Samráðsgátt. Drög að flokkun fimm virkjunarkosta

Fyrir liggja drög að tillögum verkefnisstjórnar varðandi flokkun virkjunarkostanna Bolaalda, Tröllárvirkjun, Hvanneyrardalsvirkjun, Skúfnavatnavirkjun og Hamarsvirkjun.

Eftirfarandi tillaga lögð fram:
Byggðaráð Múlaþings felur sveitarstjóra að koma eftirfarandi athugasemdum á framfæri fyrir hönd sveitarfélagsins:
Hamarsvirkjun mun hafa mjög jákvæð áhrif á orkuöryggi og bæta aðgengi að orku á Austurlandi auk þess að fyrirsjáanlegt er að um jákvæð árhrif verður að ræða á atvinnulíf á svæðinu á framkvæmdatíma sem og til framtíðar.
Einnig mun Hamarsvirkjun hafa þau áhrif að aðgengi að hálendi verður bætt sem mun bæði nýtast sauðfjárbændum, ferðaþjónustu, hreindýraveiðum og til útivistar.
Varðandi möguleg neikvæð áhrif á samheldni í samfélaginu, samanber mat faghóps 3 á samfélagslegum áhrifum, er það ekki sú tilfinning sem fulltrúar í byggðaráði Múlaþings hafa fengið eftir samskipti við framkvæmdaaðila og íbúa í nærsamfélagi virkjunarinnar.
Byggðaráð Múlaþings leggst gegn því að Hamarsvirkjun verði flokkuð í verndarflokk.

Samþykkt með 3 atkvæðum, einn sat hjá (HÞ) og einn á móti (ÁMS).

Ásrún Mjöll Stefánsdóttir lagði fram eftirfarandi bókun:
Fulltrúi V-lista er ósammála ofangreindri tillögu þar sem lagst er gegn því að Hamarsvirkjun sé sett í verndarflokk, þvert á móti er það fagnaðarefni. Svæðið sem virkjunin kæmi annars til með að raska eru síðustu lítt snortnu víðerni Austurlands.

Fyrir liggur, frá umhverfis-, orku- og loftslagsráðuneytinu kynning til samráðs, mál nr. 139/2024 „Tillaga að flokkun fimm virkjunarkosta“. Umsagnarfrestur er til 27.09.2024.

Eftirfarandi tillaga lögð fram:
Byggðaráð Múlaþings ítrekar þær athugasemdir, varðandi flokkun virkjanakostanna fimm, er samþykktar voru á fundi byggðaráðs 18. júní 2024 og felur sveitarstjóra að koma þeim á framfæri fyrir hönd sveitarfélagsins.

Samþykkt með þrem atkvæðum, tveir á móti (HHÁ,HÞ)

Helgi Hlynur Ásgrímsson lagði fram eftirfarandi bókun:
Fulltrúi VG í byggðaráði fagnar því ef það gengur eftir að Hamarsvirkjun fari í vermdarflokk rammaáætlunar. Jafnframt harmar hann skamsýni byggaðaráðs að mótmæla friðuninni og draga faglegheit niðurstöðunar í efa.