Heimastjórn Borgarfjarðar

Heimastjórn Borgarfjarðar tekur undir með heimastjórn Fljótsdalshéraðs og leggur til að 3. grein tillagnanna um reglur um veitingu umhverfisviðurkenninga í Múlaþingi
verði breytt þannig að flokkar viðurkenninga verði þrír en ekki tveir. Til viðbótar verði bætt flokknum Snyrtilegt og fallegt lögbýli. Enn fremur að hugað verði að landfræðilegri dreifingu viðurkenninganna.

Lagt fram til kynningar.

Heimastjórn Borgarfjarðar hyggur á gerð nýrra samþykkta fyrir félagsheimilið Fjarðarborg. Eldri samþykktir og reglur verða hafðar til hliðsjónar við þá vinnu auk reglna er gilda um önnur sambærileg hús. Starfsmanni heimastjórnar falið að setja saman drög að nýjum reglum og verðskrá í samræmi við umræður á fundinum.

Samþykkt samhljóða án handaupppréttingar.

Fyrir liggja drög að fjárhagsáætlun Múlaþings 2025 til 2028, en samkvæmt 48. grein samþykkta um stjórn Múlaþings skal fjárhagsáætlun koma til umsagnar heimastjórnar áður en hún er tekin til umræðu í sveitarstjórn.

Framkvæmdum við Fjarðarborg er áætlað að ljúki á árinu 2025 og heimastjórn leggur áherslu á að þeirri framkvæmd verði lokið í samræmi við upphaflegar áætlanir og með sóma. Heimastjórn vekur athygli á að engar nýframkvæmdir eru áætlaðar eftir árið 2025 á Borgarfirði og minnir í því ljósi á ályktun sína um að andvirði sölu íbúðarhúsnæðisins Þórshamars verði nýtt sem stofnfjárframlag til byggingar nýrra leiguíbúða.

Á Borgarfirði er rík innviðaskuld, m.a. í viðhaldi fasteigna, gangstéttum og götulýsingu. Heimastjórn vill því ítreka að tekið verði tillit til þess í áætlunum um viðhaldsverkefni næstu ára.

Samþykkt samhljóða án atkvæðagreiðslu.

Málinu frestað.

Heimastjórn Borgarfjarðar fagnar niðurstöðu um þjóðlendumál á Austurlandi.

Lagt fram til kynningar.