Heimastjórn Fljótsdalshéraðs

Fyrir liggur tölvupóstur dagsettur 29.8. 2022, frá Hugrúnu Hjálmarsdóttur framkvæmda- og umhverfismálastjóra, þar sem kallað er eftir áherslum heimastjórna varðandi nýframkvæmdir og viðhald á þeirra svæði, sem verði síðan hafðar til hliðsjónar við fjárhagsáætlunarvinnuna framundan.
Málið var áður á dagskrá heimastjórnar 1.9. 2022.

Heimastjórn Fljótsdalshéraðs felur starfsmanni að ljúka frágangi tillagna vegna fjárhagsáætlanagerðar fyrir árin 2023 til 2026 og koma þeim til framkvæmda- og umhverfismálastjóra.

Samþykkt samhljóða með handauppréttingu.

Fyrir drög að Fjallskilasamþykkt fyrir sveitarfélög á starfssvæði Sambands
sveitarfélaga á Austurlandi og bréf dagsett 31. ágúst og 3. október 2022 frá Jónu Árnýju Þórðardóttur, framkvæmdastjóra SSA, þar sem óskað er eftir að sveitarstjórnir á starfssvæði SSA taki fjallskilasamþykktina aftur fyrir og staðfesti.
Málinu var vísað til umfjöllunar í heimastjórnum Múlaþings á fundi sveitarstjórnar 14.9. 2022.

Heimastjórn Fljótsdalshéraðs gerir ekki athugasemd við fyrirliggjandi drög að fjallaskilasamþykkt. Heimastjórn hvetur til áframhaldandi vinnu við endurskipulag fjallskilamála í Múlaþingi.

Samþykkt samhljóða með handauppréttingu.

Fyrir liggur tölvupóstur og bréf dagsett 12. 9. 20202, frá Foreldrafélagi Brúarásskóla. Þar er vitnað til haustfundar foreldrafélagsins frá í september þar sem líst er ánægju með hvernig til tókst með framkvæmdir við annað gamla íbúðarhúsið við skólann. Einnig kemur fram sú ósk að haldið verði áfram með verkið og hitt húsið lagað einnig.
Á fundinn undir þessum lið mætti Steingrímur Jónsson verkefnastjóri framkvæmdamála hjá Múlaþingi.

Heimastjórn Fljótsdalshéraðs hvetur til þess að lokið verið við endurbætur á húsi 1 í Brúarási á næsta ári.

Samþykkt samhljóða með handauppréttingu.

Fyrir liggur frá Skipulagsstofnun umsagnarbeiðni, dagsett 13.9. 2022, vegna matsskyldufyrirspurnar vegna uppsetningar tveggja vindmylla við Lagarfossvirkjun sem framleiða allt að 9,9 MW.

Heimastjórn Fljótsdalshéraðs felur skipulagsfulltrúa að ganga frá umsögn heimastjórnar fyrir hönd sveitarfélagsins.

Samþykkt samhljóða með handauppréttingu.

Heimastjórn Fljótsdalshéraðs gerir kröfu um að uppbyggingu raforkuinnviða og þrífasavæðingu í dreifbýli á Fljótsdalshéraði verði flýtt enda sýndi sig í nýafstöðnu óveðri að núverandi eldri línukerfi þolir ekki slíkt álag. Heimastjórn samþykkir að beina því til sveitarstjórnar að taka málið upp við innviðarráðuneytið.

Samþykkt samhljóða með handa uppréttingu.

Málinu frestað til næsta fundar.

Fyrir liggur bréf dagsett 4. október 2022, frá Þórarni Ragnarssyni á Brennistöðum þar sem óskað er eftir að heimastjórnin beiti sér fyrir því að vegur milli Brennistaða og Gilsárteigs verði tekinn á vegaskrá þannig að viðhald og þjónusta vegarins verði tryggð.

Heimastjórn Fljótsdalshéraðs leggur til við umhverfis- og framkvæmdaráð að taka málið upp við Vegagerðina.

Samþykkt samhljóða með handauppréttingu.