Heimastjórn Seyðisfjarðar

Fyrir liggur skýrsla fráfarandi fulltrúa Seyðisfjarðar, frá Aðalheiði Borgþórsdóttur, sem gerði grein fyrir þeim verkefnum sem eru í vinnslu. Aðalheiður tók þátt í fundinum á Teams.

Heimastjórn þakkar Aðalheiði greinargóða yfirferð, fyrir farsælt samstarf og óskar henni góðs gengis í áframhaldandi störfum hjá Múlaþingi.

Á fundinn undir þessum lið mættu Hugrún Hjálmarsdóttir, framkvæmda- og umhverfismálastjóri og Sveinn Ágúst Þórsson, verkstjóri Þjónustumiðstöðvar á Seyðisfirði til að ræða snjómokstur á Seyðisfirði. Farið var yfir stöðu mála undanfarnar vikur og hvaða ráðstafanir eru fyrirhugaðar varðandi bættan snjómokstur m.a. með auknum tækjakosti. Einnig kynntu þau fyrir heimastjórn uppfært snjómoksturskort sem er aðgengilegt á vef Múlaþings.

Heimastjórn þakkar Hugrúnu og Sveini fyrir greinargóðar upplýsingar.

Lagt fram til kynningar.

Heimastjórn tekur til umræðu stöðuleyfi lausamuna og hvaða verkferlar gilda um slík mál.

Á fundinn undir þessum lið mættu Hugrún Hjálmarsdóttir, framkvæmda- og umhverfisstjóri og Sveinn Ágúst Þórsson, verkstjóri Þjónustumiðstöðvar á Seyðisfirði. Áformað er hjá Umhverfis- og framkvæmdasviði að gera verklagsreglur fyrir Múlaþing er varða þessi mál.

Heimastjórn þakkar Hugrúnu og Sveini fyrir greinargóða yfirferð.

Lagt fram til kynningar.

Fyrir liggja drög að endurskoðaðri 10 ára húsnæðisáætlun Múlaþings fyrir árið 2023.

Eftirfarandi var bókað á fundi umhverfis- og framkvæmdaráðs 19.12. 2022:
Umhverfis- og framkvæmdaráð samþykkir fyrirliggjandi drög að húsnæðisáætlun Múlaþings og vísar henni til kynningar hjá heimastjórnum og staðfestingar hjá sveitarstjórn.

Heimastjórn beinir því til starfsmanns heimastjórnar að uppfæra textann um atvinnulíf á Seyðisfirði í samræmi við umræður á fundinum og skila til viðeigandi aðila.

Afgreiðslu frestað þar til gögn hafa borist.

Heimastjórn bendir á að nú liggur fyrir álit Skipulagsstofnunar á mati á umhverfisáhrifum vegna framkvæmda við Fjarðarheiðargöng. Íbúar eru hvattir til að kynna sér álitið, umsagnir og svör Vegagerðarinnar á www.skipulag.is.