Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fyrir liggja til afgreiðslu tillögur að Menningarstefnu Múlaþings 2024-2030 auk aðgerðaráætlunar. Inn á fundinn undir þessum lið kom atvinnu- og menningarmálastjóri Múlaþings, Aðalheiður Borgþórsdóttir, og gerði grein fyrir fyrirliggjandi tillögum.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögur að Menningarstefnu Múlaþings 2024-2030 auk aðgerðaráætlunar menningarstefnu, enda verði hún unnin í samræmi við ramma fjárhagsáætlana hverju sinni, og felur atvinnu- og menningarmálastjóra að sjá til þess að menningarstefnan verði virkjuð.

Samþykkt samhljóða án atkvæðagreiðslu.

Fyrir liggur minnisblað frá verkefnisstjóra upplýsinga- og kynningarmála og atvinnu- og menningarmálastjóra varðandi mögulega uppbyggingu gestastofu Vatnajökulsþjóðgarðs á Egilsstöðum.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu verkefnisstjóra upplýsinga- og kynningarmála og atvinnu- og menningarmálastjóra um að gera gestastofunni í Fljótsdal hærra undir höfði með því m.a. að gerð verði ný kynningarskilti og að starfsfólk á stöðum þar sem veittar eru upplýsingar nú þegar fái frekari fræðslu en að ekki verði ráðist í breyta upplýsingamiðstöð við tjaldsvæðið í gestastofu Vatnajökulsþjóðgarðs. Atvinnu- og menningarmálastjóra falið að sjá til þess að unnið verði áfram í samræmi við fyrirliggjandi tillögur.

Samþykkt samhljóða án atkvæðagreiðslu.

Fyrir liggur erindi frá umhverfis-, orku- og loftslagsráðuneyti varðandi tilnefningu fulltrúa sveitarfélaganna á Austurlandi í hreindýraráð.

Eftirfarandi tillaga lögð fram:
Byggðaráð Múlaþings leggur til að því fyrirkomulagi verði haldið óbreyttu að Samband sveitarfélaga á Austurlandi tilnefni sameiginlegan fulltrúa sveitarfélaganna í hreindýraráð.

Samþykkt samhljóða án atkvæðagreiðslu.

Fyrir liggur bókun frá fundi heimastjórnar Fljótsdalshéraðs, dags. 06.06.2024, auk minnisblaðs þar sem því er beint til byggðaráðs að taka til umfjöllunar stöðu atvinnu og búsetu í dreifbýli sveitarfélagsins með vísan til rekstrar- og starfsumhverfis í landbúnaði og að málið verði jafnframt tekið upp við stjórnvöld.

Eftirfarandi tillaga lögð fram:
Byggðaráð Múlaþings samþykkir að fela atvinnu- og menningarmálastjóra að láta vinna, í samvinnu við Austurbrú, frekari greiningu á stöðu atvinnu- og búsetu í dreifbýli sveitarfélagsins með vísan til rekstrar- og starfsumhverfis í landbúnaði.

Samþykkt samhljóða án atkvæðagreiðslu.

Fyrir liggur erindi frá Krabbameinsfélagi Austurlands þar sem vakin er athygli á atburði, Styrkleikunum, sem stendur til að halda á Egilsstöðum 31. ágúst til 1. september 2024.

Eftirfarandi tillaga lögð fram:
Byggðaráð Múlaþings fagnar því að til standi að Styrkleikarnir verði haldnir á Egilsstöðum 31. ágúst til 1. september 2024 og mun sveitarfélagið styðja viðburðinn með sama hætti og 2023. Íbúar og fyrirtæki innan sveitarfélagsins eru hvött til að kynna sér tilefni þessa viðburðar og að taka þátt.

Samþykkt samhljóða án atkvæðagreiðslu.

Fyrir liggur erindi frá Maríu Ósk Kristmundsdóttur varðandi mögulega stofnun samvinnuseturs á Egilsstöðum.

Eftirfarandi tillaga lögð fram:
Byggðaráð Múlaþings tekur undir það er fram kemur í fyrirliggjandi erindi að mikilvægt er að koma á þekkingar- og samvinnusetri á Egilsstöðum með vinnuaðstöðu fyrir óstaðbundin störf. Sveitarstjóra og skrifstofustjóra falið að vinna að framgangi málsins í samræmi við umræðu á fundinum.

Samþykkt samhljóða án atkvæðagreiðslu.

Fyrir liggur fundargerð stjórnar Samtaka sveitarfélaga á köldum svæðum, dags. 06.06.2024.

Lagt fram til kynningar.

Fyrir liggur fundargerð stjórnar Austurbrúar, dags. 17.05.2024.

Lagt fram til kynningar.

Fyrir liggur fundargerð stjórnar SSA, dags. 17.05.2024.

Lagt fram til kynningar.

Fyrir liggur fundargerð aðalfundar Brunavarna á Héraði, dags. 05.06.2024, auk ársreiknings fyrir árið 2023.

Lagt fram til kynningar.

Fyrir liggur fundargerð stjórnar Sambands íslenskra sveitarfélaga, dags. 31.05.2024.

Lagt fram til kynningar.

Fyrir liggja fundargerðir aðalfundar Vísindagarðsins ehf., dags. 14.06.2024, auk stjórnarfunda Vísindagarðsins ehf. sama dag.

Lagt fram til kynningar.

Fyrir liggja drög að tillögum verkefnisstjórnar varðandi flokkun virkjunarkostanna Bolaalda, Tröllárvirkjun, Hvanneyrardalsvirkjun, Skúfnavatnavirkjun og Hamarsvirkjun.

Eftirfarandi tillaga lögð fram:
Byggðaráð Múlaþings felur sveitarstjóra að koma eftirfarandi athugasemdum á framfæri fyrir hönd sveitarfélagsins:
Hamarsvirkjun mun hafa mjög jákvæð áhrif á orkuöryggi og bæta aðgengi að orku á Austurlandi auk þess að fyrirsjáanlegt er að um jákvæð árhrif verður að ræða á atvinnulíf á svæðinu á framkvæmdatíma sem og til framtíðar.
Einnig mun Hamarsvirkjun hafa þau áhrif að aðgengi að hálendi verður bætt sem mun bæði nýtast sauðfjárbændum, ferðaþjónustu, hreindýraveiðum og til útivistar.
Varðandi möguleg neikvæð áhrif á samheldni í samfélaginu, samanber mat faghóps 3 á samfélagslegum áhrifum, er það ekki sú tilfinning sem fulltrúar í byggðaráði Múlaþings hafa fengið eftir samskipti við framkvæmdaaðila og íbúa í nærsamfélagi virkjunarinnar.
Byggðaráð Múlaþings leggst gegn því að Hamarsvirkjun verði flokkuð í verndarflokk.

Samþykkt með 3 atkvæðum, einn sat hjá (HÞ) og einn á móti (ÁMS).

Ásrún Mjöll Stefánsdóttir lagði fram eftirfarandi bókun:
Fulltrúi V-lista er ósammála ofangreindri tillögu þar sem lagst er gegn því að Hamarsvirkjun sé sett í verndarflokk, þvert á móti er það fagnaðarefni. Svæðið sem virkjunin kæmi annars til með að raska eru síðustu lítt snortnu víðerni Austurlands.

Fyrir liggur erindi frá Byggðastofnun varðandi aflamark Byggðastofnunar á Djúpavogi auk tillögu að svari sveitarfélagsins.

Eftirfarandi tillaga lögð fram:
Byggðaráð Múlaþings samþykkir tillögu að svari við erindi Byggðastofnunar varðandi aflamark á Djúpavogi og felur sveitarstjóra að svara erindinu fyrir hönd sveitarfélagsins.

Samþykkt samhljóða án atkvæðagreiðslu.