Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Lagt fram til kynningar.

Fjármálastjóri og sveitarstjóri fóru yfir og kynntu drög að fjárhagsáætlun Múlaþings 2025-2028.

Eftirfarandi tillaga lögð fram:
Byggðaráð Múlaþings samþykkir að vísa drögum að fjárhagsáætlun Múlaþings fyrir árin 2025-2028 til fyrri umræðu í sveitarstjórn.

Samþykkt samhljóða án atkvæðagreiðslu.

Fyrir liggja drög að stefnu um þjónustustig í byggðum Múlaþings, á Borgarfirði eystra, Djúpavogi og Seyðisfirði, þar sem fram koma áherslur frá íbúafundum og heimastjórnum.

Eftirfarandi tillaga lögð fram:
Byggðaráð Múlaþings samþykkir fyrirliggjandi drög að stefnu um þjónustustefnu í byggðum Múlaþings, á Borgarfirði eystra, Djúpavogi og Seyðisfirði, og beinir málinu til afgreiðslu í sveitarstjórn.

Samþykkt samhljóða án atkvæðagreiðslu.

Fyrir liggur bókun frá fundi stjórnar Samtaka sjávarútvegssveitarfélaga, dags. 22.10.2024, varðandi mikilvægi fullfjármögnunar Hafrannsóknarstofnunar til rannsókna.

Eftirfarandi tillaga lögð fram:
Byggðaráð Múlaþings tekur undir með stjórn Samtaka sjávarútvegssveitarfélaga um að ríkisvaldið sjái til þess að Hafrannsóknarstofnun verði fullfjármögnuð og þannig gert kleift að halda úti öflugum rannsóknum á fiskistofnum þjóðarinnar svo hægt verði að tryggja sjálfbærar veiðar sem eru afar mikilvægar fyrir íslenskt efnahagslíf.

Samþykkt samhljóða án atkvæðagreiðslu.

Fyrir liggur fundargerð almannavarnarnefndar í umdæmi lögreglustjórans á Austurlandi, dags. 28.10.2024.

Lagt fram til kynningar.

Fyrir liggur fundargerð stjórnar Sambands íslenskra sveitarfélaga, dags. 25.10.2024.

Lagt fram til kynningar.

Inn á fundinn undir þessum lið tengdist Ragnhildur Ásvaldsdóttir, forstöðumaður Sláturhússins Menningarmiðstöðvar, og kynnti þá starfsemi sem hefur farið fram í Sláturhúsinu og framtíðarhugmyndir.

Lagt fram til kynningar.

Fyrir liggur erindi frá Sögufélagi Seyðisfjarðar þar sem óskað er eftir samtali með byggðaráði varðandi mögulega aðkomu sveitarfélagsins að ritun sögu Seyðisfjarðar. Inn á fundinn undir þessum lið tengdist Elfa Hlín Sigrúnar Pétursdóttir, formaður stjórnar Sögufélags Seyðisfjarðar, og gerði grein fyrir hugmyndum stjórnar varðandi framtíðarskref.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að láta skoða mögulega aðkomu sveitarfélagsins, með fjárstyrk, að söfnun og björgun frumheimilda varðandi sögu Seyðisfjarðar og leggja fyrir byggðaráð til afgreiðslu.

Samþykkt samhljóða án atkvæðagreiðslu.

Fyrir liggur erindi frá Tækniminjasafni Austurlands varðandi hækkun á rekstrarstyrk fyrir árið 2025. Einnig liggur fyrir greining sveitarstjóra, fjármálastjóra og atvinnu- og menningarmálastjóra á því hvernig megi bregðast við erindinu miðað við að það rúmist innan samþykktrar rammaáætlunar sveitarfélagsins. Inn á fundinn undir þessum lið tengdust Elfa Hlín Sigrúnar Pétursdóttir og Jónína Brynjólfsdóttir, safnstjórar Tækniminjasafns Austurlands, og fór yfir stöðu mála og það sem framundan er.

Eftirfarandi tillaga lögð fram:
Í ljósi þess að framundan er uppbygging Tækniminjasafns Austurlands og ljóst er að slíkt hefur jákvæð áhrif á atvinnu- og menningarlíf á Seyðisfirði samþykkir byggðaráð Múlaþings að rekstrarstyrkur til safnsins fyrir árið 2025 verði 13 milljónir króna sem rúmast innan samþykktrar rammaáætlunar sveitarfélagsins.

Samþykkt samhljóða án atkvæðagreiðslu.