Yfirlit frétta

Vegna afleiðinga aurflóðanna á Seyðisfirði verður geðheilbrigðisþjónusta HSA með tvo starfsmenn næstu vikur á Heilsugæslu HSA á Seyðisfirði, á miðvikudögum milli 08:00 til 15:00. Opið er fyrir því að auka við þjónustuna ef þörf verður á. Þeir sem telja sig þurfa sérhæfða aðstoð vegna áfallaeinkenna eru hvattir til að bera sig eftir henni.

Að gefnu tilefni er vakin athygli á lausum störfum í Múlaþingi. Múlaþing er nýtt sveitarfélag á Austurlandi sem varð til 4. október sl. með sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar. Íbúar eru rúmlega 5.000. Sveitarfélagið er landfræðilega langstærsta sveitarfélag landsins og nær yfir um 11 þúsund ferkílómetra.

Ríkislögreglustjóri í samráði við lögreglustjórann á Austurlandi hefur ákveðið að lækka almannavarnastig á Seyðisfirði úr hættustigi á óvissustig. Hættustig hefur verið í gildi frá 20. desember þegar það var lækkað úr neyðarstigi vegna skriðunnar sem féll 18. desember síðastliðinn.

Framkvæmdastjóri NTÍ verður til viðtals á Seyðisfirði, dagana 26. og 27. janúar næst komandi. Hægt er að bóka viðtal við framkvæmdastjóra til að fá nánari upplýsingar um lög og reglur NTÍ, koma á framfæri athugasemdum við kynnt tjónamat eða annað sem ástæða er til að ræða. Hægt er að bóka viðtal hér eða í síma 575-3300.

Ákveðið hefur verið að aflétta rýmingu á þeim húsum undir Múla sem lentu á milli skriðutauma þegar stóra skriðan féll 18. desember síðastliðinn. Forsendur sem settar voru fyrir afléttingu voru tvíþættar:

Félagsráðgjafi frá félagsþjónustu Múlaþings verður staðsettur alla mánudaga frá klukkan 10:00-14:00 í Íþróttahúsi Seyðisfjarðar, næstu vikurnar eða eftir þörfum. Hægt er að panta tíma í tölvupósti g.helga.elvarsdottir@mulathing.is. Hægt er að óska eftir samtölum, aðstoð við fjárhagsmál og annað.

Haldinn verður upplýsingafundur fyrir Seyðfirðinga mánudaginn 25. janúar kl. 17.00. Tilgangur fundarins er að upplýsa íbúa Seyðisfjarðar um stöðu mála. Fundurinn fer fram í gegnum Facebooksíðu Múlaþings. Farið verður yfir helstu atriði sem fram koma á fundinum á ensku og pólsku. Íbúar geta sent inn spurningar fyrir fundinn á netfangið mulathing@mulathing.is

Í dag, föstudaginn 22. janúar, verður því miður engin viðvera í þjónustumiðstöðinni í Herðubreið vegna veðurs. Hægt er að komast í samband við starfsfólk bæði í síma og tölvupósti. Einnig má komast í samband við Ólaf Sigurðsson og Evu Jónudóttir, á efri hæð íþróttamiðstöðvarinnar.

Allri umferð í gegnum vinnusvæði á Hafnargötu er stýrt á milli klukkan 8 og 18 virka daga. Sama gildir ef unnið er um helgar við hreinsun. Þess utan er svæðið ekki lokað, en öll óviðkomandi umferð er bönnuð. Með öðrum orðum ef fólk á ekki erindi inn á svæðið er það gjarnan beðið að sleppa því.

Leikfélag Fljótsdalshéraðs er aftur komið af stað með gamanleikinn Fullkomið brúðkaup eftir Robin Hawdon. Á haustdögum kom okkar góði leikstjóri Guðjón Sigvaldason og sett af stað æfingar. En laust fyrir frumsýningu í lok október voru sóttvarnaraðgerðir hertar vegna Covid 19. Leikfélagið hlýddi að sjálfsögðu kallinu og sendi alla heim með handritið og textinn myndi nú ekki gleymast. Leikarar voru duglegir að vera í sambandi og líklega voru þeir í karakter um öll jólin og áramótin.