Fjölskylduráð Múlaþings

Starfsmaður leggur fram drög að gjaldskrám félagsþjónustu fyrir árið 2024. Fjölskylduráð samþykkir fyrir sitt leyti framlagðar breytingar.

Samþykkt samhljóða.

Frestað til næsta fundar.

Lagt er fyrir fundinn fundardagatal sveitarstjórnar, ráða og nefnda á fyrri helmingi næsta árs. Fjölskylduráð samþykkir fyrir sitt leyti framlagt fundardagatal.

Lögð er fram til kynningar skýrsla um húsnæðismál fatlaðs fólks frá Öryrkjabandalagi Íslands.

Samkvæmt bókun á fundi byggðaráðs 21. nóvember s.l. er óskað eftir því að fjölskylduráð tilnefni aðila úr ráðinu til setu í faghópi um úthlutun menningarstyrkja hjá Múlaþingi.

Fjölskylduráð tilnefnir Ásrúnu Mjöll Stefánsdóttur sem fulltrúa ráðsins.

Samþykkt samhljóða.

Borist hefur erindi frá félagsþjónustu Grindavíkurbæjar vegna vinnslu barnaverndarmála barna með lögheimili í Grindavík en sem nú eru búsett annars staðar á landinu. Fjölskylduráð vill með öllum ráðum styðja við og aðstoða barnavernd Grindavíkur í vinnslu mála á meðan óvissa er uppi um búsetu í Grindavík.

Borist hafa leiðbeiningar frá félagsþjónustu Grindavíkur varðandi hvernig bregðast skuli við ef íbúar úr Grindavík leita þjónustu hjá öðrum félagsþjónustum á landinu.

Lagt fram til kynningar.

Félagsmálastjóri leggur fram til samþykktar nýtt skipurit í félagsþjónustu. Fjölskylduráð samþykkir nýtt skipulag fyrir sitt leyti og vísar málinu til byggðaráðs.

Samþykkt samhljóða.

Bókun færð í trúnaðarmálabók.

Lagt fram til kynningar.