Fjölskylduráð Múlaþings

Fyrir fundinum liggja nýjar reglur Múlaþings um fjárhagsaðstoð. Fjölskylduráð samþykkir fyrirliggjandi reglur um fjárhagsaðstoð hjá Múlaþingi.

Samþykkt samhljóða með handauppréttingu.

Fjölskylduráð felur starfsmanni að klára samninga til eins árs við eftirfarandi félög í samræmi við umræður á fundinum: Akstursíþróttaklúbbinn Start, Bogfimideild Skotfélags Austurlands, Golfklúbb Fljótsdalshéraðs, Golfklúbb Seyðisfjarðar, Íþróttafélagið Huginn, Íþróttafélagið Hött, Lyftingafélag Austurlands, Skíðafélagið í Stafdal, Ungmennafélagið Neista og Ungmennafélagið Þrist.

Fjölskylduráð hyggst gera reglur vegna samninga við íþróttafélög á næsta ári. Verkefnisstjóra íþrótta- og tómstundamála falið að hefja undirbúning að þeirri vinnu í samræmi við umræður á fundinum.
Samþykkt með sex atkvæðum, einn situr hjá (ÁMS)

Fulltrúi V-listans (ÁMS) leggur fram eftirfarandi bókun: Ég tel mig ekki geta samþykkt þessa bókun þar sem forsendur fyrir hverri og einni styrkupphæð liggja ekki fyrir. Því sit ég hjá en fagna því að fjölskylduráð og starfsmenn muni brátt hefja vinnu við mótun reglna vegna samninga við íþróttafélög, en Fjölskylduráð ætti að taka samninga við íþróttafélögin fyrir og endurskoða þá gagngert út frá m.a. iðkendafjölda, aldursskiptingu, aðstöðu, kostnaði, umhverfi, framboði ofl.

Lagt fram til kynningar

Fjölskylduráð tekur vel í tillöguna enda vill það styðja mannauðsstefnu Múlaþings sem leggur meðal annars áherslu á heilbrigði og vellíðan á vinnustöðum. Vonar fjölskylduráð að sundkortin verði hvatning fyrir starfsfólk til aukinnar hreyfingar. Fræðslustjóra er falið að uppfæra reglurnar í samræmi við umræður á fundinum.

Samþykkt samhljóða með handauppréttingu.