Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Á fundinn undir þessum lið mætti Haddur Áslaugsson, tækni- og gæðastjóri hjá HEF veitum, og fór yfir stöðu mála og möguleg næstu skref.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra ásamt HEF veitum að ganga til samninga við þá aðila er sýnt hafa verkefninu áhuga. Frekari greining möguleika og verkefnis skal þó unnin áður en til samninga verður gengið. Verði niðurstaðan sú að fara í verkefnið er óskað eftir því að HEF veitur haldi utan um verkefnið. Sveitarstjóra er falið að senda svar við erindi Fjarskiptasjóðs fyrir kl. 12:00 föstudaginn 16. ágúst nk.

Samþykkt samhljóða án atkvæðagreiðslu.

Á fundinn undir þessum lið mætti Óðinn Gunnar Óðinsson, skrifstofustjóri, og gerði grein fyrir stöðu vinnu við myndun þjónustustefnu fyrir Múlaþings og fyrirhugaða vinnufundi á Borgarfirði eystra, Djúpavogi og Seyðisfirði.

Lagt fram til kynningar.

Fyrir liggur erindi frá Gísla M. Auðbergssyni hrl. varðandi forkaupsrétt sveitarfélagsins að Ránargötu 2c á Seyðisfirði.

Eftirfarandi tillaga lögð fram:
Vegna sölu Stjörnublásturs ehf. til Skálaseturs ehf. á fasteigninni Ránargötu 2c á Seyðisfirði samþykkir byggðaráð Múlaþings að nýta ekki forkaupsrétt sveitarfélagsins á umræddri eign.

Samþykkt samhljóða án atkvæðagreiðslu.

Fyrir liggur boðun til fundar um Náttúrustofu Austurlands fimmtudaginn 15. ágúst nk. í Múlanum í Neskaupstað.

Eftirfarandi tillaga lögð fram:
Byggðaráð Múlaþings samþykkir að auk sveitarstjóra skuli fulltrúum byggðaráðs gefinn kostur á að sitja fyrirhugaðan fund um framtíð Náttúrustofu Austurlands sem haldinn verður fimmtudaginn 15. ágúst nk. Einnig skulu viðkomandi taka þátt í undirbúningsfundi er haldinn verður um fjarfundarbúnað mánudaginn 12. ágúst n.k.

Samþykkt samhljóða án atkvæðagreiðslu.

Fyrir liggur fundargerð kynningarfundar er fulltrúar Vegagerðarinnar héldu með fulltrúum Múlaþings og Austurbrúar 16. maí 2024.

Lagt fram til kynningar.

Fyrir liggja fundargerðir stjórnar Samtaka orkusveitarfélaga, dags. 02.05. og 21.06.2024.

Lagt fram til kynningar.