Umhverfis- og framkvæmdaráð Múlaþings

Framkvæmda- og umhverfismálastjóri fer yfir helstu verkefni líðandi stundar.

Lagt fram til kynningar.

Fyrir ráðinu liggja gögn vegna umsóknar í Fiskeldissjóð fyrir árið 2024.

Eftirfarandi tillaga lögð fram:
Umhverfis- og framkvæmdaráð samþykkir fyrir sitt leyti fyrirliggjandi umsókn í Fiskeldissjóð og vísar málinu til heimastjórnar Djúpavogs til kynningar.

Samþykkt samhljóða.

Verkefnastjóri umhverfismála fylgir eftir minnisblaði um stöðu útboðs á hirðu úrgangs í Múlaþingi.

Málið er áfram í vinnslu og verður lagt fyrir ráðið að nýju.

Á 107. fundi umhverfis- og framkvæmdaráðs var verkefnastjóra umhverfismála falið að vinna drög að umsögn um drög að stjórnunar- og verndaráætlun fyrir Dyrfjöll og Stórurð, auk aðgerðaráætlunar. Framlögð eru drög að athugasemdum við ofangreinda áætlun.

Eftirfarandi tillaga lögð fram:
Umhverfis- og framkvæmdaráð samþykkir framlagðar athugasemdir og felur verkefnastjóra umhverfismála að koma þeim á framfæri.

Samþykkt samhljóða.

Lagt er fram til kynningar erindi frá Landi og skógi þar sem óskað er eftir ábendingum og tillögum vegna fyrirhugaðrar vinnu við endurskoðun á stuðningskerfi í landgræðslu og skógrækt.

Eftirfarandi tillaga lögð fram:
Umhverfis- og framkvæmdaráð samþykkir að fyrirliggjandi erindi verði lagt fram til kynningar hjá heimastjórnum Múlaþings en vísar því að öðru leiti til umfjöllunar hjá byggðaráði.

Samþykkt samhljóða.

Svæðisstjóri og deildarstjóri tæknideildar Austursvæðis Vegagerðarinnar kynntu þær nýframkvæmdir og viðhaldsverkefni sem fyrirhuguð eru á árinu.

Lagt fram til kynningar.

Fyrir umhverfis- og framkvæmdaráði liggur skipulagstillaga til auglýsingar vegna breytinga á Aðalskipulagi Fljótsdalshéraðs fyrir frístundasvæði á Eiðum. Tillagan hefur verið uppfærð í samræmi við minnisblað og bókun ráðsins frá 108. fundi.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi tillögu og leggur til við sveitarstjórn að hún verði auglýst í samræmi við 31. gr. skipulagslaga nr. 123/2010.

Samþykkt með 6 atkvæðum, 1 sat hjá (ÁHB).

Fyrir liggur skipulags- og matslýsing vegna breytinga á Aðalskipulagi Djúpavogshrepps 2008-2020 fyrir nýtt athafna- og hafnarsvæði við Innri Gleðivík og nýja vegtengingu við Þjóðveg 1.

Eftirfarandi tillaga lögð fram:
Umhverfis- og framkvæmdaráð samþykkir að vísa því til sveitarstjórnar að fyrirliggjandi vinnslutillaga verði kynnt í samræmi við 1. mgr. 30. gr. skipulagslaga nr. 123/2010.

Samþykkt samhljóða.

Í upphafi máls nr. 9 vakti formaður (JB) máls á mögulegu vanhæfi sínu undir liðum 9 og 10 sem framkvæmdastjóri Tækniminjasafns Austurlands og fól varaformanni (ÞB) stjórn fundarins. JB gerði grein fyrir vanhæfi sínu og bar ÞB upp tillögu til atkvæðagreiðslu. Vanhæfið var samþykkt samhljóða og vék formaður af fundi við umræðu og afgreiðslu beggja mála.

Fyrir umhverfis- og framkvæmdaráði liggur vinnslutillaga fyrir breytingu á Aðalskipulagi Seyðisfjarðarkaupstaðar 2010-2030 vegna stækkunar á hafnarsvæði Seyðisfjarðar og nýtt safnasvæði.

Eftirfarandi tillaga lögð fram:
Umhverfis- og framkvæmdaráð samþykkir að fyrirliggjandi vinnslutillaga verði kynnt í samræmi við 2. mgr. 30. gr. skipulagslaga nr. 123/2010.

Samþykkt samhljóða.

Í upphafi máls nr. 9 vakti formaður (JB) máls á mögulegu vanhæfi sínu undir liðum 9 og 10 sem framkvæmdastjóri Tækniminjasafns Austurlands og fól varaformanni (ÞB) stjórn fundarins. JB gerði grein fyrir vanhæfi sínu og bar ÞB upp tillögu til atkvæðagreiðslu. Vanhæfið var samþykkt samhljóða og vék formaður af fundi við umræðu og afgreiðslu beggja mála.

Fyrir umhverfis- og framkvæmdaráði liggur vinnslutillaga breytinga á gildandi deiliskipulagi Hafnasvæðis, Fjarðarhafnar, Pálshúsreits og Öldunnar. Megin markmið breytinganna er að auka athafnarými hafnarinnar með greiðu aðgengi að hafnarkanti og tryggja öruggt svæði fyrir uppbyggingu Tækniminjasafns Austurlands.

Eftirfarandi tillaga lögð fram:
Umhverfis- og framkvæmdaráð samþykkir að vísa því til heimastjórnar Seyðisfjarðar að fyrirliggjandi vinnslutillaga verði kynnt í samræmi við 3. mgr. 40. gr. skipulagslaga nr. 123/2010.

Samþykkt samhljóða.

Fyrir umhverfis- og framkvæmdaráði liggur tillaga til auglýsingar nýs deiliskipulags vegna frístundabyggðar fyrir 10 lóðir: Merkjadalur í landi Hafrafells 1. Brugðist hefur verið við athugasemdum sem bárust við kynningu vinnslutillögu í fyrirliggjandi gögnum. Jafnframt liggur fyrir ný umsögn Vegagerðarinnar og viðbrögð málsaðila við þeirri umsögn.

Eftirfarandi tillaga lögð fram:
Umhverfis- og framkvæmdaráð fellst ekki á þá vegtengingu við þjóðveg 1 sem tilgreind er í skipulagstillögunni, með tilliti til öryggissjónarmiða enda sé slysatíðni á þessum vegkafla þekkt. Ráðið leggur til að skoðað verði með tengingu frá Hafrafellsvegi.

Samþykkt samhljóða.

Fyrir umhverfis- og framkvæmdaráði liggur umsagnarbeiðni við vinnslutillögu endurskoðunar á Aðalskipulagi Vopnafjarðarhrepps 2040, mál nr. 196/2024 í Skipulagsgátt. Umsagnarfrestur er til og með 3. apríl 2024.

Lagt fram til kynningar.