Yfirlit frétta

Rauði krossinn hefur opnað fyrir umsóknir styrkja til þolenda náttúruhamfaranna á Seyðisfirði í desember 2020. Fjármagnið sem um ræðir er söfnunarfé sem safnast hefur meðal almennings síðast liðnar vikur.

Samráðsfundur lögreglunnar á Austurlandi, almannavarnadeildar ríkislögreglustjóra, Veðurstofu Íslands og Múlaþings var haldinn í gær, þriðjudag. Fjallað var um stöðu hreinsunarstarfs meðal annars, vöktunar á hlíðinni ofan Seyðisfjarðar og hlýindakafla og úrkomu sem fyrirsjáanleg er á miðvikudagskvöld fram á fimmtudag.

Þegar alvarlegir atburðir gerast eru börn alltaf berskjölduð þar sem þau hafa ekki sama möguleika og fullorðið fólk á að skilja og vinna úr því sem gerist. Heiðarleiki skiptir miklu máli í umræðum milli fullorðinna og barna um atburðinn. Besta leiðin sú að spyrja þau um hvað þau viti og hvort þau vilji vita eitthvað sérstakt og láta svo spurningar þeirra leiða umræðuna í stað þess að halda langa tölu. Ekki þykjast vita svör við öllu.

Meðal aðgerða stjórnvalda vegna Covid-19 er styrkur sem hægt er að sækja um til sveitarfélaga vegna íþrótta- og tómstundastarfs barna. Styrkurinn er veittur vegna barna sem eru fædd á árunum 2005–2014 og búa á heimilum þar sem heildartekjur framfærenda, einstaklings, hjóna eða sambúðarfólks, voru að meðaltali lægri en 740.000 kr. á mánuði á tímabilinu mars–júlí 2020.

Opnunartími skrifstofa Múlaþings breytist frá og með 1. janúar 2021 og er það í samræmi við samkomulag starfsfólks, sem staðfest hefur verið af sveitarstjórn, um styttingu vinnuvikunnar sem samið var um við gerð síðustu kjarasamninga. Samkvæmt því loka skrifstofur sveitarfélagsins framvegis kl. 13.30 á föstudögum.

Birt hefur verið tímaáætlun fyrir það hreinsunarstarf sem nú á sér stað á Seyðisfirði í kjölfar aurskriðanna sem þar urðu í desember.

Frá árinu 2013 hefur samfélagið á Djúpavogi tileinkað sér hugmyndafræði um hæglæti, svonefnt Cittaslow. Síðastliðin 4 ár hefur innleiðingu hugmyndafræðinnar inn í grunnskólann og leikskólann á Djúpavogi verið fylgt eftir og ferlið kvikmyndað

Fimmti fundur sveitarstjórnar Múlaþings verður haldinn í fjarfundi, 6. janúar 2020 og hefst klukkan 14:00. Hægt er að fylgjast með fundinum á Youtube rás sveitarfélagsins hér.

Tillaga að breytingu á deiliskipulagi fyrir grunnskóla og leikskóla við Einhleyping í Fellabæ Sveitarstjórn Múlaþings auglýsir hér með tillögu að breytingu á deiliskipulagi fyrir grunnskóla og leikskóla í Fellabæ, skv. 1.mgr. 41. gr. skipulagslaga nr. 123/2010.

Vegna aðstæðna þá verður ekki haldin formleg Þrettándagleði Hattar í ár, eins og undanfarin ár. Aftur á móti verður haldin flugeldasýning sem Björgunarsveitin á Héraði mun sjá um eins og alltaf. Skotið er frá Vilhjálmsvelli og því ættu flestir íbúar í þéttbýlinu á Héraði að geta notið sýningarinnar að heiman. Minnt er á að ekki skal mynda stóra hópa við þetta tilefni og virða skal sóttvarnarreglur sem eru í gildi.