Yfirlit frétta

Allir þeir Seyðfirðingar sem ekki fengu að snúa aftur til síns heima fyrir jólin, hafa fengið húsnæði yfir hátíðarnar. Margir höfðu þegar komið sér fyrir hjá ættingjum og vinum annars staðar en starfsfólk Múlaþings hefur aðstoðað við að finna hentugt húsnæði.

Skrifstofur Múlaþings verða lokaðar 24. desember og á Gamlársdag 31. desember. Skrifstofurnar verða opnar 28. til og með 30. desember á hefðbundnum opnunartíma

Aðstæður í Botnabrún voru skoðaðar sérstaklega í dag og er það mat Veðurstofunnar að óverulegar líkur eru á skriðu sem skapað geti hættu neðan Múlavegar (gullitað á korti sem fylgir).

An information center for the has been opened in Seyðisfjörður. The chief of police has the authority to open an emergency support center in the event of danger. The information center is located in Herðubreið, the community- and cultural center on Austurvegur 4.

Niðurstaða gagnagreiningar milli kl. 20 og 21 Beðið er niðurstöðu gagnagreiningar eftir daginn. Henni lýkur ekki fyrir klukkan 19 líkt og gert var ráð fyrir. Að því sögðu er stefnt að því að tilkynning um mögulega afléttingu rýmingar í tilteknum götum verði send milli klukkan 20 og 21 í kvöld.

Þjónustumiðstöð almannavarna hefur verið opnuð á Seyðisfirði. Ríkislögreglustjóri hefur heimild til að starfrækja tímabundna þjónustumiðstöð þegar hættu ber að garði eða hún er um garð gengin.

Greining gagna og mat á stöðugleika á rýmingarsvæði hefur staðið yfir og er metið reglulega. Aðstæður hafa farið hratt batnandi eftir að rigningu slotaði og kólnaði í veðri. Hins vegar er gert ráð fyrir að hlýni að nýju í skamman tíma á aðfanga- og jóladag. Því munu hús sem efst eru í byggðinni í jaðri rýmingarsvæðis haldast óbreytt í rýmingu til 27. desember að minnsta kosti.

Fulltrúar frá Náttúruhamfaratryggingu Íslands verða í dag, 22. desember, í Þjónustumiðstöðinni í Herðubreið á Seyðisfirði, til viðtals og ráðgjafar.

Enn er verið að rýna gögn er varða stöðugleika á svæðinu. Samkvæmt mati þykir rétt að halda rýmingu áfram óbreyttri til morguns.

Verið er að rýna gögn sem safnað hefur verið og varða meðal annars stöðugleika ofan við rýmd hús á Seyðisfirði. Vonir standa til að niðurstaða liggi fyrir síðar í dag. Ákvörðun verður í kjölfarið tekin um mögulega afléttingu rýmingar og þá hversu mikil hún verður. Óvissa er enn til staðar og kann því að vera að rýming verði óbreytt og staðan tekin að nýju í fyrramálið.