Umhverfis- og framkvæmdaráð Múlaþings

Fyrir liggur tillaga til breytinga á deiliskipulagi Davíðsstaða í Eiðaþinghá ásamt erindi frá skipulagsráðgjafa þar sem lagður er fram rökstuðningur fyrir því að málsmeðferð verði í samræmi við 2. mgr. 43. gr. skipulagslaga.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi óverulega breytingu á deiliskipulagi Davíðsstaða í Eiðaþinghá í samræmi við 2. mgr. 43. gr. skipulagslaga nr. 123/2010. Jafnframt samþykkir ráðið, með vísan til gr. 5.9.3. í skipulagsreglugerð, að fallið verði frá grenndarkynningu breytinganna.

Samþykkt samhljóða

Fyrir ráðinu liggur enn á ný erindi frá málsaðila þar sem óskað er eftir því að ráðið endurskoði fyrri afstöðu sína um staðsetningu vegtengingar að nýrri frístundabyggð í landi Hafrafells 1 (L156999). Samkvæmt fyrirliggjandi erindi fæst ekki heimild frá landeiganda Hafrafells 2 (L222001) fyrir þeirri vegtengingu sem Vegagerðin hefur mælt með.

Eftirfarandi tillaga lögð fram:
Umhverfis- og framkvæmdaráð samþykkir deiliskipulagið sem lagt var fram á 110. fundi ráðsins þann 4. mars síðastliðinn. Umhverfis- og framkvæmdaráð samþykkir vegtenginguna sem þar er lögð fram í samræmi við deiliskipulagstillöguna með því skilyrði að skering verði gerð í Selhöfðann til að bæta vegsýn. Umhverfis- og framkvæmdaráð fer jafnframt fram á það við Vegagerðina að farið verði í aðgerðir til að bæta umferðaröryggi á svæðinu t.d. með óbrotinni línu, lækkun umferðarhraða og svo frv.

Samþykkt samhljóða

Fyrir liggur umsókn um framkvæmdaleyfi frá Neyðarlínunni ofh. í tengslum við lagnaframkvæmdir frá smávirkjun í Langadalsá að fjarskiptamastri á Gestreiðarstaðahnjúk.

Eftirfarandi tillaga lögð fram:
Fyrirhuguð áform eru í samræmi við stefnu Aðalskipulags Fljótsdalshéraðs 2008-2028 sem og deiliskipulag smávirkjunar við Gestreiðarstaðaháls. Umhverfis- og framkvæmdaráð samþykkir að fela skipulagsfulltrúa að gefa út framkvæmdaleyfi á grundvelli fyrirliggjandi gagna.

Samþykkt samhljóða

Fyrir liggja athugasemdir sem bárust við grenndarkynningu vegna umsóknar RARIK um lóð fyrir spennistöð við Vogaland 16 á Djúpavogi, en frestur rann út þann 20. september sl.

Fyrir liggja athugasemdir sem bárust við grenndarkynningu vegna fyrirhugaðra byggingaráforma við Austurveg 24 á Seyðisfirði, en frestur rann út þann 19. september sl.

Eftirfarandi tillaga lögð fram:
Umhverfis- og framkvæmdaráð hefur fjallað um fyrirliggjandi athugasemdir og bendir á að fyrirhuguð áform eru í samræmi ákvæði byggingarreglugerðar um fjarlægð milli húsa auk þess að vera ekki til þess fallin að mynda skuggavarp á dvalarsvæði aðliggjandi húsa.
Ráðið metur sem svo að innkomnar athugasemdir gefi ekki tilefni til frekari breytinga á fyrirhuguðum áformum og vísar afgreiðslu málsins til byggingarfulltrúa.

Samþykkt samhljóða

Til fundar komu fulltrúar heimastjórnar Djúpavogs auk fulltrúa sveitarstjóra. Farið var yfir stöðu helstu mála í byggðakjarnanum.