varðandi framtíðarhúsnæði fyrir prentverkstæði svo sem í nýju húsnæði Tækniminjasafns á Lónsleiru og felur sveitarstjóra framkvæmd málsins.

Samþykkt samhljóða án atkvæðagreiðslu.

Fyrir liggur erindi frá Skaftfelli Listamiðstöð Austurlands, auk meðlima í Prentverk Seyðisfjörður, varðandi húsaleigu fyrir Öldugötu 14. Sveitarstjóri gerði einnig grein fyrir hugmynd að framtíðarvalkosti fyrir staðsetningu Prentverks Seyðisfjarðar.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að kanna mögulegan nýjan valkost fyrir staðsetningu Prentverks Seyðisfjarðar, sem mögulega gæti raungerst á þessu ári. Er niðurstaða liggur fyrir verður erindi Skaftfells Listamiðstöðvar Austurlands tekið fyrir í byggðaráði til afgreiðslu.

Samþykkt samhljóða með handauppréttingu.