Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fyrir liggur bókun frá fundi fjölskylduráðs, dags. 18.06.2024, varðandi reglur um stuðningsþjónustu.

Eftirfarandi tillaga lögð fram:
Byggðaráð Múlaþings staðfestir afgreiðslu fjölskylduráðs á fyrirliggjandi breyttum reglum um stuðningsþjónustu og felur félagsmálastjóra að sjá til að þær verði virkjaðar.

Samþykkt samhljóða án atkvæðagreiðslu.

Fyrir liggur bókun frá fundi fjölskylduráðs, dags. 18.06.2024, varðandi reglur um stuðningsþjónustu.

Eftirfarandi tillaga lögð fram:
Byggðaráð Múlaþings tekur undir með fjölskylduráði og fagnar tillögu mennta- og barnamálaráðuneytisins sem styrkir innleiðingu farsældarlaganna á landsvísu sem og verkefnið öruggara Austurland og tekur undir að þessi tvö verkefni eigi samleið og því sé hentugt að vinna þau saman.

Samþykkt samhljóða án atkvæðagreiðslu.

Fyrir liggur bókun frá fundi fjölskylduráðs, dags. 18.06.2024, varðandi reglur um dagdvöl.

Eftirfarandi tillaga lögð fram:
Byggðaráð Múlaþings staðfestir afgreiðslu fjölskylduráðs á fyrirliggjandi breyttum reglum um dagdvöl fyrir eldri borgara í sveitarfélaginu og felur félagsmálastjóra að sjá til að þær verði virkjaðar.

Fyrir liggur tölvupóstur frá Jafnréttisstofu, dagsettur 30. maí 2024, þar sem óskað er eftir áhugasömum kjörnum fulltrúa til að taka þátt í vinnustofu sem fram fer í haust. Vinnustofan er hluti af verkefninu Jafnrétti í sveitarstjórnum.

Eftirfarandi tillaga lögð fram:
Byggðaráð Múlaþings samþykkir að tilnefna Jónínu Brynjólfsdóttur sem fulltrúa Múlaþings í vinnustofu vegna jafnréttis í sveitarstjórnum. Sveitarstjóra falið að koma afgreiðslu byggðaráðs á framfæri við Jafnréttisstofu.

Samþykkt samhljóða án atkvæðagreiðslu.

Lagt fram til kynningar.