Reglur um stoðþjónustu

Teknar eru til umfjöllunar tillögur starfsmanna félagsþjónustu að nýjum og samþættum reglum er varða stuðningsþjónustu. Í fyrirliggjandi tillögu er öll grunnþjónusta felld saman til einföldunar fyrir notendur, hvort sem þeir sækja um þjónustu á grundvelli laga um félagsþjónustu sveitarfélaga nr. 40/1991, laga um þjónustu við fatlað fólk með langvarandi stuðningsþarfir nr. 38/2018 eða laga um samþættingu þjónustu í þágu farsældar barna nr. 86/2021.

Fjölskylduráð samþykkir samhljóða meðfylgjandi reglur félagsþjónustu Múlaþings um stuðningsþjónustu.

Fyrir liggur bókun frá fundi fjölskylduráðs, dags. 17.01.2023, þar sem til umfjöllunar voru tillögur starfsmanna félagsþjónustu að nýjum og samþættum reglum er varða stuðningsþjónustu

Eftirfarandi tillaga lögð fram:
Sveitarstjórn Múlaþings staðfestir afgreiðslu fölskylduráðs og samþykkir meðfylgjandi reglur félagsþjónustu Múlaþings um stuðningsþjónustu. Félagsmálastjóra falið að sjá til þess að breyttar reglur verði virkjaðar.

Samþykkt samhljóða með handauppréttingu.

Frestað til næsta fundar.

Starfsmenn félagsþjónustu leggja fyrir og kynna endurskoðaðar reglur um stuðningsþjónustu hjá félagsþjónustu Múlaþings. Fjölskylduráð samþykkir fyrirliggjandi breytingar á reglum um stuðningsþjónustu.

Samþykkt samhljóða með handauppréttingu.

Fyrir liggur bókun frá fundi fjölskylduráðs, dags. 18.06.2024, varðandi reglur um stuðningsþjónustu.

Eftirfarandi tillaga lögð fram:
Byggðaráð Múlaþings staðfestir afgreiðslu fjölskylduráðs á fyrirliggjandi breyttum reglum um stuðningsþjónustu og felur félagsmálastjóra að sjá til að þær verði virkjaðar.

Samþykkt samhljóða án atkvæðagreiðslu.