Yfirlit frétta

Forseti Íslands Guðni Th. Jóhannesson og Eliza Reid forsetafrú komu til Egilsstaða í gær, fimmtudaginn 4. febrúar, og heimsækja Seyðisfjörð á dag, föstudaginn 5. febrúar. Á Egilsstöðum hittu forsetahjón fulltrúa þeirra fjölmörgu sem unnu í fjöldahjálparstöðinni í Egilsstaðaskóla sem komið var á laggir í kjölfar skriðufallanna á Seyðisfirði þegar fjölmargir íbúar þurftu að yfirgefa heimili sín.

Í gær, 3. febrúar, var undirritaður samstarfssamningur milli Múlaþings og körfuknattleiksdeild Hattar í Íþróttamiðstöðinni Egilsstöðum. Samninginn undirrituðu Björn Ingimarsson sveitarstjóri Múlaþings og Ásthildur Jónasdóttir formaður körfuknattleiksdeildar Hattar. Múlaþing er þar með einn aðal styrktaraðili Körfuknattleiksdeildar Hattar og gerir félaginu kleift að viðhalda sínu öflugu starfi í öllum aldursflokkum. Samkvæmt samningi skuldbindur körfuknattleiksdeildin sig til að halda merki Múlaþings á lofti þar sem það á við, standa fyrir kynningar- og forvarnarverkefnum á vegum Múlaþings líkt og farandþjálfun á Djúpavog og Seyðisfjörð og einsetur sér að leikmenn meistaraflokks kvenna og karla séu til fyrirmyndar innan vallar sem utan.

Meðfylgjandi er skoðunaráætlun eldvarnaeftirlits fyrir sveitarfélagið Múlaþing árið 2021. Eigendur og / eða forráðamenn þeirra bygginga sem eru á listanum mega búast við því að fá skoðunarmann í heimsókn á árinu. Eldvarnaeftirlit er mikilvægur þáttur í forvörnum og tækifæri fyrir fasteignaeigendur til að fá staðfestingu á því að öryggisþættir, sem snúa að brunamálum, séu í góðu lagi.

Fiskistofa auglýsir eftir umsóknum um byggðakvóta til fiskiskipa skv. ákvæðum reglugerðar nr. 728/2020 og breytingum á reglugerð nr. 52/2021 um úthlutun byggðakvóta til fiskiskipa á fiskveiðiárinu 2020/2021. Auglýst er eftir umsóknum fyrir: Sandgerði, Borgarfjörð Eystri, Seyðisfjörð og Djúpivog.

Nýtt Hafnarhús á Borgarfirði eystra er tilnefnt til hinna mikilsvirtu Mies van der Rohe verðlauna Evrópusambandsins 2022. Um er að ræða ein virtustu verðlaun á sviði byggingarlistar sem hægt er að hljóta og eru þau veitt fyrir byggingarlist sem sýnir fram á einstakt félagslegt, menningarlegt og tæknilegt samspil. Á lista tilnefninga er Hafnarhúsið í hópi margra öflugra verkefna en listinn var opinberaður í gær 3. febrúar.

Álagningu fasteignagjalda í Múlaþingi verður lokið í vikunni og stefnt er að því að kröfur vegna 1. gjalddaga birtist í heimabanka eigi seinna en 5. febrúar. Gjalddagar fasteignagjalda árið 2021 verða 9. Fyrsti gjalddagi er nú í byrjun febrúar og sá síðasti 1. október. Eindagi hverrar greiðslu er síðasti virki dagur viðkomandi mánaðar. Ef heildarupphæð gjalda á viðkomandi eign er undir 25.000 kr. innheimtist allt gjaldið á 1. gjalddaga.

Verkefnaáætlun 1.-5. febrúar 2021.

Sjöundi fundur sveitarstjórnar Múlaþings verður haldinn í fjarfundi, 1. febrúar 2020 og hefst klukkan 16:00. Hægt er að fylgjast með fundinum á Youtube rás sveitarfélagsins hér. Dagkskrá: Erindi 1. 202012168 Skriðuföll á Seyðisfirði.

Haldinn á Facebook þann 1. febrúar 2021 klukkan 17:00 Tilgangur fundarins er að upplýsa íbúa Seyðisfjarðar um stöðu mála. Fundurinn fer fram í gegnum Facebooksíðu Múlaþings  Íbúar geta sent inn spurningar fyrir fundinn á netfangið mulathing@mulathing.is

Stöðufundur var í gærmorgun með lögreglu, almannavarnadeild Ríkislögreglustjóra, Veðurstofu, fulltrúum Múlaþings og fleirum. Farið var yfir stöðu hreinsunarstarfs og varnargarða, líkanreikninga vegna hættumats, vöktunar Veðurstofu, rýmingaráætlana og fleira. Hreinsunarstarf er í ágætum farvegi og vinna við frágang varnargarðanna gengur vel. Það er lítur að öryggisþætti þeirra er að mestu lokið.