Ungmennaráð Múlaþings

Undir þessum lið kom Halldóra Dröfn Hafþórsdóttir, verkefnastjóri hjá Austurbrú og kynnti fyrir ungmennaráði menningarhátíð barna- og ungmenna á Austurlandi, BRAS sem haldin hefur verið síðan 2018. Þemað í ár er "Hringurinn" og óskaði Halldóra eftir hugmyndum ráðsins um viðburði. Ungmennaráð mun taka málið aftur fyrir á næsta fundi.

Samþykkt samhljóða með handauppréttingu.

Unnið er að fjölskyldustefnu Múlaþings undir stjórn Maríu Kristínar Gylfadóttur og Elínar Thorarensen frá North Consulting. María og Elín mættu á fundinn og kynntu fyrir ungmennaráði fyrirhugaða vinnu og mikilvægt hlutverk ráðsins við mótun stefnunnar.

Málið áfram í vinnslu.

Undir þessum lið mætti Eyþór Stefánsson og fór yfir stöðu mála á framkvæmdum í Fjarðarborg.

Ungmennaráð þakkar Eyþóri fyrir greinargóðar upplýsingar.

Fyrir liggur áframhaldandi vinna við bréf til mótshaldara Skólahreystis, í samvinnu við ungmennaráð Fjarðarbyggðar. Stefnt er að því að senda bréfið fyrir lok vikunnar.

Í vinnslu.

Fyrir liggja niðurstöður könnunar Gallup varðandi þjónustu sveitarfélagsins 2022.

Lagt fram til kynningar.